헬라어 문장 검색 - Διοδορ́Λιβραρψ́6́44́

(디오도로스 시켈로스, Library, book xiii, chapter 74)

ταχὺ δὲ τοῦ πλήθουσ πιστεύοντοσ ταῖσ διαβολαῖσ, ἡ μὲν περὶ Ἀλκιβιάδην ἐθραύετο δόξα διὰ τὸ περὶ τὴν ναυμαχίαν ἐλάττωμα καὶ τὰ περὶ τὴν Κύμην ἡμαρτημένα, ὁ δὲ τῶν Ἀθηναίων δῆμοσ ὑφορώμενοσ τὴν τἀνδρὸσ τόλμαν δέκα στρατηγοὺσ εἵλατο, Κόνωνα, Λυσίαν, Διομέδοντα, Περικλέα, πρὸσ δὲ τούτοισ Ἐρασινίδην, Ἀριστοκράτην, Ἀρχέστρατον, Πρωτόμαχον, Θρασύβουλον, Ἀριστογένην· ἐκ δὲ τούτων προκρίνασ Κόνωνα ταχέωσ ἐξέπεμψε παρ’ Ἀλκιβιάδου τὸ ναυτικὸν παραληψόμενον. Ἀλκιβιάδησ δὲ τῆσ ἀρχῆσ ἐκχωρήσασ τῷ Κόνωνι καὶ τὰσ δυνάμεισ παραδούσ, τὴν μὲν εἰσ Ἀθήνασ ἐπάνοδον ἀπέγνω, μετὰ δὲ τριήρουσ μιᾶσ εἰσ Πακτύην τῆσ Θρᾴκησ ἀπεχώρησε·

χωρὶσ γὰρ τῆσ τοῦ πλήθουσ ὀργῆσ καὶ τὰσ ἐπενηνεγμένασ αὐτῷ δίκασ εὐλαβεῖτο. πολλοὶ γὰρ θεωροῦντεσ αὐτὸν κακῶσ φερόμενον ἐπενηνόχεισαν ἐγκλήματα πολλά·

μέγιστον δ’ ἦν τὸ περὶ τῶν ἵππων, τετιμημένον ταλάντων ὀκτώ. Διομήδουσ γάρ τινοσ τῶν φίλων συμπέμψαντοσ αὐτῷ τέθριππον εἰσ Ὀλυμπίαν, ὁ Ἀλκιβιάδησ κατὰ τὴν ἀπογραφὴν τὴν εἰωθυῖαν γίνεσθαι τοὺσ ἵππουσ ἰδίουσ ἀπεγράψατο, καὶ νικήσασ τὸ τέθριππον τήν τ’ ἐκ τῆσ νίκησ δόξαν αὐτὸσ ἀπηνέγκατο καὶ τοὺσ ἵππουσ οὐκ ἀπέδωκε τῷ πιστεύσαντι. ταῦτα δὴ πάντα διανοούμενοσ ἐφοβεῖτο, μήποτε καιρὸν λαβόντεσ Ἀθηναῖοι τιμωρίαν ἐπιθῶσι περὶ πάντων ὧν εἰσ αὐτοὺσ ἐξήμαρτεν·

αὐτὸσ οὖν αὑτοῦ κατέγνω φυγήν. προσετέθη δὲ καὶ συνωρὶσ κατὰ τὴν αὐτὴν Ὀλυμπιάδα, καὶ παρὰ Λακεδαιμονίοισ Πλειστῶναξ ὁ βασιλεὺσ ἐτελεύτησεν ἄρξασ ἔτη πεντήκοντα, διαδεξάμενοσ δὲ τὴν ἀρχὴν Παυσανίασ ἦρξεν ἔτη τετταρακαίδεκα.

οἱ δὲ τὴν Ῥόδον νῆσον κατοικοῦντεσ καὶ Ιἠλυσὸν καὶ Λίνδον καὶ Κάμειρον μετῳκίσθησαν εἰσ μίαν πόλιν τὴν νῦν καλουμένην Ῥόδον. Ἑρμοκράτησ δ’ ὁ Συρακόσιοσ ἀναλαβὼν τοὺσ μετ’ αὐτοῦ στρατεύοντασ ὡρ́μησεν ἐκ Σελινοῦντοσ, καὶ παραγενόμενοσ πρὸσ τὴν Ἱμέραν κατεστρατοπέδευσεν ἐν τοῖσ προαστείοισ τῆσ ἀνατετραμμένησ πόλεωσ.

