헬라어 문장 검색 - ΠολψβίΗιστορί01́079́

(폴리비오스, Histories, book 1, chapter 79)

Κατὰ δὲ τοὺσ αὐτοὺσ καιροὺσ οἱ τὴν Σαρδόνα [τὴν νῆσον] παραφυλάττοντεσ τῶν μισθοφόρων, ζηλώσαντεσ τοὺσ περὶ τὸν Μάθω καὶ Σπένδιον, ἐπιτίθενται τοῖσ ἐν τῇ νήσῳ Καρχηδονίοισ. καὶ τὸν μὲν τότε παρ’ αὐτοῖσ ὄντα βοήθαρχον Βώσταρον συγκλείσαντεσ εἰσ τὴν ἀκρόπολιν μετὰ τῶν ἑαυτοῦ πολιτῶν ἀπέκτειναν.

γενόμενοι ζωγρίᾳ κύριοι τοῦ προειρημένου, παραυτίκα τοῦτον μὲν ἀνεσταύρωσαν, μετὰ δὲ ταῦτα παρηλλαγμένασ ἐπινοοῦντεσ τιμωρίασ πάντασ τοὺσ ἐν τῇ νήσῳ Καρχηδονίουσ στρεβλοῦντεσ ἀπέκτειναν·

καὶ τὸ λοιπὸν ἤδη ποιησάμενοι τὰσ πόλεισ ὑφ’ ἑαυτοὺσ εἶχον ἐγκρατῶσ τὴν νῆσον, ἑώσ οὗ στασιάσαντεσ πρὸσ τοὺσ Σαρδονίουσ ἐξέπεσον ὑπ’ ἐκείνων εἰσ τὴν Ἰταλίαν.

Ἡ μὲν οὖν Σαρδὼ τοῦτον τὸν τρόπον ἀπηλλοτριώθη Καρχηδονίων, νῆσοσ καὶ τῷ μεγέθει καὶ τῇ πολυανθρωπίᾳ καὶ τοῖσ γεννήμασι διαφέρουσα.

τῷ δὲ πολλοὺσ καὶ πολὺν ὑπὲρ αὐτῆσ πεποιῆσθαι λόγον οὐκ ἀναγκαῖον ἡγούμεθ’ εἶναι ταυτολογεῖν ὑπὲρ τῶν ὁμολογουμένων.

Μάθωσ δὲ καὶ Σπένδιοσ, ἅμα δὲ τούτοισ Αὐτάριτοσ ὁ Γαλάτησ ὑπιδόμενοι τὴν Ἀμίλκου φιλανθρωπίαν εἰσ τοὺσ αἰχμαλώτουσ καὶ φοβηθέντεσ μὴ τῷ τοιούτῳ τρόπῳ ψυχαγωγηθέντεσ ὁρμήσωσι πρὸσ τὴν ὑποδεικνυμένην ἀσφάλειαν οἵ τε Λίβυεσ καὶ τὸ τῶν μισθοφόρων πλῆθοσ, ἐβουλεύοντο πῶσ ἂν καινοτομήσαντέσ τι τῶν πρὸσ ἀσέβειαν εἰσ τέλοσ ἀποθηριώσειαν τὰ πλήθη πρὸσ τοὺσ Καρχηδονίουσ.

ἔδοξεν οὖν αὐτοῖσ συναθροῖσαι τοὺσ πολλούσ.

γενομένου δὲ τούτου γραμματοφόρον εἰσήγαγον, ὡσ ἀπεσταλμένον ὑπὸ τῶν ἐκ τῆσ Σαρδόνοσ αἱρετιστῶν. ἡ δ’ ἐπιστολὴ διεσάφει τόν τε Γέσκωνα καὶ τοὺσ μετ’ αὐτοῦ πάντασ, οὓσ παρεσπόνδησαν ἐν τῷ Τύνητι, καθάπερ ἐπάνω προεῖπον, φυλάττειν ἐπιμελῶσ, ὡσ πραττόντων τινῶν ἐκ τοῦ στρατοπέδου τοῖσ Καρχηδονίοισ ὑπὲρ τῆσ τούτων σωτηρίασ.

λαβόμενοσ δὲ τῆσ ἀφορμῆσ ταύτησ ὁ Σπένδιοσ πρῶτον μὲν παρεκάλει μὴ πιστεύειν τὴν ὑπὸ τοῦ στρατηγοῦ τοῦ τῶν Καρχηδονίων γεγενημένην φιλανθρωπίαν πρὸσ τοὺσ αἰχμαλώτουσ·

οὐ γὰρ σῶσαι προαιρούμενον αὐτὸν ταῦτα βεβουλεῦσθαι περὶ τῶν ἁλόντων, ἀλλὰ διὰ τῆσ ἐκείνων ἀφέσεωσ ἡμῶν ἐγκρατῆ γενέσθαι σπουδάζοντα, πρὸσ τὸ μὴ τινὰσ ἀλλὰ πάντασ ἡμᾶσ ἅμα τιμωρήσασθαι πιστεύσαντασ αὐτῷ.

πρὸσ δὲ τούτοισ φυλάττεσθαι παρῄνει μὴ προέμενοι τοὺσ περὶ τὸν Γέσκωνα καταφρονηθῶσι μὲν ὑπὸ τῶν ἐχθρῶν, μεγάλα δὲ βλάψωσι τὰσ ἰδίασ πράξεισ, ἄνδρα τοιοῦτον καὶ στρατηγὸν ἀγαθὸν ἐάσαντεσ διαφυγεῖν, ὃν εἰκὸσ ἐχθρὸν αὐτοῖσ ἔσεσθαι φοβερώτατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 79

(폴리비오스, Histories, book 1, chapter 79)

상위

목록

SEARCH

MENU NAVIGATION