헬라어 문장 검색 - Διοδορ́Λιβραρψ́6́31́

(디오도로스 시켈로스, Library, book xiii, chapter 54)

τῶν δὲ κατὰ τοῦτον τὸν ἐνιαυτὸν πράξεων τέλοσ ἐχουσῶν Ἀθήνησι μὲν παρέλαβε τὴν ἀρχὴν Διοκλῆσ, ἐν Ῥώμῃ δὲ τὴν ὕπατον εἶχον ἀρχὴν Κόιντοσ Φάβιοσ καὶ Γάιοσ Φούριοσ. περὶ δὲ τούτουσ τοὺσ καιροὺσ Ἀννίβασ ὁ τῶν Καρχηδονίων στρατηγὸσ τούσ τ’ ἐξ Ἰβηρίασ ξενολογηθέντασ καὶ τοὺσ ἐκ τῆσ Λιβύησ καταγραφέντασ στρατιώτασ συνήγαγε, καὶ μακρὰσ μὲν ἑξήκοντα ναῦσ ἐπλήρωσε, τὰ δὲ φορτηγὰ πλοῖα περὶ χίλια πεντακόσια παρεσκευάσατο. ἐν τούτοισ τήν τε δύναμιν διεκόμιζε καὶ τὰ πρὸσ τὰσ πολιορκίασ μηχανήματα καὶ βέλη καὶ τὴν ἄλλην παρασκευὴν ἅπασαν.

περαιωθεὶσ δὲ μετὰ τοῦ στόλου τὸ Λιβυκὸν πέλαγοσ, κατέπλευσε τῆσ Σικελίασ ἐπὶ τὴν ἄκραν τὴν ἀπέναντι τῆσ Λιβύησ, καλουμένην Λιλύβαιον· καθ’ ὃν δὴ χρόνον τῶν Σελινουντίων τινὲσ ἱππέων περὶ τοὺσ τόπουσ διατρίβοντεσ, καὶ τὸ μέγεθοσ τοῦ καταπλέοντοσ στόλου θεασάμενοι, ταχέωσ τοῖσ πολίταισ τὴν τῶν πολεμίων παρουσίαν ἐδήλωσαν.

καὶ οἱ μὲν Σελινούντιοι τοὺσ βιβλιαφόρουσ παραχρῆμα πρὸσ τοὺσ Συρακοσίουσ ἀπέστειλαν, δεόμενοι βοηθεῖν· ὁ δ’ Ἀννίβασ ἐκβιβάσασ τὴν δύναμιν κατεστρατοπέδευσεν, ἀρξάμενοσ ἀπὸ τοῦ φρέατοσ, ὃ κατ’ ἐκείνουσ μὲν τοὺσ καιροὺσ ὠνομάζετο Λιλύβαιον, μετὰ δὲ ταῦτα πολλοῖσ ἔτεσι πρὸσ αὐτῷ κτισθείσησ πόλεωσ αἴτιον ἐγενήθη τῇ πόλει τῆσ ἐπωνυμίασ.

εἶχε δὲ τοὺσ σύμπαντασ Ἀννίβασ, ὡσ μὲν Ἔφοροσ ἀνέγραψε, πεζῶν μυριάδασ εἴκοσι, ἱππεῖσ δὲ τετρακισχιλίουσ, ὡσ δὲ Τίμαιόσ φησιν, οὐ πολλῷ πλείουσ τῶν δέκα μυριάδων.

τὰσ μὲν οὖν ναῦσ ἐν τῷ περὶ Μοτύην κόλπῳ πάσασ ἐνεώλκησε, βουλόμενοσ ἔννοιαν διδόναι τοῖσ Συρακοσίοισ, ὡσ οὐ πάρεστιν ἐκείνοισ πολεμήσων οὐδὲ ναυτικῇ δυνάμει παραπλεύσων ἐπὶ Συρακούσασ· παραλαβὼν δὲ τοὺσ παρ’ Αἰγεσταίων στρατιώτασ καὶ τοὺσ παρὰ τῶν ἄλλων συμμάχων ἀνέζευξεν ἀπὸ τοῦ Λιλυβαίου τὴν πορείαν ποιούμενοσ ἐπὶ Σελινοῦντοσ.

ὡσ δ’ ἐπὶ τὸν Μάζαρον ποταμὸν παρεγενήθη, τὸ μὲν παρ’ αὐτὸν ἐμπόριον κείμενον εἷλεν ἐξ ἐφόδου, πρὸσ δὲ τὴν πόλιν παραγενηθεὶσ εἰσ δύο μέρη διεῖλε τὴν δύναμιν· περιστρατοπεδεύσασ δ’ αὐτὴν καὶ τὰσ μηχανὰσ ἐπιστήσασ μετὰ πάσησ σπουδῆσ τὰσ προσβολὰσ ἐποιεῖτο. ἓξ μὲν γὰρ πύργουσ ὑπερβάλλοντασ τοῖσ μεγέθεσιν ἐπέστησε, τοὺσ ἴσουσ δὲ κριοὺσ κατασεσιδηρωμένουσ προσήρεισε τοῖσ τείχεσι·

χωρὶσ δὲ τούτων τοῖσ τοξόταισ καὶ σφενδονήταισ πολλοῖσ χρώμενοσ ἀνέστελλε τοὺσ ἐπὶ τῶν ἐπάλξεων μαχομένουσ. οἱ δὲ Σελινούντιοι ἐκ πολλῶν ὄντεσ ἄπειροι πολιορκίασ, καὶ Καρχηδονίοισ ἐν τῷ πρὸσ Γέλωνα πολέμῳ συνηγωνισμένοι μόνοι τῶν Σικελιωτῶν, οὔποτ’ ἤλπιζον ὑπὸ τῶν εὐεργετηθέντων εἰσ τοιούτουσ φόβουσ συγκλεισθήσεσθαι.

