Diodorus Siculus, Library, book xiii, chapter 46

(디오도로스 시켈로스, Library, book xiii, chapter 46)

οὐ μὴν οὐδ’ οἱ τοῖσ καταστρώμασιν ἐπιβεβηκότεσ ἄπρακτον εἶχον τὴν φιλοτιμίαν, ἀλλ’ οἱ μὲν ἐκ πολλοῦ διαστήματοσ ἐφεστηκότεσ ἐτόξευον κατὰ τὸ συνεχέσ, καὶ ταχὺ ὁ τόποσ ἦν βελῶν πλήρησ· οἱ δ’ ἀεὶ προσιόντεσ ἐγγυτέρω τὰσ λόγχασ ἠκόντιζον, οἱ μὲν ἐπὶ τοὺσ ἀμυνομένουσ ἐπιβάτασ, οἱ δ’ ἐπ’ αὐτοὺσ βαλεῖν φιλοτιμούμενοι τοὺσ κυβερνήτασ· ὁπότε δὲ συνερείσειαν αἱ ναῦσ, τοῖσ τε δόρασιν ἠγωνίζοντο καὶ κατὰ τὰσ προσαγωγὰσ εἰσ τὰσ τῶν πολεμίων τριήρεισ μεθαλλόμενοι τοῖσ ξίφεσιν ἀλλήλουσ ἠμύνοντο. κατὰ δὲ τὰσ γινομένασ ἐλαττώσεισ τῶν νικώντων ἐπαλαλαζόντων καὶ τῶν ἄλλων μετὰ βοῆσ παραβοηθούντων, κραυγὴ σύμμικτοσ ἐγίνετο παρ’ ὅλον τὸν τῆσ ναυμαχίασ τόπον.

ἐπὶ πολὺν οὖν χρόνον ἰσόρροποσ ἦν ἡ μάχη διὰ τὴν ὑπερβολὴν τῆσ παρ’ ἀμφοτέροισ φιλοτιμίασ· μετὰ δὲ ταῦτα Ἀλκιβιάδησ ἐκ Σάμου παραδόξωσ ἐπεφάνη μετὰ νεῶν εἴκοσι, πλέων κατὰ τύχην εἰσ Ἑλλήσποντον. τούτων δὲ πόρρω μὲν οὐσῶν, ἑκάτεροι σφίσι βοήθειαν ἐλπίζοντεσ παραγενέσθαι, μετέωροι ταῖσ ἐλπίσιν ἐγίνοντο καὶ πολὺ προθυμότερον ταῖσ τόλμαισ διεκινδύνευον·

ἐπεὶ δ’ ἤδη σύνεγγυσ ἦν ὁ στόλοσ, καὶ τοῖσ μὲν Λακεδαιμονίοισ οὐδὲν ἐφαίνετο σύσσημον, τοῖσ δ’ Ἀθηναίοισ Ἀλκιβιάδησ μετέωρον ἐποίησεν ἐπίσημον φοινικοῦν ἀπὸ τῆσ ἰδίασ νεώσ, ὅπερ ἦν σύσσημον αὐτοῖσ διατεταγμένον, οἱ μὲν Λακεδαιμόνιοι καταπλαγέντεσ ἐτράπησαν, οἱ δ’ Ἀθηναῖοι τῷ προτερήματι μετεωρισθέντεσ μετὰ σπουδῆσ ἐπεδίωκον τὰσ ὑποφευγούσασ. καὶ δέκα μὲν νεῶν εὐθὺσ ἐκυρίευσαν, μετὰ δὲ ταῦτα χειμῶνοσ ἐπιγενομένου καὶ πνευμάτων μεγάλων πολλὰ περὶ τὸν διωγμὸν αὐτοὺσ ἐμποδίζεσθαι συνέβαινε·

