헬라어 문장 검색 - ΠολψβίΗιστορί01́088́

(폴리비오스, Histories, book 1, chapter 88)

Τὰ μὲν οὖν ἄλλα μέρη τῆσ Λιβύησ μετὰ τὴν μάχην εὐθέωσ ὑπήκουσε τοῖσ Καρχηδονίοισ· ἡ δὲ τῶν Ἱππακριτῶν καὶ τῶν Ἰτυκαίων πόλισ ἔμενον, οὐδεμίαν ἀφορμὴν ἔχουσαι πρὸσ διάλυσιν διὰ τὸ μὴ καταλείπεσθαι σφίσι τόπον ἐλέουσ μηδὲ συγγνώμησ κατὰ τὰσ πρώτασ ἐπιβολάσ.

οὕτωσ καὶ κατὰ ταύτασ τὰσ ἁμαρτίασ μεγάλην ἔχει διαφορὰν ἡ μετριότησ καὶ τὸ μηδὲν ἀνήκεστον ἐπιτηδεύειν ἑκουσίωσ.

οὐ μὴν ἀλλὰ παραστρατοπεδεύσαντεσ ᾗ μὲν Ἄννων ᾗ δὲ Βάρκασ ταχέωσ ἠνάγκασαν αὐτοὺσ ὁμολογίασ ποιήσασθαι καὶ διαλύσεισ εὐδοκουμένασ Καρχηδονίοισ.

Ὁ μὲν οὖν Λιβυκὸσ πόλεμοσ εἰσ τοιαύτην ἀγαγὼν περίστασιν Καρχηδονίουσ τοιοῦτον ἔσχε τὸ τέλοσ ὥστε μὴ μόνον κυριεῦσαι πάλιν τῆσ Λιβύησ τοὺσ Καρχηδονίουσ, ἀλλὰ καὶ τοὺσ αἰτίουσ τῆσ ἀποστάσεωσ τιμωρήσασθαι καταξίωσ·

τὸ γὰρ πέρασ, ἀγαγόντεσ οἱ νέοι τὸν θρίαμβον διὰ τῆσ πόλεωσ πᾶσαν αἰκίαν ἐναπεδείξαντο τοῖσ περὶ τὸν Μάθω.

τρία μὲν οὖν ἔτη καὶ τέτταράσ που μῆνασ ἐπολέμησαν οἱ μισθοφόροι πρὸσ τοὺσ Καρχηδονίουσ πόλεμον, ὧν ἡμεῖσ ἴσμεν ἀκοῇ μαθόντεσ, πολύ τι τοὺσ ἄλλουσ ὠμότητι καὶ παρανομίᾳ διενηνοχότα.

Ῥωμαῖοι δὲ κατὰ τὸν καιρὸν τοῦτον ὑπὸ τῶν ἐκ τῆσ Σαρδόνοσ αὐτομολησάντων μισθοφόρων πρὸσ σφᾶσ ἐκκληθέντεσ ἐπεβάλοντο πλεῖν ἐπὶ τὴν προειρημένην νῆσον.

λαβόμενοι τῆσ ἀφορμῆσ ταύτησ οἱ Ῥωμαῖοι πόλεμον ἐψηφίσαντο πρὸσ τοὺσ Καρχηδονίουσ, φάσκοντεσ αὐτοὺσ οὐκ ἐπὶ Σαρδονίουσ, ἀλλ’ ἐπὶ σφᾶσ ποιεῖσθαι τὴν παρασκευήν.

οἱ δὲ παραδόξωσ διαπεφευγότεσ τὸν προειρημένον πόλεμον, κατὰ πάντα τρόπον ἀφυῶσ διακείμενοι κατὰ τὸ παρὸν πρὸσ τὸ πάλιν ἀναλαμβάνειν τὴν πρὸσ Ῥωμαίουσ ἀπέχθειαν, εἴξαντεσ τοῖσ καιροῖσ οὐ μόνον ἀπέστησαν τῆσ Σαρδόνοσ, ἀλλὰ καὶ χίλια τάλαντα καὶ διακόσια προσέθηκαν τοῖσ Ῥωμαίοισ ἐφ’ ᾧ μὴ κατὰ τὸ παρὸν ἀναδέξασθαι τὸν πόλεμον.

ταῦτα μὲν οὕτωσ ἐπράχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 88

(폴리비오스, Histories, book 1, chapter 88)

상위

목록

SEARCH

MENU NAVIGATION