διαπυθόμενοσ δ’ ἐν ᾧ τόπῳ παρετάχθησαν οἱ Συρακόσιοι, τὰ τῶν τετελευτηκότων ὀστᾶ συνήθροιζε, παρασκευάσασ δ’ ἁμάξασ πολυτελῶσ κεκοσμημένασ, ἐπὶ τούτων παρεκόμισεν αὐτὰ ἐπὶ τὴν Συράκουσαν. αὐτὸσ μὲν οὖν ἐπὶ τῶν ὁρ́ων κατέμεινε διὰ τὸ κωλύεσθαι τοὺσ φυγάδασ ὑπὸ τῶν νόμων συνιέναι, τῶν δὲ μετ’ αὐτοῦ τινασ ἀπέστειλεν, οἳ τὰσ ἁμάξασ παρεκόμισαν εἰσ τὰσ Συρακούσασ.

ὁ δ’ Ἑρμοκράτησ ταῦτα ἔπραττεν, ὅπωσ ὁ μὲν Διοκλῆσ ἀντιπράττων αὐτῷ περὶ τῆσ καθόδου, δοκῶν δ’ αἴτιοσ εἶναι τοῦ περιεωρᾶσθαι τοὺσ τετελευτηκότασ ἀτάφουσ, προσκόψαι τοῖσ πλήθεσιν, αὐτὸσ δὲ φιλανθρώπωσ τούτοισ προσενεχθεὶσ ἐπαγάγοι τὸ πλῆθοσ εἰσ τὴν προτέραν εὔνοιαν.

τῶν οὖν ὀστῶν παρακομισθέντων ἐνέπεσεν εἰσ τὰ πλήθη στάσισ, τοῦ μὲν Διοκλέουσ κωλύοντοσ θάπτειν, τῶν δὲ πολλῶν συγκατατιθεμένων.

τέλοσ δ’ οἱ Συρακόσιοι ἔθαψάν τε τὰ λείψανα τῶν τετελευτηκότων καὶ πανδημεὶ τὴν ἐκφορὰν ἐτίμησαν. καὶ ὁ μὲν Διοκλῆσ ἐφυγαδεύθη, τὸν δ’ Ἑρμοκράτην οὐδ’ ὣσ προσεδέξαντο· ὑπώπτευον γὰρ τὴν τἀνδρὸσ τόλμαν, μήποτε τυχὼν ἡγεμονίασ ἀναδείξῃ ἑαυτὸν τύραννον. ὁ μὲν οὖν Ἑρμοκράτησ τότε τὸν καιρὸν οὐχ ὁρῶν εὔθετον εἰσ τὸ βιάσασθαι, πάλιν ἀνεχώρησεν εἰσ Σελινοῦντα.

μετὰ δέ τινα χρόνον τῶν φίλων αὐτὸν μεταπεμπομένων ὡρ́μησε μετὰ τρισχιλίων στρατιωτῶν, καὶ πορευθεὶσ διὰ τῆσ Γελῴασ ἧκε νυκτὸσ ἐπὶ τὸν συντεταγμένον τόπον. οὐ δυνηθέντων δὲ ἁπάντων ἀκολουθῆσαι τῶν στρατιωτῶν, ὁ μὲν Ἑρμοκράτησ μετ’ ὀλίγων προσελθὼν τῷ κατὰ τὴν Ἀχραδινὴν πυλῶνι, καὶ τῶν φίλων τινὰσ εὑρὼν προκατειλημμένουσ τοὺσ τόπουσ, ἀνελάμβανε τοὺσ ἀφυστεροῦντασ·

οἱ δὲ Συρακόσιοι τὸ γεγενημένον ἀκούσαντεσ σὺν τοῖσ ὅπλοισ ἦλθον εἰσ τὴν ἀγοράν, καθ’ ἣν μετὰ πολλοῦ πλήθουσ ἐπιφανέντεσ τόν τε Ἑρμοκράτην καὶ τῶν συμπραττόντων αὐτῷ τοὺσ πλείστουσ ἀπέκτειναν.

τοὺσ δὲ ἀπὸ τῆσ μάχησ διασωθέντασ μεθιστάντεσ εἰσ κρίσιν φυγῇ κατεδίκαζον· διόπερ τινὲσ αὐτῶν πολλοῖσ περιπεσόντεσ τραύμασιν ὡσ τετελευτηκότεσ ὑπὸ τῶν συγγενῶν παρεδόθησαν, ὅπωσ μὴ τῇ τοῦ πλήθουσ ὀργῇ παραδοθῶσιν, ὧν ἦν καὶ Διονύσιοσ ὁ μετὰ ταῦτα τῶν Συρακοσίων τυραννήσασ.

