헬라어 문장 검색 - Διοδορ́Λιβραρψ́6́34́

(디오도로스 시켈로스, Library, book xiii, chapter 58)

θεωροῦντεσ δὲ τὴν τοῦ βίου μεταβολὴν οἱ τοῖσ Καρχηδονίοισ Ἕλληνεσ συμμαχοῦντεσ ἠλέουν τὴν τῶν ἀκληρούντων τύχην. αἱ μὲν γυναῖκεσ ἐστερημέναι τῆσ συνήθουσ τρυφῆσ ἐν πολεμίων ὕβρει διενυκτέρευον, ὑπομένουσαι δεινὰσ ταλαιπωρίασ· ὧν ἔνιαι θυγατέρασ ἐπιγάμουσ ὁρᾶν ἠναγκάζοντο πασχούσασ οὐκ οἰκεῖα τῆσ ἡλικίασ. ἡ γὰρ βαρβάρων ὠμότησ οὔτε παίδων ἐλευθέρων οὔτε παρθένων φειδομένη δεινὰσ τοῖσ ἠτυχηκόσι παρίστα συμφοράσ.

διόπερ αἱ γυναῖκεσ ἀναλογιζόμεναι μὲν τὴν ἐν τῇ Λιβύῃ μέλλουσαν αὑταῖσ ἔσεσθαι δουλείαν, θεωροῦσαι δ’ αὑτὰσ ἅμα τοῖσ τέκνοισ ἐν ἀτιμίᾳ καὶ προπηλακισμῷ δεσποτῶν ἀναγκαζομένασ ὑπακούειν, τούτουσ δ’ ὁρῶσαι ἀσύνετον μὲν τὴν φωνήν, θηριώδη δὲ τὸν τρόπον ἔχοντασ, τὰ μὲν ζῶντα τῶν τέκνων ἐπένθουν, καὶ καθ’ ἕκαστον τῶν εἰσ ταῦτα παρανομημάτων οἱονεὶ νυγμοὺσ εἰσ τὴν ψυχὴν λαμβάνουσαι περιπαθεῖσ ἐγίνοντο καὶ πολλὰ τὴν ἑαυτῶν τύχην κατωδύροντο· τοὺσ δὲ πατέρασ, ἔτι δὲ ἀδελφούσ, οἳ διαγωνιζόμενοι περὶ τῆσ πατρίδοσ ἐτετελευτήκεισαν, ἐμακάριζον, οὐθὲν ἀνάξιον ἑωρακότασ τῆσ ἰδίασ ἀρετῆσ. οἱ δὲ τὴν αἰχμαλωσίαν διαφυγόντεσ Σελινούντιοι, τὸν ἀριθμὸν ὄντεσ ἑξακόσιοι πρὸσ τοῖσ δισχιλίοισ, διεσώθησαν εἰσ Ἀκράγαντα καὶ πάντων ἔτυχον τῶν φιλανθρώπων·

οἱ γὰρ Ἀκραγαντῖνοι σιτομετρήσαντεσ αὐτοῖσ δημοσίᾳ διέδωκαν κατὰ τὰσ οἰκίασ, παρακελευσάμενοι τοῖσ ἰδιώταισ καὶ αὐτοῖσ προθύμοισ οὖσι χορηγεῖν τὰ πρὸσ τὸ ζῆν ἅπαντα. ἅμα δὲ τούτοισ πραττομένοισ εἰσ τὸν Ἀκράγαντα κατήντησαν στρατιῶται τρισχίλιοι παρὰ Συρακοσίων ἐπίλεκτοι, προαπεσταλμένοι κατὰ σπουδὴν ἐπὶ τὴν βοήθειαν.

πυθόμενοι δὲ τὴν πόλιν ἡλωκυῖαν, πρέσβεισ ἀπέστειλαν, παρακαλοῦντεσ τὸν Ἀννίβαν τούσ τε αἰχμαλώτουσ ἀπολυτρῶσαι καὶ τῶν θεῶν τοὺσ ναοὺσ ἐᾶσαι. ὁ δ’ Ἀννίβασ ἀπεκρίθη, τοὺσ μὲν Σελινουντίουσ μὴ δυναμένουσ τηρεῖν τὴν ἐλευθερίαν πεῖραν τῆσ δουλείασ λήψεσθαι, τοὺσ δὲ θεοὺσ ἐκτὸσ Σελινοῦντοσ οἴχεσθαι προσκόψαντασ τοῖσ ἐνοικοῦσιν.

