헬라어 문장 검색 - ΠολψβίΗιστορί01́081́

(폴리비오스, Histories, book 1, chapter 81)

Οἱ δὲ Καρχηδόνιοι τοῦ δυστυχήματοσ αὐτοῖσ ἀναγγελθέντοσ ποιεῖν μὲν οὐδὲν εἶχον, ἐσχετλίαζον δὲ καὶ περιπαθεῖσ γινόμενοι τῇ συμφορᾷ πρὸσ μὲν Ἀμίλκαν καὶ τὸν ἕτερον τῶν στρατηγῶν Ἄννωνα πρεσβευτὰσ ἐξέπεμπον, δεόμενοι βοηθεῖν καὶ τιμωρεῖν τοῖσ ἠτυχηκόσι. πρὸσ δὲ τοὺσ ἠσεβηκότασ κήρυκασ ἐξαπέστελλον περὶ τῆσ τῶν νεκρῶν ἀναιρέσεωσ.

οἱ δ’ οὔτ’ ἔδοσαν, προεῖπόν τε τοῖσ παροῦσιν μήτε κήρυκα πέμπειν πρὸσ σφᾶσ μήτε πρεσβευτήν, ὡσ τῆσ αὐτῆσ κολάσεωσ ὑπομενούσησ τοὺσ παραγενομένουσ ἧσ νῦν Γέσκων τέτευχε.

πρὸσ δὲ τὸ λοιπὸν ἐδογματοποίησαν καὶ παρῄνεσαν αὑτοῖσ, ὃν μὲν ἂν λάβωσιν Καρχηδονίων, τιμωρησαμένουσ ἀποκτείνειν·

ὃν δ’ ἂν τῶν συμμαχούντων αὐτοῖσ, ἀποκόψαντασ τὰσ χεῖρασ αὖθισ εἰσ Καρχηδόν’ ἀποπέμπειν. ὃ δὴ καὶ διετέλεσαν ἐπιμελῶσ ποιοῦντεσ. διόπερ εἰσ ταῦτα βλέπων οὐκ ἄν τισ εἰπεῖν ὀκνήσειεν ὡσ οὐ μόνον τὰ σώματα τῶν ἀνθρώπων καί τινα τῶν ἐν αὐτοῖσ γεννωμένων ἑλκῶν καὶ φυμάτων ἀποθηριοῦσθαι συμβαίνει καὶ τελέωσ ἀβοήθητα γίνεσθαι, πολὺ δὲ μάλιστα τὰσ ψυχάσ.

ἐπί τε γὰρ τῶν ἑλκῶν, ἐὰν μὲν θεραπείαν τοῖσ τοιούτοισ προσάγῃ τισ, ὑπ’ αὐτῆσ ἐνίοτε ταύτησ ἐρεθιζόμενα θᾶττον ποιεῖται τὴν νομήν·

ἐὰν δὲ πάλιν ἀφῇ, κατὰ τὴν ἐξ αὑτῶν φύσιν φθείροντα τὸ συνεχὲσ οὐκ ἴσχει παῦλαν, ἑώσ ἂν ἀφανίσῃ τὸ ὑποκείμενον· ταῖσ τε ψυχαῖσ παραπλησίωσ τοιαῦται πολλάκισ ἐπιφύονται μελανίαι καὶ σηπεδόνεσ ὥστε μηδὲν ἀσεβέστερον ἀνθρώπου μηδ’ ὠμότερον ἀποτελεῖσθαι τῶν ζῴων.

οἷσ ἐὰν μὲν συγγνώμην τινὰ προσάγῃσ καὶ φιλανθρωπίαν, ἐπιβουλὴν καὶ παραλογισμὸν ἡγούμενοι τὸ συμβαῖνον ἀπιστότεροι καὶ δυσμενέστεροι γίνονται πρὸσ τοὺσ φιλανθρωποῦντασ·

ἐὰν δ’ ἀντιτιμωρῇ, διαμιλλώμενοι τοῖσ θυμοῖσ οὐκ ἔστι τι τῶν ἀπειρημένων ἢ δεινῶν ὁποῖον οὐκ ἀναδέχονται, σὺν καλῷ τιθέμενοι τὴν τοιαύτην τόλμαν·

τέλοσ δ’ ἀποθηριωθέντεσ ἐξέστησαν τῆσ ἀνθρωπίνησ φύσεωσ. τῆσ δὲ διαθέσεωσ ἀρχηγὸν μὲν καὶ μεγίστην μερίδα νομιστέον ἔθη μοχθηρὰ καὶ τροφὴν ἐκ παίδων κακήν, συνεργὰ δὲ καὶ πλείω, μέγιστα δὲ τῶν συνεργῶν τὰσ ἀεὶ τῶν προεστώτων ὕβρεισ καὶ πλεονεξίασ.

ἃ δὴ τότε συνέβαινε καὶ περὶ μὲν τὸ σύστημα τῶν μισθοφόρων, ἔτι δὲ μᾶλλον περὶ τοὺσ ἡγεμόνασ αὐτῶν ὑπάρχειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 81

(폴리비오스, Histories, book 1, chapter 81)

상위

목록

SEARCH

MENU NAVIGATION