헬라어 문장 검색 - Διοδορ́Λιβραρψ́6́28́

(디오도로스 시켈로스, Library, book xiii, chapter 51)

τῶν δὲ Ἀθηναίων περὶ ταῦτα γινομένων Μίνδαροσ ὁ τῶν Λακεδαιμονίων ἀφηγούμενοσ αὐτὸσ μὲν πρὸσ Ἀλκιβιάδην ὑπὲρ τῶν ἀφελκομένων νεῶν διηγωνίζετο, Κλέαρχον δὲ τὸν Σπαρτιάτην μετὰ μέρουσ τῶν Πελοποννησίων ἀπέστειλε πρὸσ τοὺσ περὶ Θρασύβουλον· συναπέστειλε δ’ αὐτῷ καὶ τοὺσ παρὰ Φαρναβάζῳ στρατευομένουσ μισθοφόρουσ. ὁ δὲ Θρασύβουλοσ μετὰ τῶν ἐπιβατῶν καὶ τῶν τοξοτῶν τὸ μὲν πρῶτον εὐρώστωσ ὑπέστη τοὺσ πολεμίουσ, καὶ πολλοὺσ μὲν ἀνεῖλεν, οὐκ ὀλίγουσ δὲ καὶ τῶν ἰδίων ἑώρα πίπτοντασ·

τῶν δὲ μετὰ τοῦ Φαρναβάζου μισθοφόρων κυκλούντων τοὺσ Ἀθηναίουσ καὶ τῷ πλήθει πανταχόθεν περιχεομένων, ἐπεφάνη Θηραμένησ τούσ τε ἰδίουσ καὶ τοὺσ μετὰ Χαιρέου ἄγων πεζούσ. οἱ δὲ μετὰ τοῦ Θρασυβούλου καταπεπονημένοι καὶ τὰσ τῆσ σωτηρίασ ἐλπίδασ ἀπεγνωκότεσ πάλιν ἐξαίφνησ ταῖσ ψυχαῖσ διηγείροντο τηλικαύτησ βοηθείασ παραγεγενημένησ.

ἐπὶ πολὺν δὲ χρόνον καρτερᾶσ μάχησ γενομένησ, τὸ μὲν πρῶτον οἱ τοῦ Φαρναβάζου μισθοφόροι φεύγειν ἤρξαντο, καὶ τὸ συνεχὲσ ἀεὶ τῆσ τάξεωσ παρερρήγνυτο·

τέλοσ δὲ οἱ Πελοποννήσιοι μετὰ Κλεάρχου καταλειφθέντεσ καὶ πολλὰ δράσαντεσ καὶ παθόντεσ ἐξεώσθησαν. τούτων δὲ καταπεπονημένων οἱ περὶ τὸν Θηραμένην ὡρ́μησαν τοῖσ μετ’ Ἀλκιβιάδου κινδυνεύσασι βοηθῆσαι.

συνδραμουσῶν δὲ τῶν δυνάμεων εἰσ ἕνα τόπον, ὁ μὲν Μίνδαροσ οὐ κατεπλάγη τὴν ἔφοδον τῶν περὶ Θηραμένην, ἀλλὰ διελόμενοσ τοὺσ Πελοποννησίουσ τοῖσ μὲν ἡμίσεσιν ἀπήντα τοῖσ ἐπιοῦσι, τοὺσ δ’ ἡμίσεισ αὐτὸσ ἔχων, καὶ δεόμενοσ ἑκάστου μὴ καταισχῦναι τὸ τῆσ Σπάρτησ ἀξίωμα, καὶ ταῦτα πεζομαχοῦντασ, ἀντετάχθησαν τοῖσ περὶ τὸν Ἀλκιβιάδην. περὶ δὲ τῶν νεῶν ἡρωικὴν συστησάμενοσ μάχην, καὶ πρὸ πάντων αὐτὸσ κινδυνεύων, πολλοὺσ μὲν ἀνεῖλε τῶν ἀντιτεταγμένων, τὸ δὲ τελευταῖον ἀξίωσ τῆσ πατρίδοσ ἀγωνισάμενοσ ὑπὸ τῶν περὶ τὸν Ἀλκιβιάδην ἀνῃρέθη.

τούτου δὲ πεπτωκότοσ οἵ τε Πελοποννήσιοι καὶ πάντεσ οἱ σύμμαχοι συνέδραμον καὶ καταπλαγέντεσ εἰσ φυγὴν ὡρ́μησαν. οἱ δ’ Ἀθηναῖοι μέχρι μέν τινοσ ἐπεδίωξαν τοὺσ πολεμίουσ, πυνθανόμενοι δὲ τὸν Φαρνάβαζον μετὰ πολλῆσ ἵππου κατὰ σπουδὴν ἐπειγόμενον, ἀνέκαμψαν ἐπὶ τὰσ ναῦσ, καὶ τὴν μὲν πόλιν παρέλαβον, δύο δὲ τρόπαια κατέστησαν ἀφ’ ἑκατέρασ νίκησ, τὸ μὲν τῆσ ναυμαχίασ ἐν τῇ νήσῳ τῇ Πολυδώρου καλουμένῃ, τὸ δὲ τῆσ πεζομαχίασ οὗ τὴν τροπὴν ἐποιήσαντο τὴν πρώτην.

οἱ μὲν οὖν ἐν τῇ πόλει Πελοποννήσιοι καὶ πάντεσ οἱ διαφυγόντεσ ἐκ τῆσ μάχησ ἔφυγον ἐπὶ τὸ τοῦ Φαρναβάζου στρατόπεδον·

οἱ δὲ τῶν Ἀθηναίων στρατηγοὶ τῶν τε νεῶν ἁπασῶν ἐγκρατεῖσ ἐγενήθησαν καὶ πολλοὺσ μὲν αἰχμαλώτουσ, ἀναρίθμητον δὲ πλῆθοσ λαφύρων ἤθροισαν, ὡσ ἂν δύο δυνάμεισ ἅμα τηλικαύτασ νενικηκότεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 51

(디오도로스 시켈로스, Library, book xiii, chapter 51)

상위

목록

SEARCH

MENU NAVIGATION