ὅμωσ δὲ τῶν πεφευγότων Ἐμπεδίωνα πρεσβευτὴν ἀποστειλάντων, τούτῳ μὲν ὁ Ἀννίβασ τὰσ οὐσίασ ἀποκατέστησεν·

ἀεὶ γὰρ τὰ Καρχηδονίων ἦν πεφρονηκὼσ καὶ πρὸ τῆσ πολιορκίασ τοῖσ πολίταισ συμβεβουλευκὼσ μὴ πολεμεῖν Καρχηδονίουσ· ἐχαρίσατο δ’ αὐτῷ τοὺσ συγγενεῖσ τοὺσ ὄντασ ἐν τοῖσ αἰχμαλώτοισ, καὶ τοῖσ ἐκπεφευγόσι Σελινουντίοισ ἔδωκεν ἐξουσίαν τὴν πόλιν οἰκεῖν καὶ τὴν χώραν γεωργεῖν τελοῦντασ φόρον τοῖσ Καρχηδονίοισ. αὕτη μὲν οὖν ἡ πόλισ ἀπὸ τῆσ κτίσεωσ οἰκηθεῖσα χρόνον ἐτῶν διακοσίων τεσσαράκοντα δύο ἑάλω.

ὁ δὲ Ἀννίβασ περιελὼν τὰ τείχη τῆσ Σελινοῦντοσ ἀνέζευξε μετὰ πάσησ τῆσ δυνάμεωσ ἐπὶ τὴν Ἱμέραν, ἐπιθυμῶν μάλιστα ταύτην κατασκάψαι τὴν πόλιν. διὰ ταύτην γὰρ ὁ μὲν πατὴρ αὐτοῦ φυγὰσ ἦν, ὁ δὲ προπάτωρ Ἀμίλκασ πρὸσ ταύτῃ καταστρατηγηθεὶσ ὑπὸ Γέλωνοσ ἀνῃρέθη, καὶ μετ’ αὐτοῦ πεντεκαίδεκα μυριάδεσ στρατιωτῶν ἀνῃρέθησαν, ἄλλαι δὲ οὐκ ἐλάττουσ τούτων ᾐχμαλωτίσθησαν.

ὑπὲρ ὧν σπεύδων τιμωρίαν λαβεῖν Ἀννίβασ τέτρασι μυριάσιν οὐκ ἄπωθεν τῆσ πόλεωσ ἐπί τινων λόφων κατεστρατοπέδευσε, τῇ δ’ ἄλλῃ δυνάμει πάσῃ περιεστρατοπέδευσε τὴν πόλιν, προσγενομένων ἄλλων παρά τε Σικελῶν καὶ Σικανῶν δισμυρίων στρατιωτῶν.

στήσασ δὲ μηχανὰσ τὸ τεῖχοσ κατὰ πλείονασ τόπουσ ἐσάλευε, καὶ πολλῷ πλήθει διαγωνιζόμενοσ ἐκ διαδοχῆσ κατεπόνει τοὺσ πολιορκουμένουσ, ἅτε καὶ τῶν στρατιωτῶν ἐπηρμένων ταῖσ εὐτυχίαισ.

ὑπώρυττε δὲ καὶ τὰ τείχη, καὶ ξύλοισ ὑπήρειδεν, ὧν ἐμπρησθέντων ταχὺ πολὺ μέροσ τοῦ τείχουσ ἔπεσεν.

ἔνθα δὴ συνέβαινε καρτερωτάτην μάχην γίνεσθαι, τῶν μὲν βιαζομένων ἐντὸσ τοῦ τείχουσ παρεισπεσεῖν, τῶν δὲ φοβουμένων μὴ ταὐτὰ πάθωσι τοῖσ Σελινουντίοισ. διὸ καὶ τὸν ἔσχατον ἀγῶνα τιθεμένων αὐτῶν ὑπὲρ τέκνων καὶ γονέων καὶ τῆσ περιμαχήτου πᾶσι πατρίδοσ, ἐξεώσθησαν οἱ βάρβαροι, καὶ ταχὺ τὸ μέροσ τοῦ τείχουσ ἀνῳκοδόμησαν.

παρεγενήθησαν δ’ αὐτοῖσ εἰσ τὴν βοήθειαν οἵ τ’ ἐξ Ἀκράγαντοσ Συρακόσιοι καί τινεσ τῶν ἄλλων συμμάχων, οἱ πάντεσ εἰσ τετρακισχιλίουσ, ὧν Διοκλῆσ ὁ Συρακόσιοσ εἶχε τὴν ἡγεμονίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 58

(디오도로스 시켈로스, Library, book xiii, chapter 58)

상위

목록

SEARCH

MENU NAVIGATION