헬라어 텍스트

Polybius, Histories, book 1, chapter 38

(폴리비오스, Histories, book 1, chapter 38)

Οἱ δὲ Καρχηδόνιοι, συνέντεσ τὸν γεγονότα φθόρον τοῦ τῶν Ῥωμαίων στόλου καὶ νομίσαντεσ κατὰ μὲν γῆν ἀξιόχρεωσ σφᾶσ εἶναι διὰ τὸ προγεγονὸσ εὐτύχημα, κατὰ δὲ θάλατταν διὰ τὴν εἰρημένην τῶν Ῥωμαίων περιπέτειαν, ὡρ́μησαν προθυμότερον ἐπί τε τὰσ ναυτικὰσ καὶ πεζικὰσ παρασκευάσ. καὶ τὸν μὲν Ἀσδρούβαν εὐθὺσ ἐξαπέστελλον εἰσ τὴν Σικελίαν, δόντεσ αὐτῷ τούσ τε προϋπάρχοντασ καὶ τοὺσ ἐκ τῆσ Ἡρακλείασ παραγεγονότασ στρατιώτασ, ἅμα δὲ τούτοισ ἐλέφαντασ ἑκατὸν καὶ τετταράκοντα.

τοῦτον δ’ ἐκπέμψαντεσ διακοσίασ κατεσκευάζοντο ναῦσ καὶ τἄλλα τὰ πρὸσ τὸν πλοῦν ἡτοίμαζον.

ὁ δ’ Ἀσδρούβασ διακομισθεὶσ εἰσ τὸ Λιλύβαιον ἀσφαλῶσ τά τε θηρία καὶ τὰσ δυνάμεισ ἐγύμναζεν καὶ δῆλοσ ἦν ἀντιποιησόμενοσ τῶν ὑπαίθρων.

Ῥωμαῖοι δὲ τῶν ἐκ τῆσ ναυαγίασ ἀνακομισθέντων διακούσαντεσ τὸ κατὰ μέροσ βαρέωσ μὲν ἤνεγκαν τὸ γεγονόσ·

οὐ βουλόμενοι δὲ καθάπαξ εἴκειν, αὖθισ ἔγνωσαν ἐκ δρυόχων εἴκοσι καὶ διακόσια ναυπηγεῖσθαι σκάφη. καὶ πλεύσαντεσ διὰ πορθμοῦ προσέλαβον ἐκ τῆσ Μεσσήνησ τὰ διασωθέντα τῶν πλοίων ἐκ τῆσ ναυαγίασ καὶ κατάραντεσ εἰσ Πάνορμον τῆσ Σικελίασ τριακοσίαισ ναυσίν, ἥπερ ἦν βαρυτάτη πόλισ τῆσ Καρχηδονίων ἐπαρχίασ, ἐνεχείρησαν αὐτὴν πολιορκεῖν.

συστησάμενοι δὲ κατὰ διττοὺσ τόπουσ ἔργα καὶ τἄλλα παρασκευασάμενοι προσήγαγον τὰσ μηχανάσ.

ῥᾳδίωσ δὲ τοῦ παρὰ θάλατταν πύργου πεσόντοσ, καὶ βιασαμένων ταύτῃ τῶν στρατιωτῶν, ἡ μὲν καλουμένη Νέα πόλισ ἑαλώκει κατὰ κράτοσ·

ἡ δὲ Παλαιὰ προσαγορευομένη τούτου συμβάντοσ ἐκινδύνευσεν. διὸ καὶ ταχέωσ ἐνέδωκαν αὐτὴν οἱ κατοικοῦντεσ.