헬라어 문장 검색 - ΠολψβίΗιστορί01́031́

(폴리비오스, Histories, book 1, chapter 31)

Οἱ δὲ Καρχηδόνιοι μικρῷ μὲν πρότερον κατὰ θάλατταν, τότε δὲ κατὰ γῆν ἐπταικότεσ, οὐ διὰ τὴν τῶν πολλῶν ἀνανδρίαν, ἀλλὰ διὰ τὴν τῶν ἡγουμένων ἀβουλίαν, κατὰ πάντα τρόπον ἐνεπεπτώκεισαν εἰσ δυσχερῆ διάθεσιν. ἅμα γὰρ τοῖσ προειρημένοισ καὶ τὸ τῶν Νομάδων ἔθνοσ συνεπιτιθέμενον αὐτοῖσ οὐκ ἐλάττω, πλείω δὲ τῶν Ῥωμαίων εἰργάζετο κακὰ τὴν χώραν.

ἐξ ὧν διὰ τὸν φόβον συμφευγόντων εἰσ τὴν πόλιν τῶν ἀπὸ τῆσ χώρασ δυσθυμία καὶ λιμὸσ ἦν ὁλοσχερήσ, τὰ μὲν διὰ τὸ πλῆθοσ, τὰ δὲ διὰ τὴν προσδοκίαν τῆσ πολιορκίασ.

ὁ δὲ Μάρκοσ ὁρῶν τοὺσ Καρχηδονίουσ καὶ κατὰ γῆν καὶ κατὰ θάλατταν ἐσφαλμένουσ καὶ νομίζων ὅσον οὔπω κρατήσειν τῆσ πόλεωσ, ἀγωνιῶν δὲ μὴ συμβῇ τὸν ἐπιπαραγινόμενον στρατηγὸν ἐκ τῆσ Ῥώμησ φθάσαντα τὴν ἐπιγραφὴν τῶν πραγμάτων λαβεῖν, προυκαλεῖτο τοὺσ Καρχηδονίουσ εἰσ διαλύσεισ.

οἱ δ’ ἀσμένωσ ἀκούσαντεσ ἐξέπεμψαν αὑτῶν τοὺσ πρώτουσ ἄνδρασ·

οἳ καὶ συμμίξαντεσ αὐτῷ τοσοῦτον ἀπέσχον τοῦ ῥέπειν ταῖσ γνώμαισ ἐπὶ τὸ ποιεῖν τι τῶν λεγομένων ὥστ’ οὐδ’ ἀκούοντεσ ὑπομένειν ἐδύναντο τὸ βάροσ τῶν ἐπιταγμάτων. ὁ μὲν γὰρ Μάρκοσ ὡσ ἤδη κεκρατηκὼσ τῶν ὅλων, ὅ,τι ποτὲ συνεχώρει, πᾶν ᾤετο δεῖν αὐτοὺσ ἐν χάριτι καὶ δωρεᾷ λαμβάνειν·

οἱ δὲ Καρχηδόνιοι θεωροῦντεσ ὅτι καὶ γενομένοισ αὐτοῖσ ὑποχειρίοισ οὐδὲν ἂν συνεξακολουθήσαι βαρύτερον τῶν τότε προσταγμάτων, οὐ μόνον δυσαρεστήσαντεσ τοῖσ προτεινομένοισ ἐπανῆλθον, ἀλλὰ καὶ προσκόψαντεσ τῇ βαρύτητι τοῦ Μάρκου.

τὸ δὲ συνέδριον τῶν Καρχηδονίων διακοῦσαν τὰ προτεινόμενα παρὰ τοῦ στρατηγοῦ τῶν Ῥωμαίων, καίπερ σχεδὸν ἀπεγνωκὸσ τὰσ τῆσ σωτηρίασ ἐλπίδασ, ὅμωσ οὕτωσ ἀνδρωδῶσ ἔστη καὶ γενναίωσ ὥστε πᾶν ὑπομένειν εἵλετο καὶ παντὸσ ἔργου καὶ καιροῦ πεῖραν λαμβάνειν ἐφ’ ᾧ μηδὲν ἀγεννὲσ μηδ’ ἀνάξιον τῶν πρὸ τοῦ πράξεων ὑπομεῖναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 31

(폴리비오스, Histories, book 1, chapter 31)

상위

목록

SEARCH

MENU NAVIGATION