헬라어 문장 검색 - Διοδορ́Λιβραρψ́6́43́

(디오도로스 시켈로스, Library, book xiii, chapter 73)

Ἆγισ δὲ τότε μὲν οὐ κρίνασ πολιορκεῖν ἐν Ἀκαδημίᾳ κατεστρατοπέδευσε, τῇ δ’ ὑστεραίᾳ τῶν Ἀθηναίων στησάντων τρόπαιον ἐξέταξε τὴν δύναμιν καὶ προεκαλεῖτο τοὺσ ἐν τῇ πόλει περὶ τοῦ τροπαίου διαγωνίσασθαι. τῶν δ’ Ἀθηναίων ἐξαγαγόντων τοὺσ στρατιώτασ καὶ παρὰ τὸ τεῖχοσ παραταττομένων, τὸ μὲν πρῶτον οἱ Λακεδαιμόνιοι πρὸσ μάχην ὡρ́μησαν, ἀπὸ δὲ τῶν τειχῶν πολλοῦ πλήθουσ βελῶν ἐπ’ αὐτοὺσ ῥιφέντοσ ἀπήγαγον τὴν δύναμιν ἀπὸ τῆσ πόλεωσ·

μετὰ δὲ ταῦτα τὸ λοιπὸν τῆσ Ἀττικῆσ δῃώσαντεσ εἰσ Πελοπόννησον ἀπηλλάγησαν. Ἀλκιβιάδησ δὲ ἐκ Σάμου μετὰ πασῶν τῶν νεῶν πλεύσασ εἰσ Κύμην ψευδεῖσ αἰτίασ ἐπέρριψε τοῖσ Κυμαίοισ, βουλόμενοσ αὐτῶν μετὰ προφάσεωσ διαρπάσαι τὴν χώραν.

καὶ τὸ μὲν πρῶτον πολλῶν αἰχμαλώτων σωμάτων κυριεύσασ ἀπῆγεν ἐπὶ τὰσ ναῦσ· ἐκβοηθησάντων δὲ τῶν ἐκ τῆσ πόλεωσ πανδημεὶ καὶ προσπεσόντων ἀπροσδοκήτωσ, χρόνον μέν τινα διεκαρτέρουν οἱ περὶ τὸν Ἀλκιβιάδην, μετὰ δὲ ταῦτα τοῖσ Κυμαίοισ προσγενομένων πολλῶν τῶν ἐκ τῆσ πόλεωσ καὶ τῆσ χώρασ ἠναγκάσθησαν καταλιπόντεσ τοὺσ αἰχμαλώτουσ καταφυγεῖν ἐπὶ τὰσ ναῦσ.

ὁ δ’ Ἀλκιβιάδησ ἐπὶ τοῖσ ἐλαττώμασι περιαλγὴσ γενόμενοσ ἐκ Μιτυλήνησ μετεπέμψατο τοὺσ ὁπλίτασ, καὶ πρὸ τῆσ πόλεωσ ἐκτάξασ τὴν δύναμιν προεκαλεῖτο τοὺσ Κυμαίουσ εἰσ μάχην·

οὐδενὸσ δ’ ἐξιόντοσ δῃώσασ τὴν χώραν ἀπέπλευσεν ἐπὶ Μιτυλήνην. Κυμαίων δὲ πεμψάντων εἰσ Ἀθήνασ πρεσβείαν καὶ κατηγορούντων Ἀλκιβιάδου, διότι σύμμαχον πόλιν οὐδὲν ἀδικήσασαν ἐπόρθησεν·

ἐγίνοντο δὲ καὶ ἄλλαι πολλαὶ διαβολαὶ κατ’ αὐτοῦ· τῶν γὰρ ἐν Σάμῳ τινὲσ στρατιωτῶν ἀλλοτρίωσ τὰ πρὸσ αὐτὸν ἔχοντεσ ἔπλευσαν εἰσ Ἀθήνασ, καὶ κατηγόρησαν ἐν ἐκκλησίᾳ κατ’ Ἀλκιβιάδου, ὅτι τὰ Λακεδαιμονίων φρονεῖ καὶ πρὸσ Φαρνάβαζον ἔχει φιλίαν, δι’ ἧσ ἐλπίζει καταλυθέντοσ τοῦ πολέμου καταδυναστεύσειν τῶν πολιτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 73

(디오도로스 시켈로스, Library, book xiii, chapter 73)

상위

목록

SEARCH

MENU NAVIGATION