Diodorus Siculus, Library, book xiii, chapter 2

(디오도로스 시켈로스, Library, book xiii, chapter 2)

ἐπ’ ἄρχοντοσ γὰρ Ἀθήνησι Χαβρίου Ῥωμαῖοι μὲν ἀντὶ τῶν ὑπάτων κατέστησαν χιλιάρχουσ τρεῖσ, Λεύκιον Σέργιον, Μάρκον Παπίριον, Μάρκον Σερουίλιον. ἐπὶ δὲ τούτων Ἀθηναῖοι ψηφισάμενοι τὸν πρὸσ Συρακοσίουσ πόλεμον τάσ τε ναῦσ ἐπεσκεύασαν καὶ χρήματα συναγαγόντεσ μετὰ πολλῆσ σπουδῆσ ἅπαντα τὰ πρὸσ τὴν στρατείαν παρεσκευάζοντο. ᾑρημένοι δὲ τρεῖσ στρατηγούσ, Ἀλκιβιάδην, Νικίαν, Λάμαχον, αὐτοκράτορασ αὐτοὺσ κατέστησαν ἁπάντων τῶν κατὰ τὸν πόλεμον. τῶν δὲ ἰδιωτῶν οἱ ταῖσ οὐσίαισ εὐποροῦντεσ τῇ προθυμίᾳ τοῦ δήμου χαρίζεσθαι βουλόμενοι τινὲσ μὲν ἰδίασ τριήρεισ κατεσκεύασαν, τινὲσ δὲ χρήματα δώσειν εἰσ τὰσ τροφὰσ τῆσ δυνάμεωσ ἐπηγγέλλοντο·

πολλοὶ δὲ καὶ τῶν δημοτικῶν πολιτῶν καὶ ξένων, ἔτι δὲ συμμάχων, ἑκουσίωσ προσιόντεσ τοῖσ στρατηγοῖσ διεκελεύοντο καταγράφειν ἑαυτοὺσ εἰσ τοὺσ στρατιώτασ. οὕτωσ ἅπαντεσ μεμετεωρισμένοι ταῖσ ἐλπίσιν ἐξ ἑτοίμου κατακληρουχεῖν ἤλπιζον τὴν Σικελίαν. ἤδη δὲ τοῦ στόλου παρεσκευασμένου, τοὺσ ἑρμᾶσ τοὺσ κατὰ τὴν πόλιν παμπληθεῖσ ὄντασ συνέβη ἐν μιᾷ νυκτὶ περικοπῆναι.

ὁ μὲν οὖν δῆμοσ, οὐχ ὑπὸ τῶν τυχόντων νομίσασ γεγενῆσθαι τὴν πρᾶξιν, ἀλλ’ ὑπὸ τῶν προεχόντων ταῖσ δόξαισ ἐπὶ τῇ καταλύσει τῆσ δημοκρατίασ, ἐμισοπονήρει καὶ τοὺσ πράξαντασ ἐζήτει μεγάλασ δωρεὰσ προθεὶσ τῷ μηνύσαντι. προσελθὼν δέ τισ τῇ βουλῇ τῶν ἰδιωτῶν ἔφησεν εἰσ οἰκίαν μετοίκου τινὰσ ἑωρακέναι τῇ νουμηνίᾳ περὶ μέσασ νύκτασ εἰσιόντασ, ἐν οἷσ καὶ τὸν Ἀλκιβιάδην.

ἀνακρινόμενοσ δ’ ὑπὸ τῆσ βουλῆσ, πῶσ νυκτὸσ οὔσησ ἐπεγίνωσκε τὰσ ὄψεισ, ἔφησε πρὸσ τὸ τῆσ σελήνησ φῶσ ἑωρακέναι. οὗτοσ μὲν οὖν αὑτὸν ἐξελέγξασ κατεψευσμένοσ ἠπιστήθη, τῶν δ’ ἄλλων οὐδ’ ἴχνοσ οὐδεὶσ τῆσ πράξεωσ εὑρεῖν ἠδυνήθη. τριήρων μὲν ἑκατὸν τεσσαράκοντα ἑτοιμασμένων, ὁλκάδων δὲ καὶ τῶν ἱππαγωγῶν, ἔτι δὲ τῶν τὸν σῖτον καὶ τὴν ἄλλην παρασκευὴν κομιζόντων πολύσ τισ ἀριθμὸσ ἦν·

ὁπλῖται δὲ καὶ σφενδονῆται, πρὸσ δὲ τούτοισ ἱππεῖσ καὶ τῶν συμμάχων πλείουσ τῶν ἑπτακισχιλίων ἐκτὸσ τῶν ἐν τοῖσ πληρώμασι. τότε μὲν οὖν οἱ στρατηγοὶ μετὰ τῆσ βουλῆσ ἐν ἀπορρήτῳ συνεδρεύοντεσ ἐβουλεύοντο, πῶσ χρὴ διοικῆσαι τὰ κατὰ τὴν Σικελίαν, ἐὰν τῆσ νήσου κρατήσωσιν.

ἔδοξεν οὖν αὐτοῖσ Σελινουντίουσ μὲν καὶ Συρακοσίουσ ἀνδραποδίσασθαι, τοῖσ δ’ ἄλλοισ ἁπλῶσ τάξαι φόρουσ, οὓσ κατ’ ἐνιαυτὸν οἴσουσιν Ἀθηναίοισ.

일치하는 문장이 없습니다.

SEARCH

MENU NAVIGATION