διὰ γὰρ τὸ μέγεθοσ τῶν κυμάτων τὰ μὲν σκάφη τοῖσ οἰάξιν ἠπείθει, τὰσ δ’ ἐμβολὰσ ἀπράκτουσ συνέβαινε γίνεσθαι, τῶν τυπτομένων νεῶν ὑποχωρουσῶν. τέλοσ δ’ οἱ μὲν Λακεδαιμόνιοι πρὸσ τὴν γῆν κατενεχθέντεσ ἔφυγον πρὸσ τὸ πεζὸν τοῦ Φαρναβάζου στρατόπεδον, οἱ δ’ Ἀθηναῖοι τὸ μὲν πρῶτον ἐπεχείρησαν ἀποσπᾶν τὰσ ναῦσ ἀπὸ τῆσ γῆσ καὶ παραβόλωσ διεκινδύνευον, ὑπὸ δὲ τοῦ Περσικοῦ στρατεύματοσ ἀνακοπέντεσ ἀπέπλευσαν εἰσ Σηστόν.

ὁ γὰρ Φαρνάβαζοσ βουλόμενοσ τοῖσ Λακεδαιμονίοισ ὑπὲρ ὧν ἐνεκάλουν ἀπολογεῖσθαι, βιαιότερον διηγωνίζετο πρὸσ τοὺσ Ἀθηναίουσ·

ἅμα δὲ καὶ περὶ τῶν εἰσ Φοινίκην ἀποσταλεισῶν νεῶν τριακοσίων ἐδίδαξεν, ὡσ τοῦτο ἔπραξε πυνθανόμενοσ τόν τε τῶν Ἀράβων βασιλέα καὶ τὸν τῶν Αἰγυπτίων ἐπιβουλεύειν τοῖσ περὶ Φοινίκην πράγμασιν. τῆσ δὲ ναυμαχίασ τοιοῦτον τὸ τέλοσ λαβούσησ Ἀθηναῖοι τότε μὲν εἰσ Σηστὸν ἀπέπλευσαν ἤδη νυκτὸσ οὔσησ, ἅμα δ’ ἡμέρᾳ τά τε ναυάγια συνήγαγον καὶ πρὸσ τῷ προτέρῳ τροπαίῳ πάλιν ἕτερον ἔστησαν.

Μίνδαροσ δὲ νυκτὸσ περὶ πρώτην φυλακὴν εἰσ Ἄβυδον ἀναχθεὶσ τάσ τε πεπονηκυίασ ναῦσ ἐπεσκεύαζε καὶ πρὸσ Λακεδαιμονίουσ διεπέμψατο περὶ βοηθείασ πεζῆσ τε καὶ ναυτικῆσ·

διενοεῖτο γὰρ ἐν ὅσῳ τὰ κατὰ τὸν στόλον ἕτοιμα ἐγίνετο, πεζῇ μετὰ Φαρναβάζου τὰσ συμμαχούσασ κατὰ τὴν Ἀσίαν πόλεισ Ἀθηναίοισ πολιορκήσειν. Χαλκιδεῖσ δὲ καὶ σχεδὸν οἱ λοιποὶ πάντεσ οἱ τὴν Εὔβοιαν κατοικοῦντεσ ἀφεστηκότεσ ἦσαν Ἀθηναίων, καὶ διὰ τοῦτο περιδεεῖσ ἐγίνοντο, μήποτε νῆσον οἰκοῦντεσ ἐκπολιορκηθῶσιν ὑπ’ Ἀθηναίων θαλασσοκρατούντων·

ἠξίουν οὖν Βοιωτοὺσ κοινῇ χῶσαι τὸν Εὔριπον, ὥστε συνάψαι τὴν Εὔβοιαν τῇ Βοιωτίᾳ. συγκαταθεμένων δὲ τῶν Βοιωτῶν διὰ τὸ κἀκείνοισ συμφέρειν τὴν Εὔβοιαν εἶναι τοῖσ μὲν ἄλλοισ νῆσον, ἑαυτοῖσ δ’ ἤπειρον·