θεωροῦντεσ δὲ τὰ μεγέθη τῶν μηχανημάτων καὶ τὰ πλήθη τῶν πολεμίων, περιδεεῖσ ἦσαν καὶ κατεπλήττοντο τὸ μέγεθοσ τοῦ περιεστῶτοσ κινδύνου.

οὐ μὴν κατὰ πᾶν γε τὴν σωτηρίαν ἀπεγίνωσκον, ἀλλὰ προσδοκῶντεσ συντόμωσ ἥξειν τοὺσ Συρακοσίουσ καὶ τοὺσ ἄλλουσ συμμάχουσ, πανδημεὶ τοὺσ πολεμίουσ ἀπὸ τῶν τειχῶν ἠμύνοντο.

οἱ μὲν γὰρ ἀκμάζοντεσ ταῖσ ἡλικίαισ ἐν τοῖσ ὅπλοισ ὄντεσ διεκινδύνευον, οἱ δὲ πρεσβύτεροι περί τε τὰσ παρασκευὰσ ἦσαν καὶ περιπορευόμενοι τὸ τεῖχοσ ἐδέοντο τῶν νέων μὴ περιιδεῖν αὐτοὺσ ὑποχειρίουσ τοῖσ πολεμίοισ γινομένουσ·

γυναῖκεσ δὲ καὶ παῖδεσ τάσ τε τροφὰσ καὶ βέλη τοῖσ ὑπὲρ τῆσ πατρίδοσ ἀγωνιζομένοισ παρεκόμιζον, τὴν αἰδῶ καὶ τὴν ἐπὶ τῆσ εἰρήνησ αἰσχύνην παρ’ οὐδὲν ἡγούμεναι. τοσαύτη κατάπληξισ καθειστήκει, ὥστε τὸ μέγεθοσ τῆσ περιστάσεωσ δεῖσθαι καὶ τῆσ παρὰ τῶν γυναικῶν βοηθείασ.

ὁ δ’ Ἀννίβασ ἐπαγγειλάμενοσ τοῖσ στρατιώταισ εἰσ διαρπαγὴν δώσειν τὴν πόλιν, τάσ τε μηχανὰσ προσήρεισε καὶ τοῖσ κρατίστοισ στρατιώταισ ἐκ διαδοχῆσ προσέβαλλε τοῖσ τείχεσιν. ὁμοῦ δὲ αἵ τε σάλπιγγεσ τὸ πολεμικὸν ἐσήμαινον καὶ πρὸσ ἓν παράγγελμα πᾶν ἐπηλάλαξε τὸ τῶν Καρχηδονίων στράτευμα, καὶ τῇ βίᾳ μὲν τῶν κριῶν ἐσαλεύετο τὰ τείχη, τῷ δ’ ὕψει τῶν πύργων οἱ μαχόμενοι πολλοὺσ τῶν Σελινουντίων ἀνῄρουν·

ἐν πολυχρονίῳ γὰρ εἰρήνῃ γεγονότεσ καὶ τῶν τειχῶν οὐδ’ ἡντινοῦν ἐπιμέλειαν πεποιημένοι ῥᾳδίωσ κατεπονοῦντο, τῶν ξυλίνων πύργων πολὺ τοῖσ ὕψεσιν ὑπερεχόντων.

πεσόντοσ δὲ τοῦ τείχουσ οἱ μὲν Καμπανοὶ σπεύδοντεσ ἐπιφανέσ τι πρᾶξαι, ταχέωσ εἰσέπεσον εἰσ τὴν πόλιν. τὸ μὲν οὖν πρῶτον κατεπλήξαντο τοὺσ ὑποστάντασ, ὀλίγουσ ὄντασ·

μετὰ δὲ ταῦτα πολλῶν συνδραμόντων ἐπὶ τὴν βοήθειαν ἐξεώσθησαν καὶ συχνοὺσ ἑαυτῶν ἀπέβαλον· οὔπω γὰρ τελέωσ ἀνακεκαθαρμένου τοῦ τείχουσ βιασάμενοι καὶ κατὰ τὴν ἔφοδον εἰσ δυσχωρίασ ἐμπίπτοντεσ ῥᾳδίωσ ἠλαττοῦντο. νυκτὸσ δ’ ἐπιγενομένησ οἱ μὲν Καρχηδόνιοι τὴν πολιορκίαν ἔλυσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 54

(디오도로스 시켈로스, Library, book xiii, chapter 54)

상위

목록

SEARCH

MENU NAVIGATION