헬라어 문장 검색 - ΠολψβίΗιστορί01́048́

(폴리비오스, Histories, book 1, chapter 48)

γίνεταί τισ ἀνέμου στάσισ ἔχουσα τηλικαύτην βίαν καὶ φορὰν εἰσ αὐτὰσ τὰσ τῶν μηχανημάτων προσαγωγὰσ ὥστε καὶ τὰσ στοὰσ διασαλεύειν καὶ τοὺσ προκειμένουσ τούτων πύργουσ τῇ βίᾳ βαστάζειν. ἐν ᾧ καιρῷ συννοήσαντέσ τινεσ τῶν Ἑλληνικῶν μισθοφόρων τὴν ἐπιτηδειότητα τῆσ περιστάσεωσ πρὸσ τὴν τῶν ἔργων διαφθορὰν προσφέρουσι τῷ στρατηγῷ τὴν ἐπίνοιαν.

τοῦ δὲ δεξαμένου καὶ ταχέωσ ἑτοιμάσαντοσ πᾶν τὸ πρὸσ τὴν χρείαν ἁρμόζον, συστραφέντεσ οἱ νεανίσκοι κατὰ τριττοὺσ τόπουσ ἐνέβαλον πῦρ τοῖσ ἔργοισ.

ὡσ δ’ ἂν τῶν μὲν κατασκευασμάτων διὰ τὸν χρόνον εὖ παρεσκευασμένων πρὸσ τὸ ῥᾳδίωσ ἐμπρησθῆναι, τῆσ δὲ τοῦ πνεύματοσ βίασ φυσώσησ κατ’ αὐτῶν τῶν πύργων καὶ μηχανημάτων, τὴν μὲν νομὴν τοῦ πυρὸσ ἐνεργὸν συνέβαινε γίνεσθαι καὶ πρακτικήν, τὴν δ’ ἐπάρκειαν καὶ βοήθειαν τοῖσ Ῥωμαίοισ εἰσ τέλοσ ἄπρακτον καὶ δυσχερῆ.

τοιαύτην γὰρ ἔκπληξιν παρίστα τὸ συμβαῖνον τοῖσ βοηθοῦσιν ὥστε μήτε συννοῆσαι μήτε συνιδεῖν δύνασθαι τὸ γινόμενον, ἀλλ’ ἀποσκοτουμένουσ ὑπὸ τῆσ εἰσ αὐτοὺσ φερομένησ λιγνύοσ καὶ τῶν φεψαλύγων, ἔτι δὲ τῆσ τοῦ καπνοῦ πολυπληθίασ, οὐκ ὀλίγουσ ἀπόλλυσθαι καὶ πίπτειν, μὴ δυναμένουσ ἐγγίσαι πρὸσ αὐτὴν τὴν τοῦ πυρὸσ βοήθειαν.

ὅσῳ δὲ μείζω συνέβαινε γίνεσθαι τὴν δυσχρηστίαν περὶ τοὺσ ὑπεναντίουσ διὰ τὰσ προειρημένασ αἰτίασ, τοσούτῳ πλείων εὐχρηστία περὶ τοὺσ ἐνιέντασ ἦν τὸ πῦρ.

τὸ μὲν γὰρ ἐπισκοτοῦν καὶ βλάπτειν δυνάμενον πᾶν ἐξεφυσᾶτο καὶ προωθεῖτο κατὰ τῶν ὑπεναντίων, τὸ δὲ βαλλόμενον ἢ ῥιπτούμενον ἐπί τε τοὺσ βοηθοῦντασ καὶ τὴν τῶν ἔργων διαφθορὰν εὔστοχον μὲν ἐπεγίνετο διὰ τὸ συνορᾶν τοὺσ ἀφιέντασ τὸν πρὸ αὑτῶν τόπον, πρακτικὸν δὲ διὰ τὸ γίνεσθαι σφοδρὰν τὴν πληγήν, συνεργούσησ τοῖσ βάλλουσι τῆσ τοῦ πνεύματοσ βίασ.

τὸ δὲ πέρασ τοιαύτην συνέβη γενέσθαι τὴν παντέλειαν τῆσ καταφθορᾶσ ὥστε καὶ τὰσ βάσεισ τῶν πύργων καὶ τὰ στύπη τῶν κριῶν ὑπὸ τοῦ πυρὸσ ἀχρειωθῆναι.

τούτων δὲ συμβάντων τὸ μὲν ἔτι διὰ τῶν ἔργων πολιορκεῖν ἀπέγνωσαν οἱ Ῥωμαῖοι·

περιταφρεύσαντεσ δὲ καὶ χάρακι περιλαβόντεσ κύκλῳ τὴν πόλιν, ἔτι δὲ τῆσ ἰδίασ στρατοπεδείασ τεῖχοσ προβαλόμενοι τῷ χρόνῳ παρέδοσαν τὴν πρᾶξιν. οἱ δ’ ἐν τῷ Λιλυβαίῳ τὸ πεπτωκὸσ ἐξοικοδομησάμενοι τεῖχοσ εὐθαρσῶσ ὑπέμενον ἤδη τὴν πολιορκίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 48

(폴리비오스, Histories, book 1, chapter 48)

상위

목록

SEARCH

MENU NAVIGATION