διόπερ αἱ πόλεισ ἅπασαι πρὸσ τὴν διάχωσιν ἐπερρώσθησαν καὶ πρὸσ ἀλλήλασ ἡμιλλῶντο· οὐ γὰρ μόνον τοῖσ πολίταισ ἐξιέναι πανδημεὶ προσέταξαν, ἀλλὰ καὶ τοῖσ παροικοῦσι ξένοισ, ὥστε διὰ τὸ πλῆθοσ τῶν τοῖσ ἔργοισ προσιόντων τὴν πρόθεσιν ταχέωσ λαβεῖν συντέλειαν. τῆσ μὲν οὖν Εὐβοίασ κατεσκευάσθη τὸ χῶμα κατὰ τὴν Χαλκίδα, τῆσ δὲ Βοιωτίασ πλησίον Αὐλίδοσ·

ἐνταῦθα γὰρ ὁ μεταξὺ τόποσ ἦν στενώτατοσ. συνέβαινε μὲν οὖν καὶ πρότερον ἀεὶ κατ’ ἐκεῖνον τὸν τόπον εἶναι ῥοῦν καὶ πυκνὰσ ποιεῖσθαι τροπὰσ τὴν θάλατταν, τότε δὲ πολὺ μᾶλλον ἦν ἐπιτείνοντα τὰ κατὰ τὸν ῥοῦν, ὡσ ἂν εἰσ στενὸν ἄγαν συγκεκλεισμένησ τῆσ θαλάττησ· ὁ γὰρ διέκπλουσ ἀπελείφθη μιᾷ νηί. ᾠκοδόμησαν δὲ καὶ πύργουσ ὑψηλοὺσ ἐπ’ ἀμφοτέρων τῶν ἄκρων, καὶ ξυλίνασ τοῖσ διάρροισ ἐπέστησαν γεφύρασ. Θηραμένησ δ’ ὑπ’ Ἀθηναίων ἀποσταλεὶσ μετὰ νεῶν τριάκοντα τὸ μὲν πρῶτον ἐπεχείρησε κωλύειν τοὺσ ἐπὶ τῶν ἔργων, πολλοῦ δὲ πλήθουσ στρατιωτῶν συμπαρόντοσ τοῖσ κατασκευάζουσι τὰ χώματα ταύτησ μὲν τῆσ ἐπιβολῆσ ἀπέστη, τὸν δὲ πλοῦν ἐπὶ τῶν νήσων ἐποιήσατο.

βουλόμενοσ δὲ τούσ τε πολίτασ καὶ συμμάχουσ ἀναπαῦσαι τῶν εἰσφορῶν, τήν τε τῶν πολεμίων χώραν ἐπόρθησε καὶ πολλὰσ ὠφελείασ ἤθροισεν.

ἐπῄει δὲ καὶ τὰσ συμμαχίδασ πόλεισ, καὶ τοὺσ ἐν αὐταῖσ νεωτερίζοντασ εἰσεπράττετο χρήματα. καταπλεύσασ δ’ εἰσ Πάρον καὶ καταλαβὼν ὀλιγαρχίαν ἐν τῇ πόλει, τῷ μὲν δήμῳ τὴν ἐλευθερίαν ἀποκατέστησε, παρὰ δὲ τῶν ἁψαμένων τῆσ ὀλιγαρχίασ χρημάτων πλῆθοσ εἰσεπράξατο.

συνέβη δὲ περὶ τοῦτον τὸν χρόνον ἐν τῇ Κορκύρᾳ γενέσθαι μεγάλην στάσιν καὶ σφαγήν, ἣν δι’ ἑτέρασ μὲν αἰτίασ λέγεται γενέσθαι, μάλιστα δὲ διὰ τὴν ὑπάρχουσαν αὐτοῖσ πρὸσ ἀλλήλουσ ἔχθραν.

ἐν οὐδεμιᾷ γάρ ποτε πόλει τοιοῦτοι πολιτῶν φόνοι συνετελέσθησαν οὐδὲ μείζων ἔρισ καὶ φιλονεικία πρὸσ ὄλεθρον ἀνήκουσα.

