헬라어 텍스트

Polybius, Histories, book 1, chapter 35

(폴리비오스, Histories, book 1, chapter 35)

Ἐν ᾧ καιρῷ πολλά τισ ἂν ὀρθῶσ ἐπισημαινόμενοσ εὑρ́οι πρὸσ ἐπανόρθωσιν τοῦ τῶν ἀνθρώπων βίου συντελεσθέντα. καὶ γὰρ τὸ διαπιστεῖν τῇ τύχῃ, καὶ μάλιστα κατὰ τὰσ εὐπραγίασ, ἐναργέστατον ἐφάνη πᾶσιν τότε διὰ τῶν Μάρκου συμπτωμάτων·

ὁ γὰρ μικρῷ πρότερον οὐ διδοὺσ ἔλεον οὐδὲ συγγνώμην τοῖσ πταίουσιν παρὰ πόδασ αὐτὸσ ἤγετο δεησόμενοσ τούτων περὶ τῆσ ἑαυτοῦ σωτηρίασ.

καὶ μὴν τὸ παρ’ Εὐριπίδῃ πάλαι καλῶσ εἰρῆσθαι δοκοῦν ὡσ ἓν σοφὸν βούλευμα τὰσ πολλὰσ χεῖρασ νικᾷ τότε δι’ αὐτῶν τῶν ἔργων ἔλαβε τὴν πίστιν.

εἷσ γὰρ ἄνθρωποσ καὶ μία γνώμη τὰ μὲν ἀήττητα πλήθη καὶ πραγματικὰ δοκοῦντ’ εἶναι καθεῖλεν, τὸ δὲ προφανῶσ πεπτωκὸσ ἄρδην πολίτευμα καὶ τὰσ ἀπηλγηκυίασ ψυχὰσ τῶν δυνάμεων ἐπὶ τὸ κρεῖττον ἤγαγεν.

ἐγὼ δὲ τούτων ἐπεμνήσθην χάριν τῆσ τῶν ἐντυγχανόντων τοῖσ ὑπομνήμασι διορθώσεωσ.

δυεῖν γὰρ ὄντων τρόπων πᾶσιν ἀνθρώποισ τῆσ ἐπὶ τὸ βέλτιον μεταθέσεωσ, τοῦ τε διὰ τῶν ἰδίων συμπτωμάτων καὶ τοῦ διὰ τῶν ἀλλοτρίων, ἐναργέστερον μὲν εἶναι συμβαίνει τὸν διὰ τῶν οἰκείων περιπετειῶν, ἀβλαβέστερον δὲ τὸν διὰ τῶν ἀλλοτρίων.

ἐπεὶ μετὰ μεγάλων πόνων καὶ κινδύνων ποιεῖ τὴν διόρθωσιν, τὸν δ’ ἀεὶ θηρευτέον, ἐπεὶ χωρὶσ βλάβησ ἔστιν συνιδεῖν ἐν αὐτῷ τὸ βέλτιον.

ἐξ ὧν συνιδόντι καλλίστην παιδείαν ἡγητέον πρὸσ ἀληθινὸν βίον τὴν ἐκ τῆσ πραγματικῆσ ἱστορίασ περιγινομένην ἐμπειρίαν·

μόνη γὰρ αὕτη χωρὶσ βλάβησ ἐπὶ παντὸσ καιροῦ καὶ περιστάσεωσ κριτὰσ ἀληθινοὺσ ἀποτελεῖ τοῦ βελτίονοσ.

ταῦτα μὲν οὖν ἡμῖν ἐπὶ τοσοῦτον εἰρήσθω.