Diodorus Siculus, Library, book xiii, chapter 18

(디오도로스 시켈로스, Library, book xiii, chapter 18)

οἱ δ’ Ἀθηναῖοι συνδραμόντεσ ἐπὶ τὰσ τῶν ἡγεμόνων σκηνὰσ ἐδέοντο τῶν στρατηγῶν, μὴ τῶν νεῶν, ἀλλὰ τῆσ ἑαυτῶν φροντίζειν σωτηρίασ. Δημοσθένησ μὲν οὖν ἔφη δεῖν, λελυμένου τοῦ ζεύγματοσ, κατὰ τάχοσ πληροῦν τὰσ τριήρεισ, καὶ ἀπροσδοκήτωσ ἐπιθεμένουσ ἐπηγγέλλετο ῥᾳδίωσ κρατήσειν τῆσ ἐπιβολῆσ· Νικίασ δὲ συνεβούλευε καταλιπόντασ τὰσ ναῦσ διὰ τῆσ μεσογείου πρὸσ τὰσ συμμαχίδασ πόλεισ ἀναχωρεῖν.

ᾧ πάντεσ ὁμογνώμονεσ γενόμενοι τῶν νεῶν τινασ ἐνέπρησαν καὶ τὰ πρὸσ τὴν ἀπαλλαγὴν παρεσκευάζοντο. φανεροῦ δ’ ὄντοσ ὅτι τῆσ νυκτὸσ ἀναζεύξουσιν, Ἑρμοκράτησ συνεβούλευε τοῖσ Συρακοσίοισ ἐξάγειν τῆσ νυκτὸσ ἅπαν τὸ στρατόπεδον καὶ τὰσ ὁδοὺσ ἁπάσασ προκαταλαβέσθαι.

οὐ πειθομένων δὲ τῶν στρατηγῶν διὰ τὸ πολλοὺσ μὲν τραυματίασ εἶναι τῶν στρατιωτῶν, πάντασ δ’ ὑπὸ τῆσ μάχησ κατακόπουσ ὑπάρχειν τοῖσ σώμασιν, ἀπέστειλέ τινασ τῶν ἱππέων ἐπὶ τὴν παρεμβολὴν τῶν Ἀθηναίων τοὺσ ἐροῦντασ, ὅτι προαπεστάλκασιν οἱ Συρακόσιοι τοὺσ τὰσ ὁδοὺσ καὶ τοὺσ ἐπικαιροτάτουσ τόπουσ προκαταληψομένουσ.

ποιησάντων δὲ τῶν ἱππέων τὸ προσταχθὲν ἤδη νυκτὸσ οὔσησ, οἱ μὲν Ἀθηναῖοι νομίσαντεσ τῶν Λεοντίνων τινὰσ εἶναι τοὺσ δι’ εὔνοιαν ἀπηγγελκότασ, διεταράχθησαν οὐ μικρῶσ καὶ τὴν ἀπαλλαγὴν ὑπερέθεντο·

ᾧπερ εἰ μὴ παρεκρούσθησαν, ἀσφαλῶσ ἂν ἐχωρίσθησαν. οἱ μὲν οὖν Συρακόσιοι τῆσ ἡμέρασ ὑποφωσκούσησ ἀπέστειλαν τοὺσ προκαταληψομένουσ τὰ στενόπορα τῶν ὁδῶν·

οἱ δὲ τῶν Ἀθηναίων στρατηγοὶ διελόμενοι τοὺσ στρατιώτασ εἰσ δύο μέρη, καὶ τὰ μὲν σκευοφόρα καὶ τοὺσ ἀρρώστουσ εἰσ μέσον λαβόντεσ, τοὺσ δὲ δυναμένουσ μάχεσθαι προηγεῖσθαι καὶ οὐραγεῖν τάξαντεσ, προῄεσαν ἐπὶ Κατάνησ, ὧν μὲν Δημοσθένουσ, ὧν δὲ Νικίου καθηγουμένων.

일치하는 문장이 없습니다.

SEARCH

MENU NAVIGATION