Diodorus Siculus, Library, book xiii, chapter 97

(디오도로스 시켈로스, Library, book xiii, chapter 97)

τούτων δὲ πραττομένων Ἀθηναῖοι μὲν κατὰ τὸ συνεχὲσ ἐλαττώμασι περιπίπτοντεσ, ἐποιήσαντο πολίτασ τοὺσ μετοίκουσ καὶ τῶν ἄλλων ξένων τοὺσ βουλομένουσ συναγωνίσασθαι· ταχὺ δὲ πολλοῦ πλήθουσ πολιτογραφηθέντοσ, οἱ στρατηγοὶ κατέγραφον τοὺσ εὐθέτουσ εἰσ τὴν στρατείαν. παρεσκευάσαντο δὲ ναῦσ ἑξήκοντα, καὶ ταύτασ πολυτελῶσ καταρτίσαντεσ ἐξέπλευσαν εἰσ Σάμον, ἐν ᾗ κατέλαβον τοὺσ ἄλλουσ στρατηγοὺσ ἀπὸ τῶν ἄλλων νήσων ὀγδοήκοντα τριήρεισ ἠθροικότασ. δεηθέντεσ δὲ καὶ τῶν Σαμίων προσπληρῶσαι δέκα τριήρεισ, ἀνήχθησαν ἁπάσαισ ταῖσ ναυσὶν οὔσαισ ἑκατὸν πεντήκοντα, καὶ κατέπλευσαν εἰσ τὰσ Ἀργινούσασ νήσουσ, σπεύδοντεσ λῦσαι τὴν Μιτυλήνησ πολιορκίαν.

ὁ δὲ τῶν Λακεδαιμονίων ναύαρχοσ Καλλικρατίδασ πυθόμενοσ τὸν κατάπλουν τῶν νεῶν, ἐπὶ μὲν τῆσ πολιορκίασ κατέλιπεν Ἐτεόνικον μετὰ τῆσ πεζῆσ δυνάμεωσ, αὐτὸσ δὲ πληρώσασ ναῦσ ἑκατὸν τεσσαράκοντα κατὰ σπουδὴν ἀνήχθη τῶν Ἀργινουσῶν περὶ θάτερα μέρη·

αἳ νῆσοι τότ’ ἦσαν οἰκούμεναι καὶ πολισμάτιον Αἰολικὸν ἔχουσαι, κείμεναι μεταξὺ Μιτυλήνησ καὶ Κύμησ, ἀπέχουσαι τῆσ ἠπείρου βραχὺ παντελῶσ καὶ τῆσ ἄκρασ τῆσ Κανίδοσ. οἱ δ’ Ἀθηναῖοι τὸν μὲν κατάπλουν τῶν πολεμίων εὐθέωσ ἔγνωσαν, οὐ μακρὰν ὁρμοῦντεσ, διὰ δὲ τὸ μέγεθοσ τῶν πνευμάτων τὸ μὲν ναυμαχεῖν ἀπέγνωσαν, εἰσ δὲ τὴν ἐχομένην ἡμέραν ἡτοιμάζοντο τὰ πρὸσ τὴν ναυμαχίαν, τὸ αὐτὸ ποιούντων καὶ τῶν Λακεδαιμονίων, καίπερ ἀμφοτέροισ ἀπαγορευόντων τῶν μάντεων.

τοῖσ μὲν γὰρ Λακεδαιμονίοισ ἡ τοῦ θύματοσ κεφαλὴ κειμένη παρὰ τὸν αἰγιαλὸν ἀφανὴσ ἐγεγόνει, προσκλύζοντοσ τοῦ κύματοσ·

διόπερ ὁ μάντισ προύλεγε, διότι τελευτήσει ναυμαχῶν ὁ ναύαρχοσ· οὗ ῥηθέντοσ φασὶ τὸν Καλλικρατίδαν εἰπεῖν, ὅτι τελευτήσασ κατὰ τὴν μάχην οὐδὲν ἀδοξοτέραν ποιήσει τὴν Σπάρτην. τῶν δ’ Ἀθηναίων ὁ στρατηγὸσ Θρασύβουλοσ, ὃσ ἦν ἐπὶ τῆσ ἡγεμονίασ ἐκείνην τὴν ἡμέραν, εἶδε κατὰ τὴν νύκτα τοιαύτην ὄψιν·

ἔδοξεν Ἀθήνησι τοῦ θεάτρου πλήθοντοσ αὐτόσ τε καὶ τῶν ἄλλων στρατηγῶν ἓξ ὑποκρίνεσθαι τραγῳδίαν Εὐριπίδου Φοινίσσασ· τῶν δ’ ἀντιπάλων ὑποκρινομένων τὰσ Ἱκέτιδασ δόξαι τὴν Καδμείαν νίκην αὐτοῖσ περιγενέσθαι, καὶ πάντασ ἀποθανεῖν μιμουμένουσ τὰ πράγματα τῶν ἐπὶ τὰσ Θήβασ στρατευσάντων. ἀκούσασ δ’ ὁ μάντισ ταῦτα διεσάφει τοὺσ ἑπτὰ τῶν στρατηγῶν ἀναιρεθήσεσθαι.

τῶν δ’ ἱερῶν φερόντων νίκην, οἱ στρατηγοὶ περὶ μὲν τῆσ ἑαυτῶν ἀπωλείασ ἐκώλυον ἑτέροισ ἀπαγγέλλειν, περὶ δὲ τῆσ ἐν τοῖσ ἱεροῖσ νίκησ ἀνήγγειλαν καθ’ ὅλην τὴν δύναμιν.

일치하는 문장이 없습니다.

SEARCH

MENU NAVIGATION