헬라어 문장 검색 - Διοδορ́Λιβραρψ́6́33́

(디오도로스 시켈로스, Library, book xiii, chapter 57)

διὸ καὶ τῆσ πόλεωσ καταλαμβανομένησ παρὰ μὲν τοῖσ Ἕλλησιν ἦν ὀδυρμοὺσ καὶ δάκρυα θεωρεῖν, παρὰ δὲ τοῖσ βαρβάροισ ἀλαλαγμὸσ ἦν καὶ βοὴ σύμμικτοσ· οἱ μὲν γὰρ τὸ μέγεθοσ τῆσ περιεστώσησ συμφορᾶσ ἐν ὀφθαλμοῖσ ἔχοντεσ περιδεεῖσ ἦσαν, οἱ δὲ τοῖσ εὐημερήμασιν ἐπηρμένοι σφάττειν παρεκελεύοντο. εἰσ δὲ τὴν ἀγορὰν συνδραμόντων τῶν Σελινουντίων, οὗτοι μὲν ἐνταῦθα μαχόμενοι πάντεσ ἀνῃρέθησαν·

οἱ δὲ βάρβαροι σκεδασθέντεσ καθ’ ὅλην τὴν πόλιν τὴν μὲν ἐν ταῖσ οἰκίαισ εὐδαιμονίαν συνήρπασαν, τῶν δὲ ἐγκαταληφθέντων σωμάτων ἃ μὲν ταῖσ οἰκίαισ συγκατέκαιον, τῶν δ’ εἰσ τὰσ ὁδοὺσ βιαζομένων οὐ διακρίνοντεσ οὔτε φύσιν οὔθ’ ἡλικίαν, ἀλλ’ ὁμοίωσ παῖδασ νηπίουσ, γυναῖκασ, πρεσβύτασ ἐφόνευον, οὐδεμίαν συμπάθειαν λαμβάνοντεσ. ἠκρωτηρίαζον δὲ καὶ τοὺσ νεκροὺσ κατὰ τὸ πάτριον ἔθοσ, καὶ τινὲσ μὲν χεῖρασ ἀθρόασ περιέφερον τοῖσ σώμασι, τινὲσ δὲ κεφαλὰσ ἐπὶ τῶν γαίσων καὶ τῶν σαυνίων ἀναπείροντεσ ἔφερον.

ὅσασ δὲ τῶν γυναικῶν μετὰ τέκνων εἰσ τοὺσ ναοὺσ συμπεφευγυίασ κατελάμβανον, παρεκελεύοντο μὴ φονεύειν, καὶ ταύταισ μόναισ πίστιν ἔδοσαν. τοῦτο δ’ ἔπραξαν οὐ τοὺσ ἀκληροῦντασ ἐλεοῦντεσ, ἀλλ’ εὐλαβούμενοι, μήποτε τὴν σωτηρίαν αἱ γυναῖκεσ ἀπογνοῦσαι κατακαύσωσι τοὺσ ναούσ, καὶ μὴ δυνηθῶσι συλῆσαι τὴν ἐν αὐτοῖσ καθιερωμένην πολυτέλειαν.

τοσοῦτο γὰρ ὠμότητι διέφερον οἱ βάρβαροι τῶν ἄλλων, ὥστε τῶν λοιπῶν ἕνεκα τοῦ μηδὲν ἀσεβεῖν εἰσ τὸ δαιμόνιον διασωζόντων τοὺσ εἰσ τὰ ἱερὰ καταπεφευγότασ Καρχηδόνιοι τοὐναντίον ἀπέσχοντο τῶν πολεμίων, ὅπωσ τοὺσ τῶν θεῶν ναοὺσ συλήσειαν.

ἤδη δὲ νυκτὸσ οὔσησ ἡ μὲν πόλισ διήρπαστο, τῶν δ’ οἰκιῶν αἱ μὲν κατεκαύθησαν, αἱ δὲ κατεσκάφησαν, πᾶσ δ’ ἦν τόποσ αἵματοσ καὶ νεκρῶν πλήρησ.

ἑξακισχίλια μὲν πρὸσ τοῖσ μυρίοισ εὑρέθη σώματα πεπτωκότα, καὶ χωρὶσ αἰχμάλωτα συνήχθη πλείω τῶν πεντακισχιλίων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 57

(디오도로스 시켈로스, Library, book xiii, chapter 57)

상위

목록

SEARCH

MENU NAVIGATION