τῶν δὲ κατὰ τὸν ἐνιαυτὸν τοῦτον πράξεων τέλοσ ἐχουσῶν Ἀθήνησι μὲν Ἀντιγένησ τὴν ἀρχὴν παρέλαβε, Ῥωμαῖοι δ’ ὑπάτουσ κατέστησαν Γάιον Μάνιον Αἰμίλιον καὶ Γάιον Οὐαλέριον.

περὶ δὲ τούτουσ τοὺσ χρόνουσ Κόνων ὁ τῶν Ἀθηναίων στρατηγόσ, ἐπειδὴ παρέλαβε τὰσ δυνάμεισ ἐν Σάμῳ, τάσ τε παρούσασ τῶν νεῶν ἐξηρτύετο καὶ τὰσ παρὰτῶν συμμάχων ἤθροιζε, σπεύδων ἐφάμιλλον κατασκευάσαι τὸν στόλον ταῖσ τῶν πολεμίων ναυσίν. οἱ δὲ Σπαρτιᾶται, τῷ Λυσάνδρῳ διεληλυθότοσ ἤδη τοῦ τῆσ ναυαρχίασ χρόνου, Καλλικρατίδην ἐπὶ τὴν διαδοχὴν ἀπέστειλαν.

οὗτοσ δὲ νέοσ μὲν ἦν παντελῶσ, ἄκακοσ δὲ καὶ τὴν ψυχὴν ἁπλοῦσ, οὔπω τῶν ξενικῶν ἠθῶν πεπειραμένοσ, δικαιότατοσ δὲ Σπαρτιατῶν· ὁμολογουμένωσ δὲ καὶ κατὰ τὴν ἀρχὴν οὐδὲν ἔπραξεν ἄδικον οὔτ’ εἰσ πόλιν οὔτ’ εἰσ ἰδιώτην, ἀλλὰ καὶ τοῖσ ἐπιχειροῦσιν αὐτὸν διαφθείρειν χρήμασι χαλεπῶσ ἔφερε καὶ δίκην παρ’ αὐτῶν ἐλάμβανεν. οὗτοσ καταπλεύσασ εἰσ Ἔφεσον παρέλαβε τὰσ ναῦσ, μεταπεμψάμενοσ δὲ καὶ τὰσ παρὰ τῶν συμμάχων ναῦσ τὰσ πάσασ σὺν ταῖσ παρὰ Λυσάνδρου παρέλαβεν ἑκατὸν τεσσαράκοντα.

ἐν δὲ τῇ Χίων χώρᾳ Δελφίνιον κατεχόντων Ἀθηναίων, ἐπὶ τούτουσ ἔπλευσε μετὰ πασῶν τῶν νεῶν, καὶ πολιορκεῖν ἐπεχείρησεν. οἱ δ’ Ἀθηναῖοι περὶ πεντακοσίουσ ὄντεσ κατεπλάγησαν τὸ μέγεθοσ τῆσ δυνάμεωσ, καὶ διεξελθόντεσ ἐξέλιπον τὸ χωρίον ὑπόσπονδοι.

Καλλικρατίδασ δὲ τὸ μὲν φρούριον παραλαβὼν κατέσκαψεν, ἐπὶ δὲ Τηίουσ πλεύσασ, καὶ νυκτὸσ παρεισπεσὼν ἐντὸσ τῶν τειχῶν, διήρπασε τὴν πόλιν. μετὰ δὲ ταῦτα πλεύσασ εἰσ Λέσβον, τῇ Μηθύμνῃ προσέβαλε μετὰ τῆσ δυνάμεωσ παρ’ Ἀθηναίων ἐχούσῃ φρουράν.

ποιησάμενοσ δὲ συνεχεῖσ προσβολὰσ ἐν ἀρχῇ μὲν οὐδὲν ἤνυε, μετ’ ὀλίγον δέ τινων ἐνδόντων αὐτῷ τὴν πόλιν παρεισέπεσεν ἐντὸσ τῶν τειχῶν, καὶ τὰσ μὲν κτήσεισ διήρπασε, τῶν δ’ ἀνδρῶν φεισάμενοσ ἀπέδωκε τοῖσ Μηθυμναίοισ τὴν πόλιν. τούτων δὲ πραχθέντων ἐπὶ τὴν Μιτυλήνην ὡρ́μησε, καὶ τοὺσ μὲν ὁπλίτασ Θώρακι τῷ Λακεδαιμονίῳ παραδοὺσ ἐκέλευσε πεζῇ κατὰ σπουδὴν ἐπείγεσθαι, ταῖσ δὲ ναυσὶν αὐτὸσ παρέπλευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 74

(디오도로스 시켈로스, Library, book xiii, chapter 74)

상위

목록

SEARCH

MENU NAVIGATION