헬라어 문장 검색 - ΠολψβίΗιστορί01́029́

(폴리비오스, Histories, book 1, chapter 29)

Μετὰ δὲ ταῦτα πάλιν οἱ Ῥωμαῖοι προσεπισιτισάμενοι καὶ τὰσ αἰχμαλώτουσ ναῦσ καταρτίσαντεσ, ἔτι δὲ τὴν ἁρμόζουσαν τοῖσ προτερήμασιν ἐπιμέλειαν ποιησάμενοι τῶν πληρωμάτων ἀνήγοντο ποιούμενοι τὸν πλοῦν ὡσ ἐπὶ τὴν Λιβύην. προσσχόντεσ δὲ ταῖσ πρώταισ πλεούσαισ ναυσὶν ὑπὸ τὴν ἄκραν τὴν Ἑρμαίαν ἐπονομαζομένην, ἣ πρὸ παντὸσ τοῦ περὶ τὴν Καρχηδόνα κόλπου κειμένη προτείνει πελάγιοσ ὡσ πρὸσ τὴν Σικελίαν, καὶ προσδεξάμενοι τὰσ ἐπιπλεούσασ ἐνταῦθα ναῦσ καὶ πάντα συναθροίσαντεσ τὸν στόλον ἔπλεον παρὰ τὴν χώραν, ἑώσ ἐπὶ τὴν Ἀσπίδα καλουμένην πόλιν ἀφίκοντο.

ποιησάμενοι δὲ τὴν ἀπόβασιν ἐνταῦθα καὶ νεωλκήσαντεσ, ἔτι δὲ τάφρῳ καὶ χάρακι περιλαβόντεσ τὰσ ναῦσ ἐγίνοντο πρὸσ τὸ πολιορκεῖν αὐτήν, οὐ βουλομένων ἑκουσίωσ σφίσι προσχωρῆσαι τῶν κατεχόντων τὴν πόλιν.

οἱ δὲ διαφυγόντεσ ἐκ τοῦ κατὰ τὴν ναυμαχίαν κινδύνου τῶν Καρχηδονίων καταπλεύσαντεσ καὶ πεπεισμένοι τοὺσ ὑπεναντίουσ ἐκ τοῦ γεγονότοσ προτερήματοσ ἐπαρθέντασ εὐθέωσ ποιήσεσθαι τὸν ἐπίπλουν ἐπ’ αὐτὴν τὴν Καρχηδόνα, παρετήρουν ταῖσ πεζικαῖσ καὶ ναυτικαῖσ δυνάμεσι τοὺσ προκειμένουσ τῆσ πόλεωσ τόπουσ.

ἐπιγνόντεσ δὲ τοὺσ Ῥωμαίουσ ἀσφαλῶσ ἀποβεβηκότασ καὶ πολιορκοῦντασ τὴν Ἀσπίδα, τοῦ μὲν παραφυλάττειν τὸν ἐπίπλουν ἀπέγνωσαν, συνήθροιζον δὲ τὰσ δυνάμεισ καὶ περὶ φυλακὴν ἐγίνοντο τῆσ τε πόλεωσ καὶ τῆσ χώρασ.

οἱ δὲ Ῥωμαῖοι κυριεύσαντεσ τῆσ Ἀσπίδοσ καὶ φυλακὴν ἀπολιπόντεσ τῆσ πόλεωσ καὶ χώρασ, ἔτι δὲ πρεσβευτὰσ εἰσ τὴν Ῥώμην πέμψαντεσ τοὺσ ἀπαγγελοῦντασ μὲν περὶ τῶν γεγονότων, ἐρησομένουσ δὲ περὶ τῶν μελλόντων τί δεῖ ποιεῖν καὶ πῶσ χρῆσθαι τοῖσ πράγμασιν, μετὰ δὲ ταῦτα πάσῃ τῇ δυνάμει κατὰ σπουδὴν ἀναζεύξαντεσ ὡρ́μησαν ἐπὶ τὸ πορθεῖν τὴν χώραν.

οὐδενὸσ δ’ ἐμποδὼν ἱσταμένου, πολλὰσ μὲν οἰκήσεισ περιττῶσ κατεσκευασμένασ διέφθειραν, πολὺ δὲ πλῆθοσ τῆσ τετραπόδου λείασ περιεβάλοντο·

σώματα δὲ πλείω τῶν δισμυρίων ἐπὶ τὰσ ναῦσ ἀνήγαγον. ἐν δὲ τούτῳ τῷ καιρῷ παρῆσαν ἐκ τῆσ Ῥώμησ οἱ διασαφοῦντεσ ὅτι δεῖ τὸν μὲν ἕνα τῶν στρατηγῶν μένειν ἔχοντα δυνάμεισ τὰσ ἀρκούσασ, τὸν δ’ ἕτερον ἀποκομίζειν εἰσ τὴν Ῥώμην τὸν στόλον.

ὁ μὲν οὖν Μάρκοσ ἔμενεν, ὑπολειπόμενοσ ναῦσ τετταράκοντα καὶ πεζοὺσ μυρίουσ καὶ πεντακισχιλίουσ, ἱππεῖσ δὲ πεντακοσίουσ·

ὁ δὲ Λεύκιοσ ἀναλαβὼν τὰ πληρώματα καὶ τὸ τῶν αἰχμαλώτων πλῆθοσ καὶ κομισθεὶσ παρὰ τὴν Σικελίαν ἀσφαλῶσ ἧκεν εἰσ τὴν Ῥώμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 29

(폴리비오스, Histories, book 1, chapter 29)

상위

목록

SEARCH

MENU NAVIGATION