δοκοῦσι γὰρ οἱ μὲν ἀναιρεθέντεσ ὑπ’ ἀλλήλων πρὸ ταύτησ τῆσ στάσεωσ γεγονέναι περὶ χιλίουσ καὶ πεντακοσίουσ, καὶ πάντεσ οὗτοι πρωτεύοντεσ τῶν πολιτῶν. τούτων δ’ ἐπιγεγενημένων τῶν ἀτυχημάτων ἑτέραν αὐτοῖσ συμφορὰν ἐπέστησεν ἡ τύχη, τὴν πρὸσ ἀλλήλουσ πάλιν αὐξήσασα διαφοράν.

οἱ μὲν γὰρ προέχοντεσ τοῖσ ἀξιώμασι τῶν Κορκυραίων ὀρεγόμενοι τῆσ ὀλιγαρχίασ ἐφρόνουν τὰ Λακεδαιμονίων, ὁ δὲ δημοτικὸσ ὄχλοσ ἔσπευδε τοῖσ Ἀθηναίοισ συμμαχεῖν. καὶ γὰρ διαφερούσασ τὰσ σπουδὰσ εἶχον οἱ περὶ τῆσ ἡγεμονίασ διαγωνιζόμενοι δῆμοι·

Λακεδαιμόνιοι γὰρ τοὺσ πρωτεύοντασ ἐν ταῖσ συμμαχίσι πόλεσιν ἐποίουν ἐπὶ τῆσ διοικήσεωσ τῶν κοινῶν, Ἀθηναῖοι δὲ δημοκρατίασ ἐν ταῖσ πόλεσι καθίστανον. οἱ δ’ οὖν Κορκυραῖοι θεωροῦντεσ τοὺσ δυνατωτάτουσ τῶν πολιτῶν ὄντασ πρὸσ τῷ τὴν πόλιν ἐγχειρίζειν Λακεδαιμονίοισ, μετεπέμψαντο παρ’ Ἀθηναίων δύναμιν τὴν παραφυλάξουσαν τὴν πόλιν.

Κόνων δ’ ὁ στρατηγὸσ τῶν Ἀθηναίων πλεύσασ εἰσ Κόρκυραν, ἑξακοσίουσ μὲν τῶν ἐκ Ναυπάκτου Μεσσηνίων κατέλιπεν ἐν τῇ πόλει, αὐτὸσ δὲ μετὰ τῶν νεῶν παρέπλευσε, καὶ καθωρμίσθη πρὸσ τῷ τῆσ Ἥρασ τεμένει.

οἱ δὲ ἑξακόσιοι μετὰ τῶν δημοτικῶν ὁρμήσαντεσ ἐπὶ τοὺσ τὰ Λακεδαιμονίων φρονοῦντασ ἐξαίφνησ ἀγορᾶσ πληθούσησ οὓσ μὲν συνελάμβανον, οὓσ δ’ ἐφόνευον, πλείουσ δὲ τῶν χιλίων ἐφυγάδευσαν·

ἐποιήσαντο δὲ τοὺσ μὲν δούλουσ ἐλευθέρουσ, τοὺσ δὲ ξένουσ πολίτασ, εὐλαβούμενοι τό τε πλῆθοσ καὶ τὴν δύναμιν τῶν φυγάδων. οἱ μὲν οὖν ἐκπεσόντεσ ἐκ τῆσ πατρίδοσ εἰσ τὴν καταντίον ἤπειρον ἔφυγον·

μετὰ δέ τινασ ἡμέρασ τῶν ἐν τῇ πόλει τινεσ φρονοῦντεσ τὰ τῶν φυγάδων κατελάβοντο τὴν ἀγοράν, καὶ μεταπεμψάμενοι τοὺσ φυγάδασ περὶ τῶν ὅλων διηγωνίζοντο. τέλοσ δὲ νυκτὸσ καταλαβούσησ εἰσ ὁμολογίασ ἦλθον πρὸσ ἀλλήλουσ, καὶ τῆσ φιλονεικίασ παυσάμενοι κοινῶσ ᾤκουν τὴν πατρίδα. ἡ μὲν οὖν ἐν Κορκύρᾳ σφαγὴ τοιοῦτον ἔσχε τὸ τέλοσ.

일치하는 문장이 없습니다.

SEARCH

MENU NAVIGATION