헬라어 문장 검색 - ΠολψβίΗιστορί01́039́

(폴리비오스, Histories, book 1, chapter 39)

ἀπολιπόντεσ φυλακὴν τῆσ πόλεωσ. μετὰ δὲ ταῦτα τῆσ θερείασ ἐπιγενομένησ οἱ κατασταθέντεσ ἄρχοντεσ Γνάιοσ Σερουίλιοσ καὶ Γάιοσ Σεμπρώνιοσ ἀνέπλευσαν παντὶ τῷ στόλῳ καὶ διάραντεσ εἰσ τὴν Σικελίαν ἀφώρμησαν ἐντεῦθεν εἰσ τὴν Λιβύην. κομιζόμενοι δὲ παρὰ τὴν χώραν ἐποιοῦντο καὶ πλείστασ ἀποβάσεισ.

ἐν αἷσ οὐδὲν ἀξιόλογον πράττοντεσ παρεγίνοντο πρὸσ τὴν τῶν Λωτοφάγων νῆσον, ἣ καλεῖται μὲν Μῆνιγξ, οὐ μακρὰν δ’ ἀπέχει τῆσ μικρᾶσ Σύρτεωσ. ἐν ᾗ προσπεσόντεσ εἴσ τινα βράχεα διὰ τὴν ἀπειρίαν, γενομένησ ἀμπώτεωσ καὶ καθισάντων τῶν πλοίων εἰσ πᾶσαν ἦλθον ἀπορίαν.

οὐ μὴν ἀλλὰ πάλιν ἀνελπίστωσ μετά τινα χρόνον ἐπενεχθείσησ τῆσ θαλάττησ, ἐκρίψαντεσ ἐκ τῶν πλοίων πάντα τὰ βάρη μόλισ ἐκούφισαν τὰσ ναῦσ.

οὗ γενομένου φυγῇ παραπλήσιον ἐποιήσαντο τὸν ἀπόπλουν.

ἁψάμενοι δὲ τῆσ Σικελίασ καὶ κάμψαντεσ τὸ Λιλύβαιον καθωρμίσθησαν εἰσ Πάνορμον. ἐντεῦθεν δὲ ποιούμενοι παραβόλωσ καὶ διὰ πόρου τὸν πλοῦν εἰσ τὴν Ῥώμην πάλιν περιέπεσον χειμῶνι τηλικούτῳ τὸ μέγεθοσ ὥστε πλείω τῶν ἑκατὸν καὶ πεντήκοντα πλοίων ἀποβαλεῖν.

ἐν δὲ ταῖσ πεζικαῖσ δυνάμεσι τὰσ ὑπολοίπουσ ἔχοντεσ ἐλπίδασ, τοὺσ μὲν στρατηγοὺσ ἀπέστελλον Λεύκιον Καικίλιον καὶ Γάιον Φούριον καὶ στρατόπεδα μετὰ τούτων εἰσ τὴν Σικελίαν, ἑξήκοντα δὲ μόνον ἐπλήρωσαν ναῦσ χάριν τοῦ τὰσ ἀγορὰσ κομίζειν τοῖσ στρατοπέδοισ.

ἐκ δὲ τῶν εἰρημένων περιπετειῶν συνέβη πάλιν ἐπικυδέστερα γενέσθαι τὰ τῶν Καρχηδονίων πράγματα.

τῆσ μὲν γὰρ θαλάττησ ἀδεῶσ ἐπεκράτουν ἐκκεχωρηκότων τῶν Ῥωμαίων, ἐν δὲ ταῖσ πεζικαῖσ δυνάμεσι μεγάλασ εἶχον ἐλπίδασ.

καὶ τοῦτ’ ἔπασχον οὐκ ἀλόγωσ·

οὕτωσ ἦσαν κατάφοβοι τοὺσ ἐλέφαντασ ὡσ ἐπὶ δύ’ ἐνιαυτοὺσ τοὺσ ἑξῆσ τῶν προειρημένων καιρῶν πολλάκισ μὲν ἐν τῇ Λιλυβαιίτιδι χώρᾳ, πολλάκισ δ’ ἐν τῇ Σελινουντίᾳ παραταττόμενοι τοῖσ πολεμίοισ ἐν ἓξ καὶ πέντε σταδίοισ οὐκ ἐθάρρησαν οὐδέποτε κατάρξαι τῆσ μάχησ οὐδ’ εἰσ τοὺσ ὁμαλοὺσ καθόλου συγκαταβῆναι τόπουσ, δεδιότεσ τὴν τῶν ἐλεφάντων ἔφοδον.

Θέρμαν δὲ μόνον καὶ Λιπάραν ἐξεπολιόρκησαν ἐν τούτοισ τοῖσ καιροῖσ, ἀντεχόμενοι τῶν ὀρεινῶν καὶ δυσδιαβάτων τόπων.

διὸ καὶ θεωροῦντεσ οἱ Ῥωμαῖοι τὴν ἐν τοῖσ πεζικοῖσ στρατοπέδοισ πτοίαν καὶ δυσελπιστίαν αὖθισ ἔγνωσαν ἐκ μεταμελείασ ἀντιλαμβάνεσθαι τῆσ θαλάττησ.

καὶ καταστήσαντεσ στρατηγοὺσ Γάιον Ἀτίλιον καὶ Λεύκιον Μάλιον ναυπηγοῦνται πεντήκοντα σκάφη καὶ κατέγραφον καὶ συνήθροιζον στόλον ἐνεργῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 39

(폴리비오스, Histories, book 1, chapter 39)

상위

목록

SEARCH

MENU NAVIGATION