헬라어 문장 검색 - ΠολψβίΗιστορί01́028́

(폴리비오스, Histories, book 1, chapter 28)

την εἶχε διάθεσιν. κατὰ δὲ τὸν αὐτὸν καιρὸν τὸ μὲν δεξιὸν κέρασ ἔχων Ἄννων, τὸ μεῖναν ἐν ἀποστάσει κατὰ τὴν πρώτην συμβολήν, τό τε πέλαγοσ ὑπεράρασ ἐνέβαλε ταῖσ τῶν τριαρίων ναυσὶ καὶ πολλὴν ἀπορίαν παρεῖχε καὶ δυσχρηστίαν αὐτοῖσ. οἱ δὲ παρὰ τὴν γῆν τεταγμένοι τῶν Καρχηδονίων παραγεγονότεσ εἰσ μέτωπον ἐκ τῆσ προϋπαρχούσησ τάξεωσ καὶ ποιήσαντεσ ἀντιπρώρρουσ τὰσ ναῦσ ἐνέβαλον τοῖσ ῥυμουλκοῦσι τὰσ ἱππηγούσ·

οἱ δ’ ἀφέμενοι τὰ ῥύματα συνεπλέκοντο καὶ διηγωνίζοντο τοῖσ πολεμίοισ. ἦν δὲ τρία μέρη τῆσ ὅλησ συμπλοκῆσ, καὶ τρεῖσ ναυμαχίαι συνέστησαν πολὺ κεχωρισμέναι τοῖσ τόποισ ἀλλήλων·

τῷ δ’ ἑκατέρων πάρισα τὰ μέρη γενέσθαι κατὰ τὸν ἐξ ἀρχῆσ χειρισμὸν ἐφάμιλλον εἶναι συνέβαινε καὶ τὸν κίνδυνον.

οὐ μὴν ἀλλὰ τὸ κατὰ λόγον ἐν ἑκάστοισ ἐπετελεῖτο περὶ τὴν μάχην, ὅπερ εἰκὸσ ὅταν ᾖ παραπλήσια πάντα τὰ τῶν ἀγωνιζομένων.

οἱ γὰρ πρῶτοι κινδυνεύσαντεσ πρῶτοι καὶ διεκρίθησαν·

τέλοσ γὰρ ἐκβιασθέντεσ οἱ περὶ τὸν Ἀμίλκαν εἰσ φυγὴν ὡρ́μησαν. ὁ μὲν οὖν Λεύκιοσ ἀνεδεῖτο τὰσ αἰχμαλώτουσ ναῦσ·

ὁ δὲ Μάρκοσ συνορῶν τὸν περὶ τοὺσ τριαρίουσ καὶ τὰσ ἱππηγοὺσ ἀγῶνα κατὰ σπουδὴν ἐβοήθει τούτοισ, ἔχων τοῦ δευτέρου στόλου τὰσ ἀκεραίουσ ναῦσ. συνάψαντοσ δὲ καὶ προσμίξαντοσ αὐτοῦ τοῖσ περὶ τὸν Ἄννωνα, ταχέωσ ἀναθαρρήσαντεσ οἱ τριάριοι, καίπερ ἤδη κακῶσ ἀπαλλάττοντεσ, πάλιν ἐπερρώσθησαν πρὸσ τὸν κίνδυνον.

οἱ δὲ Καρχηδόνιοι, τῶν μὲν κατὰ πρόσωπον αὐτοῖσ προσμαχομένων, τῶν δὲ κατὰ νώτου προσπιπτόντων, δυσχρηστούμενοι καὶ παραδόξωσ ὑπὸ τῶν βοηθησάντων κυκλούμενοι, κλίναντεσ πελαγίαν ἐποιοῦντο τὴν ὑποχώρησιν.

κατὰ δὲ τὸν αὐτὸν καιρὸν ὅ τε Λεύκιοσ ἐπαναπλέων ἤδη καὶ θεωρῶν συγκεκλεισμένον πρὸσ τῇ γῇ τὸν τρίτον στόλον ὑπὸ τοῦ τῶν Καρχηδονίων εὐωνύμου κέρατοσ, ὅ τε Μάρκοσ ἐν ἀσφαλεῖ καταλιπὼν τὰσ ἱππηγοὺσ καὶ τοὺσ τριαρίουσ ὡρ́μησαν ἀμφότεροι βοηθεῖν τοῖσ κινδυνεύουσι.

παραπλήσιον γὰρ ἦν ἤδη τὸ γινόμενον πολιορκίᾳ·

καὶ πάντεσ ἂν ἀπολώλεισαν οὗτοί γε προφανῶσ, εἰ μὴ δεδιότεσ τοὺσ κόρακασ οἱ Καρχηδόνιοι περιφράξαντεσ μὲν αὐτοὺσ πρὸσ τῇ γῇ συνεῖχον, πρὸσ δὲ τὰσ ἐμβολὰσ διὰ τὴν συμπλοκὴν εὐλαβῶσ ἔχοντεσ οὐ προσῄεσαν. ταχέωσ δ’ ἐπιγενόμενοι καὶ κυκλώσαντεσ οἱ στρατηγοὶ τοὺσ Καρχηδονίουσ αὐτάνδρουσ μὲν ἔλαβον πεντήκοντα ναῦσ τῶν πολεμίων, ὀλίγαι δέ τινεσ παρὰ τὴν γῆν ἐξελίξασαι διέφυγον.

ὁ μὲν οὖν κατὰ μέροσ κίνδυνοσ τοιαύτην ἔσχε τὴν διάθεσιν, τὸ δὲ τέλοσ τῆσ συμπάσησ ναυμαχίασ ἐγένετο κατὰ τοὺσ Ῥωμαίουσ.

διεφθάρη δὲ τούτων μὲν εἴκοσι καὶ τέτταρα σκάφη, τῶν δὲ Καρχηδονίων ὑπὲρ τριάκοντα.

ναῦσ δὲ τῶν μὲν Ῥωμαίων αὔτανδροσ οὐδεμία τοῖσ πολεμίοισ ἐγένεθ’ ὑποχείριοσ, τῶν δὲ Καρχηδονίων ἑξήκοντα καὶ τέτταρεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 28

(폴리비오스, Histories, book 1, chapter 28)

상위

목록

SEARCH

MENU NAVIGATION