헬라어 문장 검색 - ΠολψβίΗιστορί01́078́

(폴리비오스, Histories, book 1, chapter 78)

συνέβη περιστῆναι καὶ δυσέκφευκτον. κατὰ δὲ τὸν καιρὸν τοῦτον Ναραύασ, ὃσ ἦν μὲν Νομὰσ τῶν ἐνδοξοτάτων εἷσ, ἦν δὲ καὶ πλήρησ ὁρμῆσ πολεμικῆσ, οὗτοσ ἀεὶ μὲν οἰκείωσ διέκειτο πρὸσ τοὺσ Καρχηδονίουσ πατρικὴν ἔχων σύστασιν, τότε δὲ μᾶλλον παρωρμήθη διὰ τὴν Ἀμίλκου τοῦ στρατηγοῦ καταξίωσιν. διὸ καὶ νομίσασ ἔχειν εὐφυῆ καιρὸν πρὸσ ἔντευξιν αὐτῷ καὶ σύστασιν, ἧκεν εἰσ τὴν στρατοπεδείαν ἔχων περὶ αὑτὸν Νομάδασ εἰσ ἑκατόν.

καὶ συνεγγίσασ τῷ χάρακι τολμηρῶσ ἔμενε, κατασείων τῇ χειρί.

τοῦ δ’ Ἀμίλκου θαυμάσαντοσ τὴν ἐπιβολὴν καὶ προπέμψαντόσ τινα τῶν ἱππέων, εἰσ λόγουσ ἔφη βούλεσθαι συνελθεῖν τῷ στρατηγῷ.

διαποροῦντοσ δ’ ἀκμὴν καὶ διαπιστοῦντοσ τοῦ τῶν Καρχηδονίων ἡγεμόνοσ, παραδοὺσ ὁ Ναραύασ τὸν ἵππον καὶ τὰσ λόγχασ τοῖσ μεθ’ αὑτοῦ παρῆν ἄνοπλοσ εὐθαρσῶσ εἰσ τὴν παρεμβολήν.

οἱ δὲ τὰ μὲν ἐθαύμαζον, τὰ δὲ κατεπλήττοντο τὴν τόλμαν·

ὅμωσ δὲ προσεδέξαντο καὶ συνῆλθον εἰσ τὰσ χεῖρασ. ὁ δὲ παραγενόμενοσ εἰσ λόγουσ ἔφη πᾶσι μὲν Καρχηδονίοισ εὐνοεῖν, μάλιστα δ’ ἐπιθυμεῖν Βάρκᾳ γενέσθαι φίλοσ·

διὸ καὶ νῦν παρεῖναι συσταθησόμενοσ αὐτῷ καὶ κοινωνήσων ἀδόλωσ παντὸσ ἔργου καὶ πάσησ ἐπιβολῆσ. Ἀμίλκασ δὲ ταῦτ’ ἀκούσασ οὕτωσ ἥσθη μεγάλωσ ἐπί τε τῷ κατὰ τὴν παρουσίαν θάρσει καὶ τῇ κατὰ τὴν ἔντευξιν ἁπλότητι τοῦ νεανίσκου, ὡσ οὐ μόνον εὐδόκησε κοινωνὸν αὐτὸν προσλαβέσθαι τῶν πράξεων, ἀλλὰ καὶ τὴν θυγατέρα δώσειν ἐπηγγείλατο μεθ’ ὁρ́κου, διαφυλάξαντοσ αὐτοῦ τὴν πρὸσ Καρχηδονίουσ πίστιν.

γενομένων δὲ τῶν ὁμολογιῶν, ὁ μὲν Ναραύασ ἧκε τοὺσ ὑφ’ αὑτὸν τεταγμένουσ ἔχων Νομάδασ, ὄντασ εἰσ δισχιλίουσ, ὁ δ’ Ἀμίλκασ προσγενομένησ αὐτῷ τῆσ χειρὸσ ταύτησ παρετάξατο τοῖσ πολεμίοισ.

οἱ δὲ περὶ τὸν Σπένδιον συνάψαντεσ ἐπὶ ταὐτὸ τοῖσ Λίβυσι καὶ καταβάντεσ εἰσ τὸ πεδίον συνέβαλλον τοῖσ Καρχηδονίοισ.

γενομένησ δὲ μάχησ ἰσχυρᾶσ ἐνίκων οἱ περὶ τὸν Ἀμίλκαν, καλῶσ μὲν τῶν θηρίων ἀγωνισαμένων, ἐπιφανεστάτην δὲ τοῦ Ναραύα παρασχομένου χρείαν.

ὁ μὲν οὖν Αὐτάριτοσ καὶ Σπένδιοσ διέφυγον, τῶν δὲ λοιπῶν ἔπεσον μὲν εἰσ μυρίουσ, ἑάλωσαν δ’ εἰσ τετρακισχιλίουσ.

ἐπιτελεσθέντοσ δὲ τοῦ κατορθώματοσ, Ἀμίλκασ τοῖσ μὲν βουλομένοισ τῶν αἰχμαλώτων μεθ’ ἑαυτοῦ συστρατεύειν ἐξουσίαν ἔδωκε καὶ καθώπλιζε τοῖσ ἀπὸ τῶν πολεμίων σκύλοισ, τοὺσ δὲ μὴ βουλομένουσ ἁθροίσασ παρεκάλει φάσκων, ἑώσ μὲν τοῦ νῦν συγγνώμην αὐτοῖσ ἔχειν τῶν ἡμαρτημένων·

διὸ καὶ συγχωρεῖν τρέπεσθαι κατὰ τὰσ ἰδίασ ὁρμὰσ οὗ ποτ’ ἂν ἕκαστοσ αὐτῶν προαιρῆται.

μετὰ δὲ ταῦτα διηπειλήσατο μηθένα φέρειν ὅπλον πολέμιον κατ’ αὐτῶν, ὡσ, ἐὰν ἁλῷ τισ, ἀπαραιτήτου τευξόμενον τιμωρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 78

(폴리비오스, Histories, book 1, chapter 78)

상위

목록

SEARCH

MENU NAVIGATION