헬라어 문장 검색 - ΠολψβίΗιστορί01́049́

(폴리비오스, Histories, book 1, chapter 49)

σπουδῇ κατέγραφον ναύτασ καὶ συναθροίσαντεσ εἰσ μυρίουσ ἐξέπεμψαν εἰσ τὴν Σικελίαν. ὧν διὰ τοῦ πορθμοῦ περαιωθέντων καὶ πεζῇ παραγενομένων εἰσ τὸ στρατόπεδον, συναγαγὼν τοὺσ χιλιάρχουσ ὁ στρατηγὸσ τῶν Ῥωμαίων Πόπλιοσ Κλαύδιοσ ἔφη καιρὸν εἶναι πλεῖν ἐπὶ τὰ Δρέπανα παντὶ τῷ στόλῳ.

τὸν γὰρ στρατηγὸν τῶν Καρχηδονίων Ἀτάρβαν τὸν τεταγμένον ἐπ’ αὐτῶν ἀπαράσκευον εἶναι πρὸσ τὸ μέλλον, ἀγνοοῦντα μὲν τὴν παρουσίαν τῶν πληρωμάτων, πεπεισμένον δὲ μὴ δύνασθαι πλεῖν τὸν αὑτῶν στόλον διὰ τὴν γεγενημένην ἐν τῇ πολιορκίᾳ καταφθορὰν τῶν ἀνδρῶν.

εὐθέωσ ἐνεβίβαζε τά τε προϋπάρχοντα καὶ τὰ προσφάτωσ παραγεγονότα πληρώματα, τοὺσ δ’ ἐπιβάτασ ἐκ παντὸσ ἐπέλεξε τοῦ στρατεύματοσ ἐθελοντὴν τοὺσ ἀρίστουσ, ἅτε δὴ τοῦ μὲν πλοῦ σύνεγγυσ ὄντοσ, τῆσ δ’ ὠφελείασ ἑτοίμου προφαινομένησ.

ταῦτα δὲ παρασκευασάμενοσ ἀνήχθη περὶ μέσασ νύκτασ, λαθὼν τοὺσ πολεμίουσ.

καὶ τὰσ μὲν ἀρχὰσ ἅθρουσ ἔπλει, δεξιὰν ἔχων τὴν γῆν. ἅμα δὲ τῷ φωτὶ τῶν πρώτων ἐπὶ τὰ Δρέπανα νεῶν ἐπιφαινομένων, κατιδὼν Ἀτάρβασ τὸ μὲν πρῶτον ἐξενίσθη διὰ τὸ παράδοξον·

ταχὺ δ’ ἐν αὑτῷ γενόμενοσ καὶ νοήσασ τὸν ἐπίπλουν τῶν ὑπεναντίων ἔκρινε παντὸσ ἔργου πεῖραν λαμβάνειν καὶ πᾶν ὑπομένειν χάριν τοῦ μὴ περιιδεῖν σφᾶσ εἰσ πρόδηλον συγκλεισθέντασ πολιορκίαν.

διόπερ εὐθέωσ τὰ μὲν πληρώματα συνῆγε πρὸσ τὸν αἰγιαλόν, τοὺσ δ’ ἐκ τῆσ πόλεωσ μισθοφόρουσ ἥθροιζε μετὰ κηρύγματοσ.

τῶν δὲ συλλεχθέντων, ἐπεβάλετο διὰ βραχέων εἰσ ἔννοιαν αὐτοὺσ ἄγειν τῆσ τε τοῦ νικᾶν ἐλπίδοσ, ἐὰν τολμήσωσι ναυμαχεῖν, καὶ τῆσ ἐν τῇ πολιορκίᾳ δυσχρηστίασ, ἐὰν καταμελλήσωσι προϊδόμενοι τὸν κίνδυνον.

ἑτοίμωσ δ’ αὐτῶν παρορμηθέντων πρὸσ τὴν ναυμαχίαν καὶ βοώντων ἄγειν καὶ μὴ μέλλειν, ἐπαινέσασ καὶ δεξάμενοσ τὴν ὁρμὴν παρήγγειλε κατὰ τάχοσ ἐμβαίνειν καὶ βλέποντασ πρὸσ τὴν αὑτοῦ ναῦν ἕπεσθαι ταύτῃ κατὰ πρύμναν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 49

(폴리비오스, Histories, book 1, chapter 49)

상위

목록

SEARCH

MENU NAVIGATION