헬라어 문장 검색 - Διοδορ́Λιβραρψ́6́32́

(디오도로스 시켈로스, Library, book xiii, chapter 56)

οἱ δὲ Σελινούντιοι τῶν ἱππέων τοὺσ κρατίστουσ ἐπιλέξαντεσ διὰ νυκτὸσ εὐθέωσ ἀπέστειλαν τοὺσ μὲν εἰσ Ἀκράγαντα, τοὺσ δ’ εἰσ Γέλαν καὶ Συρακούσασ, δεόμενοι τὴν ταχίστην βοηθεῖν, ὡσ οὐ δυναμένησ πλείω χρόνον τῆσ πόλεωσ ὑποστῆναι τῶν πολεμίων τὴν δύναμιν. οἱ μὲν οὖν Ἀκραγαντῖνοι καὶ Γελῷοι περιέμενον τοὺσ Συρακοσίουσ, βουλόμενοι τὴν δύναμιν ἀθρόαν ἄγειν ἐπὶ τοὺσ Καρχηδονίουσ·

οἱ δὲ Συρακόσιοι πυθόμενοι τὰ περὶ τὴν πολιορκίαν, πρὸσ μὲν Χαλκιδεῖσ πόλεμον ἔχοντεσ διελύσαντο, τὰσ δ’ ἀπὸ τῆσ χώρασ δυνάμεισ ἀθροίζοντεσ, μεγάλην ποιούμενοι παρασκευὴν ἐχρόνιζον, νομίζοντεσ ἐκπολιορκηθήσεσθαι τὴν πόλιν, ἀλλ’ οὐκ ἀναρπασθήσεσθαι. Ἀννίβασ δὲ τῆσ νυκτὸσ διελθούσησ ἅμα ἡμέρᾳ πανταχόθεν μὲν προσέβαλε, τὸ δὲ κατὰ τὴν πόλιν πεπτωκὸσ μέροσ τοῦ τείχουσ καὶ τὸ συνάπτον τούτῳ κατέβαλε ταῖσ μηχαναῖσ.

ἀνακαθάρασ δὲ τὸν πεσόντα τόπον τοῦ τείχουσ, καὶ τοῖσ κρατίστοισ ἐκ διαδοχῆσ ἀγωνιζόμενοσ, ἐπ’ ὀλίγον ἐξέωσε τοὺσ Σελινουντίουσ·

οὐ μήν γε βιάσασθαι δυνατὸν ἦν τοὺσ ὑπὲρ τῶν ὅλων διαγωνιζομένουσ. πολλῶν δ’ ἀναιρουμένων παρ’ ἀμφοτέροισ, τοῖσ μὲν Καρχηδονίοισ νεαλεῖσ διεδέχοντο τὴν μάχην, τοῖσ δὲ Σελινουντίοισ οὐκ ἦν τὸ βοηθῆσον.

τῆσ δὲ πολιορκίασ ἐφ’ ἡμέρασ ἐννέα γενομένησ μετὰ φιλοτιμίασ ἀνυπερβλήτου, πολλὰ συνέβη τοὺσ Καρχηδονίουσ κακοπαθεῖν καὶ δρᾶσαι δεινά. κατὰ δὲ τὸ πεπτωκὸσ τεῖχοσ ἀναβάντων τῶν Ἰβήρων, αἱ μὲν ἐπὶ τῶν οἰκιῶν οὖσαι γυναῖκεσ ἀνεβόησαν, οἱ δὲ Σελινούντιοι νομίζοντεσ ἁλίσκεσθαι τὴν πόλιν κατεπλάγησαν, καὶ τὰ τείχη λιπόντεσ κατὰ τὰσ εἰσβολὰσ τῶν στενωπῶν ἀθρόοι συνίσταντο, καὶ τὰσ μὲν ὁδοὺσ διοικοδομεῖν ἐνεχείρησαν, τοὺσ δὲ πολεμίουσ ἐπὶ πολὺν χρόνον ἠμύνοντο.

βιαζομένων δὲ τῶν Καρχηδονίων, τὰ πλήθη τῶν γυναικῶν καὶ παίδων ἔφευγον ἐπὶ τὰσ οἰκίασ, καὶ τούσ τε λίθουσ καὶ τὰσ κεραμίδασ ἔβαλλον ἐπὶ τοὺσ πολεμίουσ.

ἐπὶ πολὺν δὲ χρόνον οἱ Καρχηδόνιοι κακῶσ ἀπήλλαττον, οὔτε περιστῆναι δυνάμενοι τοὺσ ἐν τοῖσ στενωποῖσ διὰ τοὺσ τῶν οἰκιῶν τοίχουσ, οὔτ’ ἐπ’ ἴσησ διαγωνίσασθαι διὰ τοὺσ ἀπὸ τῶν στεγῶν βάλλοντασ. οὐ μὴν ἀλλὰ τοῦ κινδύνου μέχρι δείλησ παρεκτείνοντοσ, τοῖσ μὲν ἀπὸ τῶν οἰκιῶν ἀγωνιζομένοισ ἐνέλιπε τὰ βέλη, τοῖσ δὲ Καρχηδονίοισ οἱ διαδεχόμενοι τοὺσ κακοπαθοῦντασ ἀκέραιοι διηγωνίζοντο.

τέλοσ δὲ τῆσ μὲν ἔνδον δυνάμεωσ ἀφαίρεσιν λαμβανούσησ, τῶν δὲ πολεμίων ἀεὶ πλειόνων εἰσ τὴν πόλιν ἐμπιπτόντων, ἐξεώσθησαν ἐκ τῶν στενωπῶν οἱ Σελινούντιοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 56

(디오도로스 시켈로스, Library, book xiii, chapter 56)

상위

목록

SEARCH

MENU NAVIGATION