헬라어 문장 검색 - Διοδορ́Λιβραρψ́6́63́

(디오도로스 시켈로스, Library, book xiii, chapter 108)

μικρὸν δὲ τῆσ εἰρήνησ ὕστερον ἐτελεύτησε Δαρεῖοσ ὁ τῆσ Ἀσίασ βασιλεύσ, ἄρξασ ἔτη ἐννεακαίδεκα, τὴν δ’ ἡγεμονίαν διεδέξατο τῶν υἱῶν ὁ πρεσβύτατοσ Ἀρταξέρξησ καὶ ἦρξεν ἔτη τρία πρὸσ τοῖσ τεσσαράκοντα. καθ’ ὃν δὴ χρόνον καὶ Ἀντίμαχον τὸν ποιητὴν Ἀπολλόδωροσ ὁ Ἀθηναῖόσ φησιν ἠνθηκέναι. κατὰ δὲ τὴν Σικελίαν Ἰμίλκων ὁ τῶν Καρχηδονίων ἀφηγούμενοσ ἀρχομένου τοῦ θέρουσ τὴν μὲν τῶν Ἀκραγαντίνων πόλιν κατέσκαψε, τῶν δ’ ἱερῶν, ὅσα μηδ’ ἱκανῶσ ὑπὸ τοῦ πυρὸσ ἐδόκει διεφθάρθαι, τὰσ γλυφὰσ καὶ τὰ περιττοτέρωσ εἰργασμένα περιέκοψεν·

αὐτόθε δ’ ἀναλαβὼν ἅπασαν τὴν δύναμιν ἐνέβαλεν εἰσ τὴν τῶν Γελῴων χώραν. ἐπελθὼν δὲ ταύτην πᾶσαν καὶ τὴν Καμαριναίαν, πλῆρεσ ἐποίησε τὸ στράτευμα παντοίασ ὠφελείασ.

μετὰ δὲ ταῦτα ἐπὶ Γέλαν πορευθεὶσ παρὰ τὸν ὁμώνυμον ποταμὸν τῇ πόλει κατεστρατοπέδευσεν. ἐχόντων δὲ τῶν Γελῴων ἐκτὸσ τῆσ πόλεωσ Ἀπόλλωνοσ ἀνδριάντα χαλκοῦν σφόδρα μέγαν, συλήσαντεσ αὐτὸν ἀπέστειλαν εἰσ τὴν Τύρον.

τοῦτον μὲν οἱ Γελῷοι κατὰ τὸν τοῦ θεοῦ χρησμὸν ἀνέθηκαν, οἱ δὲ Τύριοι καθ’ ὃν καιρὸν ὕστερον ὑπ’ Ἀλεξάνδρου τοῦ Μακεδόνοσ ἐπολιορκοῦντο, καθύβριζον ὡσ συναγωνιζόμενον τοῖσ πολεμίοισ· Ἀλεξάνδρου δ’ ἑλόντοσ τὴν πόλιν,ὡσ Τίμαιόσ φησι, κατὰ τὴν ὁμώνυμον ἡμέραν καὶ τὴν αὐτὴν ὡρ́αν ἐν ᾗ Καρχηδόνιοι τὸν Ἀπόλλωνα περὶ Γέλαν ἐσύλησαν, συνέβη τιμηθῆναι θυσίαισ καὶ προσόδοισ ταῖσ μεγίσταισ ὑπὸ τῶν Ἑλλήνων, ὡσ αἴτιον γεγενημένον τῆσ ἁλώσεωσ. ταῦτα μὲν οὖν, καίπερ ἐν ἄλλοισ πραχθέντα χρόνοισ, οὐκ ἀνεπιτήδειον ἡγησάμεθα παρ’ ἄλληλα θεῖναι διὰ τὸ παράδοξον.

οἱ δ’ οὖν Καρχηδόνιοι δενδροτομοῦντεσ τὴν χώραν τάφρον περιεβάλοντο τῇ στρατοπεδείᾳ· προσεδέχοντο γὰρ τὸν Διονύσιον ἥξειν μετὰ δυνάμεωσ πολλῆσ βοηθήσοντα τοῖσ κινδυνεύουσιν. οἱ δὲ Γελῷοι τὸ μὲν πρῶτον ἐψηφίσαντο τέκνα καὶ γυναῖκασ εἰσ Συρακούσασ ὑπεκθέσθαι διὰ τὸ μέγεθοσ τοῦ προσδοκωμένου κινδύνου·

τῶν δὲ γυναικῶν ἐπὶ τοὺσ κατὰ τὴν ἀγορὰν βωμοὺσ καταφυγουσῶν καὶ δεομένων τῆσ αὐτῆσ τοῖσ ἀνδράσι τύχησ κοινωνῆσαι, συνεχώρησαν. μετὰ δὲ ταῦτα τάξεισ ποιησάμενοι πλείστασ, κατὰ μέροσ τοὺσ στρατιώτασ ἀπέστελλον ἐπὶ τὴν χώραν·

οὗτοι δ’ ἐμπειρίαν ἔχοντεσ ἐπετίθεντο τοῖσ πλανωμένοισ τῶν πολεμίων, καὶ πολλοὺσ μὲν αὐτῶν καθ’ ἡμέραν ἀνῆγον ζῶντασ, οὐκ ὀλίγουσ δὲ ἀνῄρουν. τῶν δὲ Καρχηδονίων ἀπὸ μέρουσ προσβαλλόντων τῇ πόλει καὶ τοῖσ κριοῖσ καταβαλλόντων τὰ τείχη γενναίωσ ἠμύνοντο·

τά τε γὰρ ἐφ’ ἡμέρασ πίπτοντα τῶν τειχῶν νυκτὸσ ἀνῳκοδόμουν, συνυπηρετουσῶν τῶν γυναικῶν καὶ παίδων· οἱ μὲν γὰρ ἀκμάζοντεσ ταῖσ ἡλικίαισ ἐν τοῖσ ὅπλοισ ὄντεσ διετέλουν μαχόμενοι, τὸ δ’ ἄλλο πλῆθοσ τοῖσ ἔργοισ καὶ ταῖσ ἄλλαισ παρασκευαῖσ προσήδρευε μετὰ πάσησ προθυμίασ· τὸ δὲ σύνολον οὕτωσ ἐδέξαντο τὴν ἔφοδον τῶν Καρχηδονίων εὐρώστωσ, ὥστε καὶ πόλιν ἀνώχυρον ἔχοντεσ καὶ συμμάχων ὄντεσ ἔρημοι, πρὸσ δὲ τούτοισ τὰ τείχη θεωροῦντεσ πίπτοντα κατὰ πλείονασ τόπουσ, οὐ κατεπλάγησαν τὸν περιεστῶτα κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 108

(디오도로스 시켈로스, Library, book xiii, chapter 108)

상위

목록

SEARCH

MENU NAVIGATION