헬라어 문장 검색 - ΠολψβίΗιστορί01́084́

(폴리비오스, Histories, book 1, chapter 84)

πολιορκίαν. τοῖσ δὲ περὶ τὸν Μάθω καὶ Σπένδιον οὐχ ἧττον πολιορκεῖσθαι συνέβαινεν ἢ πολιορκεῖν. εἰσ τοιαύτην γὰρ αὐτοὺσ οἱ περὶ τὸν Ἀμίλκαν ἔνδειαν καθίστασαν τῶν ἐπιτηδείων ὥστ’ ἀναγκασθῆναι τέλοσ αὐτοὺσ διαλῦσαι τὴν πολιορκίαν.

μετὰ δέ τινα χρόνον ἁθροίσαντεσ τῶν τε μισθοφόρων τοὺσ ἀρίστουσ καὶ Λιβύων, τοὺσ ἅπαντασ εἰσ πεντακισμυρίουσ, μεθ’ ὧν ἦν καὶ Ζάρζασ ὁ Λίβυσ ἔχων τοὺσ ὑφ’ αὑτὸν ταττομένουσ, ὡρ́μησαν αὖθισ ἀντιπαράγειν ἐν τοῖσ ὑπαίθροισ καὶ τηρεῖν τοὺσ περὶ τὸν Ἀμίλκαν.

τῶν μὲν οὖν πεδινῶν τόπων ἀπείχοντο, καταπεπληγμένοι τὰ θηρία καὶ τοὺσ περὶ τὸν Ναραύαν ἱππεῖσ, τοὺσ δ’ ὀρεινοὺσ καὶ στενοὺσ ἐπειρῶντο προκαταλαμβάνειν.

ἐν οἷσ καιροῖσ συνέβη ταῖσ μὲν ἐπιβολαῖσ καὶ τόλμαισ μηδὲν αὐτοὺσ λείπεσθαι τῶν ὑπεναντίων, διὰ δὲ τὴν ἀπειρίαν πολλάκισ ἐλαττοῦσθαι.

τότε γὰρ ἦν, ὡσ ἐοίκε, συνιδεῖν ἐπ’ αὐτῆσ τῆσ ἀληθείασ πηλίκην ἔχει διαφορὰν ἐμπειρία μεθοδικὴ καὶ στρατηγικὴ δύναμισ ἀπειρίασ καὶ τριβῆσ ἀλόγου καὶ στρατιωτικῆσ.

πολλοὺσ μὲν γὰρ αὐτῶν ἐν ταῖσ κατὰ μέροσ χρείαισ ἀποτεμνόμενοσ καὶ συγκλείων ὥσπερ ἀγαθὸσ πεττευτὴσ ἀμαχεὶ διέφθειρε, πολλοὺσ δ’ ἐν τοῖσ ὁλοσχερέσι κινδύνοισ τοὺσ μὲν εἰσ ἐνέδρασ ἀνυπονοήτουσ ἐπαγόμενοσ ἀνῄρει, τοῖσ δ’ ἀνελπίστωσ καὶ παραδόξωσ ποτὲ μὲν μεθ’ ἡμέραν ποτὲ δὲ νύκτωρ ἐπιφαινόμενοσ ἐξέπληττεν·

ὧν ὅσουσ λάβοι ζωγρίᾳ, πάντασ παρέβαλλε τοῖσ θηρίοισ.

τοῦ δαιμονίου τὴν οἰκείαν ἀμοιβὴν αὐτοῖσ ἐπιφέροντοσ τῇ πρὸσ τοὺσ πέλασ ἀσεβείᾳ καὶ παρανομίᾳ.

πρὸσ μὲν γὰρ τὸν κίνδυνον οὐκ ἐτόλμων ἐξιέναι, προδήλου τῆσ ἥττησ καὶ τῆσ τιμωρίασ τοῖσ ἁλισκομένοισ ὑπαρχούσησ, περὶ δὲ διαλύσεωσ οὐδ’ ὑπενόουν ποιεῖσθαι μνήμην, συνειδότεσ σφίσι τὰ πεπραγμένα.

προσανέχοντεσ δ’ ἀεὶ ταῖσ ἐκ τοῦ Τύνητοσ βοηθείαισ διὰ τὰσ τῶν ἡγουμένων ἐπαγγελίασ πᾶν ὑπέμενον ποιεῖν κατὰ σφῶν αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 84

(폴리비오스, Histories, book 1, chapter 84)

상위

목록

SEARCH

MENU NAVIGATION