헬라어 텍스트

Polybius, Histories, book 1, chapter 60

(폴리비오스, Histories, book 1, chapter 60)

καὶ πληρώσαντεσ σίτου καὶ τῶν ἄλλων ἐπιτηδείων ἐξέπεμπον τὸν στόλον, βουλόμενοι μηδὲν ἐλλείπειν τὰ περὶ τὸν Ἔρυκα στρατόπεδα τῶν ἀναγκαίων. κατέστησαν δὲ καὶ στρατηγὸν ἐπὶ τῆσ ναυτικῆσ δυνάμεωσ Ἄννωνα·

ὃσ ἀναχθεὶσ καὶ κατάρασ ἐπὶ τὴν Ιἑρὰν καλουμένην νῆσον ἔσπευδε τοὺσ πολεμίουσ λαθὼν διακομισθῆναι πρὸσ τὸν Ἔρυκα καὶ τὰσ μὲν ἀγορὰσ ἀποθέσθαι καὶ κουφίσαι τὰσ ναῦσ, προσλαβὼν δ’ ἐπιβάτασ ἐκ τῶν μισθοφόρων τοὺσ ἐπιτηδείουσ καὶ Βάρκαν μετ’ αὐτῶν, οὕτωσ συμμίσγειν τοῖσ ὑπεναντίοισ. ὁ δὲ Λυτάτιοσ συνεὶσ τὴν παρουσίαν τῶν περὶ τὸν Ἄννωνα καὶ συλλογισάμενοσ τὴν ἐπίνοιαν αὐτῶν, ἀναλαβὼν ἀπὸ τοῦ πεζοῦ στρατεύματοσ τοὺσ ἀρίστουσ ἄνδρασ ἔπλευσε πρὸσ τὴν Αἰγοῦσσαν νῆσον τὴν πρὸ τοῦ Λιλυβαίου κειμένην.

κἀνταῦθα παρακαλέσασ τὰ πρέποντα τῷ καιρῷ τὰσ δυνάμεισ διεσάφει τοῖσ κυβερνήταισ ὡσ ἐσομένησ εἰσ τὴν αὔριον ναυμαχίασ.

ὑπὸ δὲ τὴν ἑωθινήν, ἤδη τῆσ ἡμέρασ ὑποφαινούσησ, ὁρῶν τοῖσ μὲν ἐναντίοισ φορὸν ἄνεμον καταρρέοντα καὶ λαμπρόν, σφίσι δὲ δυσχερῆ γινόμενον τὸν ἀνάπλουν πρὸσ ἀντίον τὸ πνεῦμα, κοίλησ καὶ τραχείασ οὔσησ τῆσ θαλάττησ, τὸ μὲν πρῶτον διηπόρει τί δεῖ χρῆσθαι τοῖσ παροῦσι.

ἐὰν δὲ τηρῶν εὐδίαν καὶ καταμέλλων ἐάσῃ διᾶραι καὶ συμμῖξαι τοῖσ στρατοπέδοισ τοὺσ πολεμίουσ, πρόσ τε τὰσ ναῦσ εὐκινήτουσ καὶ κεκουφισμένασ ἀγωνιεῖται πρόσ τε τοὺσ ἀρίστουσ ἄνδρασ τῶν ἐκ τοῦ πεζοῦ στρατευμάτων, τὸ δὲ μέγιστον, πρὸσ τὴν Ἀμίλκου τόλμαν, ἧσ οὐδὲν ἦν τότε φοβερώτερον·

διόπερ ἔκρινε μὴ παρεῖναι τὸν ἐνεστῶτα καιρόν·

συνιδὼν δὲ τὰσ τῶν πολεμίων ναῦσ ἱστιοδρομούσασ ἀνήγετο μετὰ σπουδῆσ.