헬라어 문장 검색 - Διοδορ́Λιβραρψ́6́52́

(디오도로스 시켈로스, Library, book xiii, chapter 90)

ὁ δ’ Ἰμίλκασ ἅμα τῷ φωτὶ τὴν δύναμιν ἐντὸσ τῶν τειχῶν παρεισαγαγὼν σχεδὸν ἅπαντασ τοὺσ ἐγκαταλειφθέντασ ἀνεῖλεν· ὅτε δὴ καὶ τοὺσ ἐν τοῖσ ναοῖσ καταπεφευγότασ ἀποσπῶντεσ οἱ Καρχηδόνιοι ἀνῄρουν. λέγεται δὲ τὸν Τελλίαν τὸν πρωτεύοντα τῶν πολιτῶν πλούτῳ καὶ καλοκἀγαθίᾳ συνατυχῆσαι τῇ πατρίδι, βουληθέντα καταφυγεῖν σύν τισιν ἑτέροισ εἰσ τὸ τῆσ Ἀθηνᾶσ ἱερόν, νομίζοντα τῆσ εἰσ θεοὺσ παρανομίασ ἀφέξεσθαι τοὺσ Καρχηδονίουσ·

θεωροῦντα δὲ αὐτῶν τὴν ἀσέβειαν, ἐμπρῆσαι τὸν νεὼν καὶ μετὰ τῶν ἐν τούτῳ ἀναθημάτων ἑαυτὸν συγκατακαῦσαι. μιᾷ γὰρ πράξει διελάμβανεν ἀφελέσθαι θεῶν ἀσέβειαν, πολεμίων ἁρπαγὰσ πολλῶν χρημάτων, μέγιστον ἑαυτοῦ τὴν εἰσ τὸ σῶμα ἐσομένην ὕβριν. ὁ δὲ Ἰμίλκασ τὰ ἱερὰ καὶ τὰσ οἰκίασ συλήσασ καὶ φιλοτίμωσ ἐρευνήσασ, τοσαύτην ὠφέλειαν συνήθροισεν ὅσην εἰκόσ ἐστιν ἐσχηκέναι πόλιν οἰκουμένην ὑπὸ ἀνδρῶν εἴκοσι μυριάδων, ἀπόρθητον δὲ ἀπὸ τῆσ κτίσεωσ γεγενημένην, πλουσιωτάτην δὲ σχεδὸν τῶν τότε Ἑλληνίδων πόλεων γεγενημένην, καὶ ταῦτα τῶν ἐν αὐτῇ φιλοκαλησάντων εἰσ παντοίων κατασκευασμάτων πολυτέλειαν·

καὶ γὰρ γραφαὶ παμπληθεῖσ ηὑρέθησαν εἰσ ἄκρον ἐκπεπονημέναι καὶ παντοίων ἀνδριάντων φιλοτέχνωσ δεδημιουργημένων ὑπεράγων ἀριθμόσ.

τὰ μὲν οὖν πολυτελέστατα τῶν ἔργων ἀπέστειλεν εἰσ Καρχηδόνα, ἐν οἷσ καὶ τὸν Φαλάριδοσ συνέβη κομισθῆναι ταῦρον, τὴν δ’ ἄλλην ὠφέλειαν ἐλαφυροπώλησεν. τοῦτον δὲ τὸν ταῦρον ὁ Τίμαιοσ ἐν ταῖσ ἱστορίαισ διαβεβαιωσάμενοσ μὴ γεγονέναι τὸ σύνολον, ὑπ’ αὐτῆσ τῆσ τύχησ ἠλέγχθη·

Σκιπίων γὰρ ὕστερον ταύτησ τῆσ ἁλώσεωσ σχεδὸν ἑξήκοντα καὶ διακοσίοισ ἔτεσιν ἐκπορθήσασ Καρχηδόνα τοῖσ Ἀκραγαντίνοισ μετὰ τῶν ἄλλων τῶν διαμεινάντων παρὰ τοῖσ Καρχηδονίοισ ἀποκατέστησε τὸν ταῦρον, ὃσ καὶ τῶνδε τῶν ἱστοριῶν γραφομένων ἦν ἐν Ἀκράγαντι. περὶ δὲ τούτου φιλοτιμότερον εἰπεῖν προήχθην, διότι Τίμαιοσ ὁ τῶν πρό γε αὐτοῦ συγγραφέων πικρότατα κατηγορήσασ καὶ συγγνώμην οὐδεμίαν τοῖσ ἱστοριογράφοισ ἀπολιπὼν αὐτὸσ εὑρίσκεται σχεδιάζων, ἐν οἷσ μάλιστα ἑαυτὸν ἀποπέφαγκεν ἀκριβολογούμενον.

δεῖ γάρ, οἶμαι, τοὺσ συγγραφεῖσ ἐν μὲν τοῖσ ἀγνοήμασι τυγχάνειν συγγνώμησ, ὡσ ἂν ἀνθρώπουσ ὄντασ καὶ τῆσ ἐν τοῖσ παροιχομένοισ χρόνοισ ἀληθείασ οὔσησ δυσευρέτου, τοὺσ μέντοι γε κατὰ προαίρεσιν οὐ τυγχάνοντασ τοῦ ἀκριβοῦσ προσηκόντωσ κατηγορίασ τυγχάνειν, ὅταν κολακεύοντέσ τινασ ἢ δι’ ἔχθραν πικρότερον προσβάλλοντεσ ἀποσφάλλωνται τῆσ ἀληθείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xiii, chapter 90

(디오도로스 시켈로스, Library, book xiii, chapter 90)

상위

목록

SEARCH

MENU NAVIGATION