헬라어 문장 검색 - Διοδορ́Λιβραρψ́6́53́

(디오도로스 시켈로스, Library, book xiii, chapter 91)

Ἰμίλκασ δὲ ὀκτὼ μῆνασ πολιορκήσασ τὴν πόλιν, καὶ μικρὸν πρὸ τῆσ χειμερινῆσ τροπῆσ κυριεύσασ αὐτῆσ, οὐκ εὐθὺσ κατέσκαψεν, ὅπωσ αἱ δυνάμεισ ἐν ταῖσ οἰκίαισ παραχειμάσωσιν. τῆσ δὲ περὶ τὸν Ἀκράγαντα συμφορᾶσ διαγγελθείσησ, τοσοῦτοσ τὴν νῆσον κατέσχε φόβοσ, ὥστε τῶν Σικελιωτῶν τοὺσ μὲν εἰσ Συρακούσασ μεθίστασθαι, τοὺσ δὲ εἰσ τὴν Ἰταλίαν τέκνα καὶ γυναῖκασ καὶ τὴν ἄλλην κτῆσιν ἀποσκευάζεσθαι. οἱ δὲ διαφυγόντεσ τὴν αἰχμαλωσίαν Ἀκραγαντῖνοι παραγενηθέντεσ εἰσ Συρακούσασ κατηγόρουν τῶν στρατηγῶν, φάσκοντεσ διὰ τὴν ἐκείνων προδοσίαν ἀπολωλέναι τὴν πατρίδα.

συνέβαινε δὲ καὶ ὑπὸ τῶν ἄλλων Σικελιωτῶν ἐπιτιμήσεωσ τυγχάνειν τοὺσ Συρακοσίουσ, ὅτι τοιούτουσ προστάτασ αἱροῦνται, δι’ οὓσ ἀπολέσθαι κινδυνεύει πᾶσα Σικελία. οὐ μὴν ἀλλὰ συναχθείσησ ἐκκλησίασ ἐν Συρακούσαισ, καὶ μεγάλων φόβων ἐπικρεμαμένων, οὐθεὶσ ἐτόλμα περὶ τοῦ πολέμου συμβουλεύειν.

ἀπορουμένων δὲ πάντων παρελθὼν Διονύσιοσ ὁ Ἑρμοκράτουσ τῶν μὲν στρατηγῶν κατηγόρησεν ὡσ προδιδόντων τὰ πράγματα τοῖσ Καρχηδονίοισ, τὰ δὲ πλήθη παρώξυνε πρὸσ τὴν αὐτῶν τιμωρίαν, παρακαλῶν μὴ περιμεῖναι τὸν κατὰ τοὺσ νόμουσ λῆρον, ἀλλ’ ἐκ χειρὸσ ἐπιθεῖναι τὴν δίκην. τῶν δ’ ἀρχόντων ζημιούντων τὸν Διονύσιον κατὰ τοὺσ νόμουσ ὡσ θορυβοῦντα, Φίλιστοσ ὁ τὰσ ἱστορίασ ὕστερον συγγράψασ, οὐσίαν ἔχων μεγάλην, ἐξέτισε τὰ πρόστιμα, καὶ τῷ Διονυσίῳ παρεκελεύετο λέγειν ὅσα προῄρητο.

καὶ προσεπειπόντοσ ὅτι καθ’ ὅλην τὴν ἡμέραν, ἂν ζημιοῦν θέλωσιν, ἐκτίσει τἀργύριον ὑπὲρ αὐτοῦ, τὸ λοιπὸν θαρρήσασ ἀνέσειε τὰ πλήθη, καὶ τὴν ἐκκλησίαν συνταράττων διέβαλλε τοὺσ στρατηγούσ, ὅτι χρήμασι πεισθέντεσ ἐγκατέλιπον τὴν τῶν Ἀκραγαντίνων σωτηρίαν. συγκατηγόρησε δὲ καὶ τῶν ἄλλων τῶν ἐπισημοτάτων πολιτῶν, συνιστὰσ αὐτοὺσ οἰκείουσ ὄντασ ὀλιγαρχίασ. διόπερ συνεβούλευεν αἱρεῖσθαι στρατηγοὺσ μὴ τοὺσ δυνατωτάτουσ, ἀλλὰ τοὺσ εὐνουστάτουσ καὶ δημοτικοὺσ μᾶλλον·

ἐκείνουσ μὲν γὰρ δεσποτικῶσ ἄρχοντασ τῶν πολιτῶν καταφρονεῖν τῶν πολλῶν, καὶ τὰσ τῆσ πατρίδοσ συμφορὰσ ἰδίασ ἡγεῖσθαι προσόδουσ, τοὺσ δὲ ταπεινοτέρουσ οὐδὲν πράξειν τῶν τοιούτων, δεδιότασ τὴν περὶ αὑτοὺσ ἀσθένειαν. πάντα δὲ πρὸσ τὴν τῶν ἀκουόντων προαίρεσιν καὶ τὴν ἰδίαν ἐπιβολὴν δημηγορήσασ οὐ μετρίωσ ἐξῆρε τὸν τῶν ἐκκλησιαζόντων θυμόν·

