헬라어 문장 검색 - Διοδορ́Λιβραρψ́6́65́

(디오도로스 시켈로스, Library, book xiii, chapter 111)

μετὰ δὲ ταῦτα τῶν φίλων συναγαγὼν συνέδριον ἐβουλεύετο περὶ τοῦ πολέμου. πάντων δὲ λεγόντων ἀνεπιτήδειον εἶναι τὸν τόπον περὶ τῶν ὅλων διακρίνεσθαι τοῖσ πολεμίοισ, πρὸσ τὴν ἑσπέραν ἀπέστειλε κήρυκα περὶ τῆσ εἰσ αὔριον ἀναιρέσεωσ τῶν νεκρῶν, καὶ τὸν μὲν ἐκ τῆσ πόλεωσ ὄχλον περὶ πρώτην φυλακὴν τῆσ νυκτὸσ ἐξαπέστειλεν, αὐτὸσ δὲ περὶ μέσασ νύκτασ ἀφώρμησε, καταλιπὼν τῶν ψιλῶν περὶ δισχιλίουσ. τούτοισ δ’ ἦν παρηγγελμένον πυρὰ καίειν δι’ ὅλησ τῆσ νυκτὸσ καὶ θορυβοποιεῖν πρὸσ τὸ δόξαν ἐμποιῆσαι τοῖσ Καρχηδονίοισ ὡσ μένοντοσ ἐν τῇ πόλει.

οὗτοι μὲν οὖν ἤδη τῆσ ἡμέρασ ὑποφωσκούσησ ἀφώρμησαν πρὸσ τοὺσ περὶ τὸν Διονύσιον, οἱ δὲ Καρχηδόνιοι διαισθόμενοι τὸ γεγονὸσ μετεστρατοπέδευσαν εἰσ τὴν πόλιν καὶ τὰ περιλειφθέντα κατὰ τὰσ οἰκίασ διήρπασαν. Διονύσιοσ δὲ παραγενόμενοσ εἰσ τὴν Καμάριναν, ἠνάγκασε καὶ τοὺσ ἐκεῖ μετὰ τέκνων καὶ γυναικῶν εἰσ Συρακούσασ ἀπιέναι.

τοῦ φόβου δ’ οὐδεμίαν ἀναβολὴν διδόντοσ τινὲσ μὲν ἀργύριον καὶ χρυσίον καὶ τὰ ῥᾳδίωσ φέρεσθαι δυνάμενα συνεσκευάζοντο, τινὲσ δὲ γονεῖσ καὶ τέκνα τὰ νήπια λαβόντεσ ἔφευγον, οὐδεμίαν ἐπιστροφὴν χρημάτων ποιούμενοι· ἔνιοι δὲ γεγηρακότεσ ἢ νόσῳ βαρυνόμενοι δι’ ἐρημίαν συγγενῶν ἢ φίλων ὑπελείποντο, προσδοκωμένων ὅσον οὔπω παρέσεσθαι τῶν Καρχηδονίων· ἡ γὰρ περὶ Σελινοῦντα καὶ Ἱμέραν, ἔτι δὲ Ἀκράγαντα, γενομένη συμφορὰ τοὺσ ἀνθρώπουσ ἐξέπληττε, πάντων καθάπερ ὑπὸ τὴν ὁρ́ασιν λαμβανόντων τὴν τῶν Καρχηδονίων δεινότητα.

οὐδεμία γὰρ ἦν παρ’ αὐτοῖσ φειδὼ τῶν ἁλισκομένων, ἀλλ’ ἀσυμπαθῶσ τῶν ἠτυχηκότων οὓσ μὲν ἀνεσταύρουν, οἷσ δ’ ἀφορήτουσ ἐπῆγον ὕβρεισ. οὐ μὴν ἀλλὰ δυεῖν πόλεων ἐξοριζομένων ἔγεμεν ἡ χώρα γυναικῶν καὶ παίδων καὶ τῶν ἄλλων ὄχλων·

ἃ θεωροῦντεσ οἱ στρατιῶται δι’ ὀργῆσ μὲν εἶχον τὸν Διονύσιον, ἠλέουν δὲ τὰσ τῶν ἀκληρούντων τύχασ· ἑώρων γὰρ παῖδασ ἐλευθέρουσ καὶ παρθένουσ ἐπιγάμουσ ἀναξίωσ τῆσ ἡλικίασ ὡσ ἔτυχε κατὰ τὴν ὁδὸν ὡρμημένασ, ἐπειδὴ τὴν σεμνότητα καὶ τὴν πρὸσ τοὺσ ἀλλοτρίουσ ἐντροπὴν ὁ καιρὸσ ἀφῃρεῖτο.

παραπλησίωσ δὲ καὶ τοῖσ πρεσβυτέροισ συνήλγουν, βλέποντεσ παρὰ φύσιν ἀναγκαζομένουσ ἅμα τοῖσ ἀκμάζουσιν ἐπισπεύδειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xiii, chapter 111

(디오도로스 시켈로스, Library, book xiii, chapter 111)

상위

목록

SEARCH

MENU NAVIGATION