헬라어 문장 검색 - ΠολψβίΗιστορί01́046́

(폴리비오스, Histories, book 1, chapter 46)

Ὁ μὲν οὖν Ἀννίβασ μετὰ τὴν χρείαν ταύτην ἐξέπλευσε νύκτωρ ἔτι μετὰ τῶν νεῶν λαθὼν τοὺσ πολεμίουσ εἰσ τὰ Δρέπανα πρὸσ Ἀτάρβαν τὸν τῶν Καρχηδονίων στρατηγόν. διὰ γὰρ τὴν εὐκαιρίαν τοῦ τόπου καὶ τὸ κάλλοσ τοῦ περὶ τὰ Δρέπανα λιμένοσ ἀεὶ μεγάλην ἐποιοῦντο σπουδὴν οἱ Καρχηδόνιοι περὶ τὴν φυλακὴν αὐτοῦ.

συμβαίνει δὲ τοῦ Λιλυβαίου τοῦτον ἀπέχειν τὸν τόπον ὡσ ἂν ἑκατὸν καὶ εἴκοσι στάδια.

τοῖσ δ’ ἐν τῇ Καρχηδόνι βουλομένοισ μὲν εἰδέναι τὰ περὶ τὸ Λιλύβαιον, οὐ δυναμένοισ δὲ διὰ τὸ τοὺσ μὲν συγκεκλεῖσθαι τοὺσ δὲ παραφυλάττεσθαι φιλοτίμωσ, ἐπηγγείλατό τισ ἀνὴρ τῶν ἐνδόξων, Ἀννίβασ ἐπικαλούμενοσ Ῥόδιοσ, εἰσπλεύσασ εἰσ τὸ Λιλύβαιον καὶ γενόμενοσ αὐτόπτησ ἅπαντα διασαφήσειν.

οἱ δὲ τῆσ ἐπαγγελίασ μὲν ἀσμένωσ ἤκουσαν, οὐ μὴν ἐπίστευόν γε διὰ τὸ τῷ στόλῳ τοὺσ Ῥωμαίουσ ἐπὶ τοῦ κατὰ τὸν εἴσπλουν στόματοσ ἐφορμεῖν.

ὁ δὲ καταρτίσασ τὴν ἰδίαν ναῦν ἀνήχθη·

καὶ διάρασ εἴσ τινα τῶν πρὸ τοῦ Λιλυβαίου κειμένων νήσων, τῇ κατὰ πόδασ ἡμέρᾳ λαβὼν εὐκαίρωσ ἄνεμον οὔριον περὶ τετάρτην ὡρ́αν ἁπάντων τῶν πολεμίων ὁρώντων καὶ καταπεπληγμένων τὴν τόλμαν εἰσέπλευσεν. καὶ τὴν κατόπιν εὐθέωσ ἐγίνετο περὶ ἀναγωγήν.

ὁ δὲ τῶν Ῥωμαίων στρατηγὸσ βουλόμενοσ ἐπιμελέστερον τὸν κατὰ τὸν εἴσπλουν τόπον τηρεῖν, ἐξηρτυκὼσ ἐν τῇ νυκτὶ δέκα ναῦσ τὰσ ἄριστα πλεούσασ, αὐτὸσ μὲν ἐπὶ τοῦ λιμένοσ ἑστὼσ ἐθεώρει τὸ συμβαῖνον, ὁμοίωσ δὲ καὶ πᾶν τὸ στρατόπεδον·

αἱ δὲ νῆεσ τοῦ στόματοσ ἐξ ἀμφοῖν τοῖν μεροῖν, ἐφ’ ὅσον ἦν δυνατὸν ἔγγιστα τοῖσ τενάγεσι προσάγειν, ἐπεῖχον ἐπτερωκυῖαι πρὸσ τὴν ἐμβολὴν καὶ σύλληψιν τῆσ ἐκπλεῖν μελλούσησ νεώσ.

ἀλλὰ καὶ βραχὺ προπλεύσασ ἐπέστη πτερώσασ τὴν ναῦν, ὡσανεὶ προκαλούμενοσ τοὺσ πολεμίουσ.

οὐδενὸσ δὲ τολμῶντοσ ἐπ’ αὐτὸν ἀντανάγεσθαι διὰ τὸ τάχοσ τῆσ εἰρεσίασ, ἀπέπλευσε καταναστὰσ μιᾷ νηὶ παντὸσ τοῦ τῶν ἐναντίων στόλου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 46

(폴리비오스, Histories, book 1, chapter 46)

상위

목록

SEARCH

MENU NAVIGATION