헬라어 문장 검색 - ΠολψβίΗιστορί01́066́

(폴리비오스, Histories, book 1, chapter 66)

Ὡσ γὰρ θᾶττον ἐπιτελεσθεισῶν τῶν προειρημένων διαλύσεων ἀποκατέστησε τὰσ περὶ τὸν Ἔρυκα δυνάμεισ εἰσ τὸ Λιλύβαιον ὁ Βάρκασ, εὐθέωσ αὐτὸσ μὲν ἀπέθετο τὴν ἀρχήν, ὁ δ’ ἐπὶ τῆσ πόλεωσ στρατηγὸσ Γέσκων ἐγίνετο περὶ τὸ περαιοῦν τοὺσ στρατιώτασ εἰσ τὴν Λιβύην. βουλόμενοσ ἀναστροφὴν διδόναι τοῖσ Καρχηδονίοισ εἰσ τὸ τοὺσ καταπλεύσαντασ καὶ μισθοδοτηθέντασ τὰ προσοφειλόμενα τῶν ὀψωνίων φθάνειν ἀπαλλαττομένουσ ἐκ τῆσ Καρχηδόνοσ εἰσ τὴν οἰκείαν πρὶν ἢ τοὺσ ἑξῆσ περαιουμένουσ ἐπικαταλαβεῖν.

ὁ μὲν οὖν Γέσκων ἐχόμενοσ ταύτησ τῆσ ἐννοίασ οὕτωσ ἐχείριζε τὰ κατὰ τὴν ἐξαποστολήν.

οἱ δὲ Καρχηδόνιοι τὰ μὲν οὐκ εὐπορούμενοι χρημάτων διὰ τὰσ προγεγενημένασ δαπάνασ, τὰ δὲ καὶ πεπεισμένοι παραιτήσεσθαι τοὺσ μισθοφόρουσ μέροσ τι τῶν προσοφειλομένων ὀψωνίων, ἐὰν καὶ συναθροίσωσι καὶ δέξωνται πάντασ εἰσ τὴν Καρχηδόνα, παρακατεῖχον ἐκεῖ τοὺσ καταπλέοντασ διὰ ταύτην τὴν ἐλπίδα καὶ συνεῖχον ἐν τῇ πόλει.

γινομένων δὲ πλειόνων ἀδικημάτων καὶ νύκτωρ καὶ μεθ’ ἡμέραν, τὸ μὲν πρῶτον ὑπιδόμενοι τὸν ὄχλον καὶ τὴν συμβαίνουσαν ἀκρασίαν ἠξίωσαν τοὺσ ἡγεμόνασ, ἑώσ ἂν ἑτοιμασθῇ μὲν τὰ κατὰ τὰσ σιταρχίασ αὐτοῖσ, προσδέξωνται δὲ τοὺσ ἀπολειπομένουσ, ἀναχωρῆσαι πάντασ εἴσ τινα πόλιν τὴν προσαγορευομένην Σίκκαν, λαβόντασ εἰσ τὰ κατεπείγοντα χρυσοῦν ἕκαστον.

ταῦτα προορώμενοι μετὰ πολλῆσ ἀπεχθείασ οὐδαμῶσ βουλομένουσ τοὺσ ἀνθρώπουσ ἠνάγκασαν τὰσ ἀποσκευὰσ μεθ’ αὑτῶν ἀπαγαγεῖν.

οἱ δὲ μισθοφόροι συναναχθέντεσ εἰσ τὴν Σίκκαν καὶ διὰ πολλοῦ χρόνου τετευχότεσ ἀνέσεωσ καὶ σχολῆσ, ὅπερ ἀφυέστατον ὑπάρχει ξενικαῖσ δυνάμεσι καὶ σχεδὸν ὡσ εἰπεῖν ἀρχηγὸν καὶ μόνον αἴτιον γίνεται στάσεωσ, διῆγον ἀδεῶσ.

ἅμα δὲ ῥᾳθυμοῦντεσ, τινὲσ μὲν αὐτῶν ἐξελογίζοντο τὰ προσοφειλόμενα σφίσι τῶν ὀψωνίων ἐπὶ τὸ πλεῖον καὶ συγκεφαλαιούμενοι πολλαπλάσια τῶν καθηκόντων ταῦτ’ ἔφασαν δεῖν ἀπαιτεῖν τοὺσ Καρχηδονίουσ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 66

(폴리비오스, Histories, book 1, chapter 66)

상위

목록

SEARCH

MENU NAVIGATION