ὁ γὰρ δῆμοσ καὶ πάλαι μισῶν τοὺσ στρατηγοὺσ διὰ τὸ δοκεῖν κακῶσ προί̈στασθαι τοῦ πολέμου, τότε διὰ τῶν λόγων παροξυνθεὶσ παραυτίκα τοὺσ μὲν ἔλυσε τῆσ ἀρχῆσ, ἑτέρουσ δ’ εἵλατο στρατηγούσ, ἐν οἷσ καὶ τὸν Διονύσιον, ὃσ ἐν ταῖσ πρὸσ Καρχηδονίουσ μάχαισ ἀνδρείᾳ δόξασ διενηνοχέναι περίβλεπτοσ ἦν παρὰ τοῖσ Συρακοσίοισ. διὸ καὶ μετεωρισθεὶσ ταῖσ ἐλπίσι πᾶν ἐμηχανήσατο πρὸσ τὸ γενέσθαι τῆσ πατρίδοσ τύραννοσ.

μετὰ γὰρ τὴν παράληψιν τῆσ ἀρχῆσ οὔτε συνήδρευσεν ἅμα τοῖσ στρατηγοῖσ οὔθ’ ὅλωσ συνῆν· ταῦτα δὲ πράττων διεδίδου λόγον ὡσ διαπεμπομένων αὐτῶν πρὸσ τοὺσ πολεμίουσ. οὕτω γὰρ μάλιστ’ ἤλπιζεν ἐκείνων μὲν περιαιρήσεσθαι τὴν ἐξουσίαν, ἑαυτῷ δὲ μόνῳ περιστήσειν τὴν στρατηγίαν. ταῦτα δ’ αὐτοῦ πράττοντοσ οἱ μὲν χαριέστατοι τῶν πολιτῶν ὑπώπτευον τὸ γινόμενον, καὶ κατὰ πάσασ τὰσ συνόδουσ ἐβλασφήμουν αὐτόν, ὁ δὲ δημοτικὸσ ὄχλοσ, ἀγνοῶν τὴν ἐπιβουλήν, ἐπῄνει καὶ μόγισ ἔφασκε τὴν πόλιν προστάτην εὑρηκέναι βέβαιον.

οὐ μὴν ἀλλὰ πολλάκισ ἐκκλησίασ συναγομένησ περὶ τῆσ εἰσ τὸν πόλεμον παρασκευῆσ, θεωρήσασ τοὺσ Συρακοσίουσ καταπεπληγμένουσ τὸν ἀπὸ τῶν πολεμίων φόβον, συνεβούλευε κατάγειν τοὺσ φυγάδασ·

ἄτοπον γὰρ ὑπάρχειν ἐκ μὲν Ἰταλίασ καὶ Πελοποννήσου μεταπέμπεσθαι βοήθειαν παρὰ τῶν ἀλλοτρίων, τοὺσ δὲ πολίτασ μὴ βούλεσθαι πρὸσ τοὺσ ἰδίουσ κινδύνουσ συμπαραλαμβάνειν, οὕσ ‐ τῶν πολεμίων μεγάλασ δωρεὰσ ὑπισχνουμένων, ἂν συστρατεύωσιν ‐ προαιρεῖσθαι μᾶλλον ἐπὶ ξένησ ἀλωμένουσ ἀποθανεῖν ἤπερ ἀλλότριόν τι κατὰ τῆσ πατρίδοσ βουλεύσασθαι.

καὶ γὰρ διὰ τὰσ γεγενημένασ ἐν τῇ πόλει στάσεισ φυγόντασ, νῦν γε τυχόντασ ταύτησ τῆσ εὐεργεσίασ προθύμωσ ἀγωνιεῖσθαι, τοῖσ εὖ ποιήσασιν ἀποδιδόντασ χάριτασ.

πρὸσ δὲ τὴν ὑπόθεσιν ταύτην πολλὰ διαλεχθεὶσ οἰκεῖα τοῖσ πράγμασι συμψήφουσ ἔλαβε τοὺσ Συρακοσίουσ· οὐδὲ γὰρ τῶν συναρχόντων οὐδεὶσ ἐτόλμα περὶ τούτων ἀντειπεῖν διά τε τὴν τοῦ πλήθουσ ὁρμὴν καὶ διὰ τὸ θεωρεῖν ἑαυτῷ μὲν περιεσομένην τὴν ἀπέχθειαν, ἐκείνῳ δὲ τὴν παρὰ τῶν εὐεργετηθέντων χάριν. τοῦτο δ’ ἔπραξεν ὁ Διονύσιοσ ἐλπίζων ἰδίουσ ἕξειν τοὺσ φυγάδασ, ἀνθρώπουσ μεταβολῆσ ἐπιθυμοῦντασ καὶ πρὸσ τὴν ἐπίθεσιν τῆσ τυραννίδοσ εὐθέτωσ διακειμένουσ·

ἤμελλον γὰρ ἡδέωσ ὄψεσθαι τῶν ἐχθρῶν φόνουσ, δημεύσεισ τῶν οὐσιῶν, ἑαυτοῖσ ἀποκαθεσταμένα τὰ χρήματα. καὶ τέλοσ κυρωθείσησ τῆσ περὶ τῶν φυγάδων γνώμησ, οὗτοι μὲν εὐθὺσ εἰσ τὴν πατρίδα κατῆλθον·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 91

(디오도로스 시켈로스, Library, book xiii, chapter 91)

상위

목록

SEARCH

MENU NAVIGATION