헬라어 문장 검색 - ΠολψβίΗιστορί01́022́

(폴리비오스, Histories, book 1, chapter 22)

ἅμα δ’ ἀκούοντεσ οὐ μακρὰν εἶναι τὸν τῶν πολεμίων στόλον ἐγίνοντο πρὸσ παρασκευὴν τοῦ ναυμαχεῖν. ὄντων δὲ τῶν πλοίων φαύλων ταῖσ κατασκευαῖσ καὶ δυσκινήτων, ὑποτίθεταί τισ αὐτοῖσ βοήθημα πρὸσ τὴν μάχην τοὺσ ἐπικληθέντασ μετὰ ταῦτα κόρακασ ὧν συνέβαινε τὴν κατασκευὴν εἶναι τοιαύτην.

στῦλοσ ἐν πρώρρᾳ στρογγύλοσ εἱστήκει, μῆκοσ μὲν ὀργυιῶν τεττάρων, κατὰ δὲ τὸ πλάτοσ τριῶν παλαιστῶν ἔχων τὴν διάμετρον.

οὗτοσ αὐτὸσ μὲν ἐπὶ τῆσ κορυφῆσ τροχιλίαν εἶχεν, περιετίθετο δ’ αὐτῷ κλῖμαξ ἐπικαρσίαισ σανίσι καθηλωμένη, πλάτοσ μὲν ποδῶν τεττάρων, τὸ δὲ μῆκοσ ἓξ ὀργυιῶν.

τὸ δὲ τρῆμα τοῦ σανιδώματοσ ἦν παράμηκεσ καὶ περιέβαινε περὶ τὸν στῦλον μετὰ τὰσ πρώτασ εὐθέωσ τῆσ κλίμακοσ δύ’ ὀργυιάσ.

εἶχεν δὲ καὶ δρύφακτον αὕτη παρ’ ἑκατέραν τὴν ἐπιμήκη πλευρὰν εἰσ γόνυ τὸ βάθοσ. ἐπὶ δὲ τοῦ πέρατοσ αὐτοῦ προσήρμοστο σιδηροῦν οἱο͂ν ὕπερον ἀπωξυσμένον, ἔχον δακτύλιον ἐπὶ τῆσ κορυφῆσ, ὡσ τὸ ὅλον φαίνεσθαι παραπλήσιον ταῖσ σιτοποιικαῖσ μηχανήσεσιν.

εἰσ δὲ τοῦτον τὸν δακτύλιον ἐνεδέδετο κάλωσ, ᾧ κατὰ τὰσ ἐμβολὰσ τῶν πλοίων ἐξαίροντεσ τοὺσ κόρακασ διὰ τῆσ ἐν τῷ στύλῳ τροχιλίασ ἀφίεσαν ἐπὶ τὸ κατάστρωμα τῆσ ἀλλοτρίασ νεὼσ ποτὲ μὲν κατὰ πρῶρραν, ποτὲ δ’ ἀντιπεριάγοντεσ τὰσ ἐκ τῶν πλαγίων προσπιπτούσασ ἐμβολάσ.

ὅτε δὲ ταῖσ σανίσι τῶν καταστρωμάτων ἐμπαγέντεσ οἱ κόρακεσ ὁμοῦ συνδήσαιεν τὰσ ναῦσ, εἰ μὲν πλάγιαι παραβάλοιεν ἀλλήλαισ, πανταχόθεν ἐπεπήδων, εἰ δὲ κατὰ πρῶρραν, δι’ αὐτοῦ τοῦ κόρακοσ ἐπὶ δύο συνεχεῖσ ἐποιοῦντο τὴν ἔφοδον·

ὧν οἱ μὲν ἡγούμενοι τὴν κατὰ πρόσωπον ἐπιφάνειαν ἐσκέπαζον ταῖσ τῶν θυρεῶν προβολαῖσ, οἱ δ’ ἑπόμενοι τὰσ ἐκ τῶν πλαγίων ἠσφάλιζον πλευρὰσ ὑπὲρ τὸν δρύφακτον ὑπερτιθέμενοι τὰσ ἴτυσ τῶν ὅπλων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 22

(폴리비오스, Histories, book 1, chapter 22)

상위

목록

SEARCH

MENU NAVIGATION