헬라어 문장 검색 - ΠολψβίΗιστορί01́030́

(폴리비오스, Histories, book 1, chapter 30)

Οἱ δὲ Καρχηδόνιοι θεωροῦντεσ τὴν τῶν πολεμίων παρασκευὴν χρονιωτέραν οὖσαν, πρῶτον μὲν στρατηγοὺσ ἑαυτῶν εἵλοντο δύο, τόν τ’ Ἄννωνοσ Ἀσδρούβαν καὶ Βώσταρον, μετὰ δὲ ταῦτα πρὸσ τὸν Ἀμίλκαν ἔπεμπον εἰσ τὴν Ἡράκλειαν, καλοῦντεσ κατὰ τάχοσ αὐτόν. ὁ δ’ ἀναλαβὼν ἱππεῖσ πεντακοσίουσ καὶ πεζοὺσ πεντακισχιλίουσ παρῆν εἰσ τὴν Καρχηδόνα·

καὶ κατασταθεὶσ στρατηγὸσ τρίτοσ ἐβουλεύετο μετὰ τῶν περὶ τὸν Ἀσδρούβαν πῶσ δεῖ χρῆσθαι τοῖσ παροῦσιν. ἔδοξεν οὖν αὐτοῖσ βοηθεῖν τῇ χώρᾳ καὶ μὴ περιορᾶν αὐτὴν ἀδεῶσ πορθουμένην.

ὁ δὲ Μάρκοσ μετά τινασ ἡμέρασ ἐπεπορεύετο, τὰ μὲν ἀτείχιστα τῶν ἐρυμάτων ἐξ ἐφόδου διαρπάζων, τὰ δὲ τετειχισμένα πολιορκῶν.

ἀφικόμενοσ δὲ πρὸσ πόλιν Ἀδὺν ἀξιόχρεω, περιστρατοπεδεύσασ ταύτην συνίστατο μετὰ σπουδῆσ ἔργα καὶ πολιορκίαν.

οἱ δὲ Καρχηδόνιοι τῇ τε πόλει σπουδάζοντεσ βοηθῆσαι καὶ τῶν ὑπαίθρων ἀντιποιεῖσθαι κρίνοντεσ ἐξῆγον τὴν δύναμιν.

καὶ καταλαβόμενοι λόφον ὑπερδέξιον μὲν τῶν πολεμίων, ἀφυῆ δὲ ταῖσ ἑαυτῶν δυνάμεσιν, ἐν τούτῳ κατεστρατοπέδευσαν.

λοιπὸν ἔχοντεσ μὲν τὰσ πλείστασ ἐλπίδασ ἐν τοῖσ ἱππεῦσιν καὶ τοῖσ θηρίοισ, ἀφέμενοι δὲ τῶν ἐπιπέδων χωρίων καὶ συγκλείσαντεσ σφᾶσ αὐτοὺσ εἰσ τόπουσ ἐρυμνοὺσ καὶ δυσβάτουσ, ἔμελλον διδάξειν τοὺσ πολεμίουσ ὃ δέον ἦν πράττειν κατ’ αὐτῶν.

ὃ δὴ καὶ συνέβη γενέσθαι. χρώμενοι δὲ τοῖσ ἰδίοισ καιροῖσ ἅμα τῷ φωτὶ προσέβαινον ἐξ ἑκατέρου τοῦ μέρουσ πρὸσ τὸν λόφον.

οἱ μὲν οὖν ἱππεῖσ καὶ τὰ θηρία τοῖσ Καρχηδονίοισ ἦν ἄχρηστα τελέωσ·

οἱ δὲ μισθοφόροι πάνυ γενναίωσ καὶ προθύμωσ ἐκβοηθήσαντεσ τὸ μὲν πρῶτον στρατόπεδον ἠνάγκασαν ἐκκλῖναι καὶ φυγεῖν· ἐπεὶ δὲ προπεσόντεσ καὶ κυκλωθέντεσ ὑπὸ τῶν ἐκ θατέρου μέρουσ προσβαινόντων ἐτράπησαν, μετὰ ταῦτα πάντεσ εὐθὺσ ἐκ τῆσ στρατοπεδείασ ἐξέπεσον.

τὰ μὲν οὖν θηρία μετὰ τῶν ἱππέων, ἐπεὶ τάχιστα τῶν ὁμαλῶν ἥψατο, μετ’ ἀσφαλείασ ἐποιοῦντο τὴν ἀποχώρησιν·

οἱ δὲ Ῥωμαῖοι τοὺσ πεζοὺσ βραχὺν ἐπιδιώξαντεσ τόπον καὶ τὸν χάρακα διαρπάσαντεσ, μετὰ δὲ ταῦτα πᾶσαν ἐπιπορευόμενοι τὴν χώραν καὶ τὰσ πόλεισ ἀδεῶσ ἐπόρθουν.

γενόμενοι δὲ τῆσ προσαγορευομένησ πόλεωσ Τύνητοσ ἐγκρατεῖσ, εὐφυοῦσ ὑπαρχούσησ πρὸσ τὰσ προκειμένασ ἐπιβολάσ, ἔτι δὲ κειμένησ εὐκαίρωσ κατά τε τῆσ πόλεωσ καὶ τῆσ σύνεγγυσ ταύτῃ χώρασ, κατεστρατοπέδευσαν εἰσ αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 30

(폴리비오스, Histories, book 1, chapter 30)

상위

목록

SEARCH

MENU NAVIGATION