헬라어 문장 검색 - Διοδορ́Λιβραρψ́6́46́

(디오도로스 시켈로스, Library, book xiii, chapter 78)

ὁ δὲ Κόνων δεξιῶσ τῷ καιρῷ χρησάμενοσ εὐθὺσ ἐνέκειτο, καὶ τὴν παράταξιν αὐτῶν διεκώλυεν, ἃσ μὲν τιτρώσκων, ὧν δὲ τοὺσ ταρσοὺσ παρασύρων. τῶν μὲν οὖν κατὰ τὸν Κόνωνα ταχθεισῶν οὐδεμία πρὸσ φυγὴν ἐπέστρεψεν, ἀλλὰ πρύμναν ἀνακρουόμεναι διεκαρτέρουν, προσδεχόμεναι τὰσ ἀφυστερούσασ· οἱ δὲ τὴν εὐώνυμον ἔχοντεσ τάξιν Ἀθηναῖοι τρεψάμενοι τοὺσ καθ’ αὑτοὺσ ἐπέκειντο φιλοτιμότερον ἐπὶ πολὺν χρόνον διώκοντεσ.

ἤδη δὲ πασῶν τῶν νεῶν τοῖσ Πελοποννησίοισ ἠθροισμένων, ὁ μὲν Κόνων εὐλαβηθεὶσ τὸ πλῆθοσ τῶν πολεμίων τοῦ μὲν διώκειν ἀπέστη, μετὰ τεσσαράκοντα δὲ νεῶν ἀπέπλευσεν εἰσ Μιτυλήνην. τοὺσ δὲ διώξαντασ Ἀθηναίουσ αἱ τῶν Πελοποννησίων ναῦσ ἅπασαι περιχυθεῖσαι κατεπλήξαντο, καὶ τῆσ ἐπὶ τὴν πόλιν ἐπανόδου διακλείσασαι φυγεῖν πρὸσ τὴν γῆν ἐβιάσαντο.

ἐπικειμένων δὲ τῶν Πελοποννησίων πάσαισ ταῖσ ναυσίν, Ἀθηναῖοι θεωροῦντεσ μηδεμίαν σωτηρίαν ἄλλην ὑποκειμένην, κατέφυγον πρὸσ τὴν γῆν, καὶ καταλιπόντεσ τὰ σκάφη διεσώθησαν εἰσ Μιτυλήνην. Καλλικρατίδασ δὲ τριάκοντα νεῶν κυριεύσασ τὸ μὲν ναυτικὸν ἐθεώρει τῶν πολεμίων καταλελυμένον, πεζῇ δὲ τοὺσ ἀγῶνασ ἤλπιζεν ὑπολείπεσθαι.

διόπερ οὗτοσ μὲν ἐπὶ τὴν πόλιν διέπλει, Κόνων δ’ ἅμα τῷ καταπλεῦσαι προσδεχόμενοσ τὴν πολιορκίαν, τὰ περὶ τὸν εἴσπλουν τοῦ λιμένοσ κατεσκεύαζεν· εἰσ μὲν γὰρ τὰ βράχη τοῦ λιμένοσ πλοῖα μικρὰ πληρώσασ λίθων κατεπόντισε, πρὸσ δὲ τοῖσ βάθεσιν ὁλκάδασ καθώρμιζεν οὔσασ λιθοφόρουσ. οἱ μὲν οὖν Ἀθηναῖοι καὶ τῶν Μιτυληναίων ὄχλοσ πολὺσ ἐκ τῶν ἀγρῶν διὰ τὸν πόλεμον συνεληλυθὼσ ταχέωσ κατεσκεύασε τὰ πρὸσ τὴν πολιορκίαν.

ὁ δὲ Καλλικρατίδασ ἐκβιβάσασ τοὺσ στρατιώτασ εἰσ τὸν πλησίον τῆσ πόλεωσ αἰγιαλὸν ἐποιήσατο παρεμβολήν, καὶ τρόπαιον ἀπὸ τῆσ ναυμαχίασ ἔστησεν. τῇ δ’ ὑστεραίᾳ τὰσ κρατίστασ τῶν νεῶν ἐπιλέξασ, καὶ παρακελευσάμενοσ μὴ ἀπολείπεσθαι τῆσ ἰδίασ νεώσ,ἀνήχθη, σπεύδων εἰσ τὸν λιμένα πλεῦσαι καὶ λῦσαι τὸ διάφραγμα τῶν πολεμίων. ὁ δὲ Κόνων τοὺσ μὲν εἰσ τὰσ τριήρεισ ἐνεβίβασε καὶ κατὰ τὸν διέκπλουν ἀντιπρῴρουσ κατέστησε, τοὺσ δ’ ἐπὶ τὰ μεγάλα πλοῖα διέταξε, τινὰσ δ’ ἐπὶ τὰσ χηλὰσ τοῦ λιμένοσ παρέπεμψεν, ὅπωσ πανταχόθεν ᾖ πεφραγμένοσ καὶ κατὰ γῆν καὶ κατὰ θάλατταν.

αὐτὸσ μὲν οὖν ὁ Κόνων τὰσ τριήρεισ ἔχων ἐναυμάχει, πληρώσασ τὸν μεταξὺ τόπον τῶν διαφραγμάτων·

οἱ δ’ ἐπὶ τῶν μεγάλων πλοίων ἐφεστῶτεσ ἐπέρριψαν ταῖσ τῶν πολεμίων ναυσὶ τοὺσ ἀπὸ τῶν κεραιῶν λίθουσ· οἱ δ’ ἐπὶ ταῖσ χηλαῖσ τοῦ λιμένοσ τεταγμένοι διεκώλυον τοὺσ ἀποτολμῶντασ εἰσ τὴν γῆν ἀποβαίνειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 78

(디오도로스 시켈로스, Library, book xiii, chapter 78)

상위

목록

SEARCH

MENU NAVIGATION