헬라어 문장 검색 - ΠολψβίΗιστορί01́042́

(폴리비오스, Histories, book 1, chapter 42)

τὴν μὲν οὖν σύμπασαν Σικελίαν τῇ θέσει τετάχθαι συμβαίνει πρὸσ τὴν Ἰταλίαν καὶ τἀκείνησ πέρατα παραπλησίωσ τῇ τῆσ Πελοποννήσου θέσει πρὸσ τὴν λοιπὴν Ἑλλάδα καὶ τὰ ταύτησ ἄκρα, τούτῳ δ’ αὐτῷ διαφέρειν ἀλλήλων, ᾗ ’κείνη μὲν χερρόνησόσ ἐστιν, αὕτη δὲ νῆσοσ· ἧσ μὲν γὰρ ὁ μεταξὺ τόποσ ἐστὶ πορευτόσ, ἧσ δὲ πλωτόσ.

τὸ δ’ εἰσ τὰσ ἄρκτουσ κεκλιμένον ὁρίζει μὲν τοῦ πορθμοῦ τὸ πρὸσ δύσεισ μέροσ, ἀπέχει δὲ τῆσ Ἰταλίασ ὡσ δεκαδύο στάδια, προσαγορεύεται δὲ Πελωριάσ.

τὸ δὲ τρίτον τέτραπται μὲν εἰσ αὐτὴν τὴν Λιβύην, ἐπίκειται δὲ τοῖσ προκειμένοισ τῆσ Καρχηδόνοσ ἀκρωτηρίοισ εὐκαίρωσ, διέχον ὡσ χιλίουσ σταδίουσ, νεύει δ’ εἰσ χειμερινὰσ δύσεισ, διαιρεῖ δὲ τὸ Λιβυκὸν καὶ τὸ Σαρδῷον πέλαγοσ, προσαγορεύεται δὲ Λιλύβαιον.

ἐπὶ δὲ τούτῳ πόλισ ὁμώνυμοσ κεῖται τῷ τόπῳ, περὶ ἣν τότε συνέβαινε τοὺσ Ῥωμαίουσ συνίστασθαι τὴν πολιορκίαν, τείχεσί τε διαφερόντωσ ἠσφαλισμένην καὶ πέριξ τάφρῳ βαθείᾳ καὶ τενάγεσιν ἐκ θαλάττησ, δι’ ὧν ἐστιν εἰσ τοὺσ λιμένασ εἴσπλουσ πολλῆσ δεόμενοσ ἐμπειρίασ καὶ συνηθείασ.

ταύτῃ δὲ προσστρατοπεδεύσαντεσ ἐξ ἑκατέρου μέρουσ οἱ Ῥωμαῖοι καὶ τὰ μεταξὺ τῶν στρατοπέδων τάφρῳ καὶ χάρακι καὶ τείχει διαλαβόντεσ ἤρξαντο προσάγειν ἔργα κατὰ τὸν ἔγγιστα κείμενον τῆσ θαλάττησ πύργον ὡσ πρὸσ τὸ Λιβυκὸν πέλαγοσ.

προσκατασκευάζοντεσ δ’ ἀεὶ τοῖσ ὑποκειμένοισ καὶ παρεκτείνοντεσ τῶν ἔργων τὰσ κατασκευὰσ τέλοσ ἓξ πύργουσ τοὺσ συνεχεῖσ τῷ προειρημένῳ κατέβαλον, τοὺσ δὲ λοιποὺσ πάντασ ἅμα κριοκοπεῖν ἐνεχείρησαν.

ἦν ἰσχυρὰ διατροπὴ καὶ κατάπληξισ παρὰ τοῖσ πολιορκουμένοισ, καίπερ ὄντων ἐν τῇ πόλει χωρὶσ τοῦ πολιτικοῦ πλήθουσ αὐτῶν τῶν μισθοφόρων εἰσ μυρίουσ.

οὐ μὴν ἀλλ’ ὅ γε στρατηγὸσ αὐτῶν Ἰμίλκων οὐδὲν παρέλειπε τῶν δυνατῶν, ἀλλὰ τὰ μὲν ἀντοικοδομῶν, τὰ δ’ ἀντιμεταλλεύων οὐ τὴν τυχοῦσαν ἀπορίαν παρεῖχε τοῖσ ὑπεναντίοισ.

ἔτι δὲ καθ’ ἑκάστην ἡμέραν ἐπιπορευόμενοσ καὶ τοῖσ ἔργοισ ἐγχειρῶν, εἴ πωσ δύναιτο πῦρ ἐμβαλεῖν, πολλοὺσ ὑπὲρ τούτου τοῦ μέρουσ καὶ παραβόλουσ ἀγῶνασ δὴ συνίστατο καὶ μεθ’ ἡμέραν καὶ νύκτωρ, ὥστε πλείουσ ἐνίοτε γίνεσθαι νεκροὺσ ἐν ταῖσ τοιαύταισ συμπλοκαῖσ τῶν εἰωθότων πίπτειν ἐν ταῖσ παρατάξεσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 42

(폴리비오스, Histories, book 1, chapter 42)

상위

목록

SEARCH

MENU NAVIGATION