헬라어 텍스트

Polybius, Histories, book 1, chapter 72

(폴리비오스, Histories, book 1, chapter 72)

κούτων κακῶν ἐγεγόνεισαν αἴτιοι. θαυμάζοντεσ δὲ καὶ τιμῶντεσ τῶν ἀεὶ στρατηγῶν οὐ τοὺσ πρᾴωσ καὶ φιλανθρώπωσ τῷ πλήθει χρωμένουσ, ἀλλὰ τοὺσ αὐτοῖσ μὲν ἑτοιμάζοντασ πλείστασ χορηγίασ καὶ ἐπισκευάσ, τοῖσ δὲ κατὰ τὴν χώραν πικρότατα χρωμένουσ, ὧν εἷσ ἦν Ἄννων.

τοιγαροῦν οἱ μὲν ἄνδρεσ οὐχ οἱο͂ν παρακλήσεωσ πρὸσ τὴν ἀπόστασιν, ἀλλ’ ἀγγέλου μόνον ἐδεήθησαν·

αἱ δὲ γυναῖκεσ αἱ τὸν πρὸ τοῦ χρόνον ἀπαγομένουσ περιορῶσαι τοὺσ σφετέρουσ ἄνδρασ καὶ γονεῖσ πρὸσ τὰσ εἰσφοράσ, τότε συνομνύουσαι κατὰ πόλεισ ἐφ’ ᾧ μηδὲν κρύψειν τῶν ὑπαρχόντων αὐταῖσ, ἀφαιρούμεναι τὸν κόσμον εἰσέφερον ἀπροφασίστωσ εἰσ τοὺσ ὀψωνιασμούσ.

καὶ τοιαύτην παρεσκεύασαν εὐπορίαν τοῖσ περὶ τὸν Μάθω καὶ Σπένδιον ὥστε μὴ μόνον διαλῦσαι τὰ προσοφειλόμενα τῶν ὀψωνίων τοῖσ μισθοφόροισ κατὰ τὰσ ἐπαγγελίασ, ἃσ ἐποιήσαντο πρὸσ τὴν ἀπόστασιν, ἀλλὰ καὶ πρὸσ τὸ συνεχὲσ εὐπορῆσαι χορηγίασ.

οὕτωσ οὐδέποτε δεῖ πρὸσ τὸ παρὸν μόνον, ἔτι δὲ μᾶλλον πρὸσ τὸ μέλλον ἀποβλέπειν ἀεὶ τοὺσ ὀρθῶσ βουλευομένουσ.