헬라어 텍스트

Polybius, Histories, book 1, chapter 44

(폴리비오스, Histories, book 1, chapter 44)

Οἱ δ’ ἐν τῇ Καρχηδόνι τούτων μὲν οὐδὲν εἰδότεσ, συλλογιζόμενοι δὲ τὰσ ἐν ταῖσ πολιορκίαισ χρείασ, πληρώσαντεσ στρατιωτῶν πεντήκοντα ναῦσ καὶ παρακαλέσαντεσ τοῖσ ἁρμόζουσι λόγοισ τῆσ πράξεωσ τὸν ἐπὶ τούτοισ τεταγμένον Ἀννίβαν, ὃσ ἦν Ἀμίλκου μὲν υἱὸσ τριήραρχοσ δὲ καὶ φίλοσ Ἀτάρβου πρῶτοσ, ἐξαπέστειλαν κατὰ σπουδήν, ἐντειλάμενοι μὴ καταμελλῆσαι, χρησάμενον δὲ σὺν καιρῷ τῇ τόλμῃ βοηθῆσαι τοῖσ πολιορκουμένοισ. ὁ δ’ ἀναχθεὶσ μετὰ μυρίων στρατιωτῶν καὶ καθορμισθεὶσ ἐν ταῖσ καλουμέναισ Αἰγούσσαισ, μεταξὺ δὲ κειμέναισ Λιλυβαίου καὶ Καρχηδόνοσ, ἐπετήρει τὸν πλοῦν.

ἐκπετάσασ πᾶσι τοῖσ ἀρμένοισ καὶ κατουρώσασ ἐπ’ αὐτὸ τὸ στόμα τοῦ λιμένοσ ἐποιεῖτο τὸν πλοῦν, ἔχων καθωπλισμένουσ καὶ πρὸσ μάχην ἑτοίμουσ τοὺσ ἄνδρασ ἐπὶ τῶν καταστρωμάτων.

οἱ δὲ Ῥωμαῖοι τὰ μὲν αἰφνιδίου γενομένησ τῆσ ἐπιφανείασ, τὰ δὲ φοβούμενοι μὴ σὺν τοῖσ πολεμίοισ ὑπὸ τῆσ βίασ τοῦ πνεύματοσ συγκατενεχθῶσιν εἰσ τὸν λιμένα τῶν ὑπεναντίων, τὸ μὲν διακωλύειν τὸν ἐπίπλουν τῆσ βοηθείασ ἀπέγνωσαν, ἐπὶ δὲ τῆσ θαλάττησ ἔστησαν καταπεπληγμένοι τὴν τῶν πολεμίων τόλμαν.

τὸ δ’ ἐκ τῆσ πόλεωσ πλῆθοσ ἡθροισμένον ἐπὶ τὰ τείχη πᾶν ἅμα μὲν ἠγωνία τὸ συμβησόμενον, ἅμα δ’ ἐπὶ τῷ παραδόξῳ τῆσ ἐλπίδοσ ὑπερχαρὲσ ὑπάρχον μετὰ κρότου καὶ κραυγῆσ παρεκάλει τοὺσ εἰσπλέοντασ.

Ἀννίβασ δὲ παραβόλωσ καὶ τεθαρρηκότωσ εἰσδραμὼν καὶ καθορμισθεὶσ εἰσ τὸν λιμένα μετ’ ἀσφαλείασ ἀπεβίβασε τοὺσ στρατιώτασ.