헬라어 문장 검색 - Διοδορ́Λιβραρψ́6́12́

(디오도로스 시켈로스, Library, book xiii, chapter 22)

οἱ γὰρ ὑποτεταγμένοι τοὺσ μὲν φόβῳ κατισχύοντασ καιροτηρήσαντεσ ἀμύνονται διὰ τὸ μῖσοσ, τοὺσ δὲ φιλανθρώπωσ ἀφηγουμένουσ βεβαίωσ ἀγαπῶντεσ ἀεὶ συναύξουσι τὴν ἡγεμονίαν. τί καθεῖλε τὴν Μήδων ἀρχήν; ἡ πρὸσ τοὺσ ταπεινοτέρουσ ὠμότησ. ἀποστάντων γὰρ Περσῶν καὶ τὰ πλεῖστα τῶν ἐθνῶν συνεπέθετο.

πῶσ γὰρ Κῦροσ ἐξ ἰδιώτου τῆσ Ἀσίασ ὅλησ ἐβασίλευσε; τῇ πρὸσ τοὺσ κρατηθέντασ εὐγνωμοσύνῃ. Κροῖσον γὰρ τὸν βασιλέα λαβὼν αἰχμάλωτον οὐχ ὅπωσ ἠδίκησεν, ἀλλὰ καὶ προσευηργέτησεν· παραπλησίωσ δὲ καὶ τοῖσ ἄλλοισ βασιλεῦσί τε καὶ δήμοισ προσηνέχθη. τοιγαροῦν διαδοθείσησ εἰσ πάντα τόπον τῆσ ἡμερότητοσ ἅπαντεσ οἱ κατὰ τὴν Ἀσίαν ἀλλήλουσ φθάνοντεσ εἰσ τὴν τοῦ βασιλέωσ συμμαχίαν παρεγίνοντο.

τί λέγω τὰ μακρὰν καὶ τόποισ καὶ χρόνοισ ἀφεστηκότα;

κατὰ γὰρ τὴν ἡμετέραν πόλιν οὐ πάλαι Γέλων ἐξ ἰδιώτου τῆσ Σικελίασ ὅλησ ἡγεμὼν ἐγένετο, τῶν πόλεων ἑκουσίωσ εἰσ τὴν ἐξουσίαν ἐκείνου παραγενομένων· προσεκαλεῖτο γὰρ ἡ τἀνδρὸσ ἐπιείκεια πάντασ ἀνθρώπουσ, τὴν εἰσ τοὺσ ἠτυχηκότασ συγγνώμην προσλαβοῦσα. ἀπ’ ἐκείνων οὖν τῶν χρόνων τῆσ κατὰ Σικελίαν ἡγεμονίασ ἀντιποιουμένησ τῆσ πόλεωσ, μὴ καταρρίψωμεν τὸν ὑπὲρ τῶν προγόνων ἔπαινον, μηδ’ ἑαυτοὺσ θηριώδεισ καὶ ἀπαραιτήτουσ πρὸσ ἀνθρωπίνην ἀτυχίαν παράσχωμεν.

οὐ γὰρ προσήκει δοῦναι τῷ φθόνῳ καθ’ ἡμῶν ἀφορμὴν εἰπεῖν, ὡσ ἀναξίωσ εὐτυχοῦμεν· καλὸν γὰρ καὶ τὸ τῆσ τύχησ ἀντιπραττούσησ ἔχειν τοὺσ συναλγήσοντασ καὶ πάλιν ἐν τοῖσ κατορθώμασι τοὺσ ἡδομένουσ. τὰ μὲν οὖν ἐν τοῖσ ὅπλοισ πλεονεκτήματα τύχῃ καὶ καιρῷ κρίνεται πολλάκισ, ἡ δ’ ἐν ταῖσ εὐπραξίαισ ἡμερότησ ἴδιόν ἐστι σημεῖον τῆσ τῶν εὐτυχούντων ἀρετῆσ.

διὸ μὴ φθονήσητε τῇ πατρίδι περιβόητον γενέσθαι παρὰ πᾶσιν ἀνθρώποισ, ὅτι τοὺσ Ἀθηναίουσ ἐνίκησεν οὐ μόνον τοῖσ ὅπλοισ, ἀλλὰ καὶ τῇ φιλανθρωπίᾳ. φανήσονται γὰρ οἱ τῶν ἄλλων ὑπερέχειν ἡμερότητι σεμνυνόμενοι τῇ παρ’ ἡμῶν εὐγνωμοσύνῃ πολυωρούμενοι, καὶ οἱ πρῶτοι βωμὸν ἐλέου καθιδρυσάμενοι τοῦτον ἐν τῇ πόλει τῶν Συρακοσίων εὑρήσουσιν.

ἐξ ὧν πᾶσιν ἔσται φανερόν, ὡσ ἐκεῖνοι μὲν δικαίωσ ἐσφάλησαν, ἡμεῖσ δ’ ἀξίωσ ηὐτυχήσαμεν, εἴπερ οἱ μὲν τοιούτουσ ἀδικεῖν ἐπεχείρησαν οἳ καὶ πρὸσ τοὺσ ἐχθροὺσ εὐγνωμόνησαν, ἡμεῖσ δὲ τοιούτουσ ἐνικήσαμεν οἳ καὶ τοῖσ πολεμιωτάτοισ μερίζουσι τὸν ἔλεον ἐτόλμησαν ἐπιβουλεῦσαι·

ὥστε μὴ μόνον ὑπὸ τῶν ἄλλων κατηγορίασ τυγχάνειν τοὺσ Ἀθηναίουσ, ἀλλὰ καὶ αὐτοὺσ ἑαυτῶν καταγινώσκειν, εἰ τοιούτουσ ἄνδρασ ἀδικεῖν ἐνεχείρησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 22

(디오도로스 시켈로스, Library, book xiii, chapter 22)

상위

목록

SEARCH

MENU NAVIGATION