헬라어 문장 검색 - ΠολψβίΗιστορί01́020́

(폴리비오스, Histories, book 1, chapter 20)

ἐλπίσαντεσ δὲ καθόλου δυνατὸν εἶναι τοὺσ Καρχηδονίουσ ἐκβαλεῖν ἐκ τῆσ νήσου, τούτου δὲ γενομένου μεγάλην ἐπίδοσιν αὑτῶν λήψεσθαι τὰ πράγματα, πρὸσ τούτοισ ἦσαν τοῖσ λογισμοῖσ καὶ ταῖσ περὶ τοῦτο τὸ μέροσ ἐπινοίαισ. τὰ μὲν οὖν περὶ τὰσ πεζικὰσ δυνάμεισ ἑώρων κατὰ λόγον σφίσι προχωροῦντα·

μετὰ γὰρ τοὺσ τὸν Ἀκράγαντα πολιορκήσαντασ οἱ κατασταθέντεσ στρατηγοὶ Λεύκιοσ Οὐαλέριοσ καὶ Τίτοσ Ὀτακίλιοσ ἐδόκουν ἐνδεχομένωσ χειρίζειν τὰ κατὰ τὴν Σικελίαν.

τῆσ δὲ θαλάττησ ἀκονιτὶ τῶν Καρχηδονίων ἐπικρατούντων ἐζυγοστατεῖτ’ αὐτοῖσ ὁ πόλεμοσ·

ἐν γὰρ τοῖσ ἑξῆσ χρόνοισ, κατεχόντων αὐτῶν ἤδη τὸν Ἀκράγαντα, πολλαὶ μὲν πόλεισ προσετίθεντο τῶν μεσογαίων τοῖσ Ῥωμαίοισ, ἀγωνιῶσαι τὰσ πεζικὰσ δυνάμεισ, ἔτι δὲ πλείουσ ἀφίσταντο τῶν παραθαλαττίων, καταπεπληγμέναι τὸν τῶν Καρχηδονίων στόλον.

ὅθεν ὁρῶντεσ αἰεὶ καὶ μᾶλλον εἰσ ἑκάτερα τὰ μέρη ῥοπὰσ λαμβάνοντα τὸν πόλεμον διὰ τὰσ προειρημένασ αἰτίασ, ἔτι δὲ τὴν μὲν Ἰταλίαν πορθουμένην πολλάκισ ὑπὸ τῆσ ναυτικῆσ δυνάμεωσ, τὴν δὲ Λιβύην εἰσ τέλοσ ἀβλαβῆ διαμένουσαν, ὡρ́μησαν ἐπὶ τὸ συνεμβαίνειν τοῖσ Καρχηδονίοισ εἰσ τὴν θάλατταν.

διὸ καὶ τοῦτο τὸ μέροσ οὐχ ἥκιστά με παρώρμησεν ποιήσασθαι μνήμην ἐπὶ πλεῖον τοῦ προειρημένου πολέμου χάριν τοῦ μηδὲ ταύτην ἀγνοεῖσθαι τὴν ἀρχήν, πῶσ καὶ πότε καὶ δι’ ἃσ αἰτίασ πρῶτον ἐνέβησαν εἰσ θάλατταν Ῥωμαῖοι.

θεωροῦντεσ δὲ τὸν πόλεμον αὑτοῖσ τριβὴν λαμβάνοντα, τότε πρῶτον ἐπεβάλοντο ναυπηγεῖσθαι σκάφη, πεντηρικὰ μὲν ἑκατόν, εἴκοσι δὲ τριήρεισ.

τῶν δὲ ναυπηγῶν εἰσ τέλοσ ἀπείρων ὄντων τῆσ περὶ τὰσ πεντήρεισ ναυπηγίασ διὰ τὸ μηδένα τότε τῶν κατὰ τὴν Ἰταλίαν κεχρῆσθαι τοιούτοισ σκάφεσιν, πολλὴν αὐτοῖσ παρεῖχεν τοῦτο τὸ μέροσ δυσχέρειαν.

ἐξ ὧν καὶ μάλιστα συνίδοι τισ ἂν τὸ μεγαλόψυχον καὶ παράβολον τῆσ Ῥωμαίων αἱρέσεωσ.

οὐ γὰρ οἱο͂ν εὐλόγουσ ἀφορμὰσ ἔχοντεσ, ἀλλ’ οὐδ’ ἀφορμὰσ καθάπαξ οὐδ’ ἐπίνοιαν οὐδέποτε ποιησάμενοι τῆσ θαλάττησ, τότε δὴ πρῶτον ἐν νῷ λαμβάνοντεσ οὕτωσ τολμηρῶσ ἐνεχείρησαν ὥστε πρὶν ἢ πειραθῆναι τοῦ πράγματοσ, εὐθὺσ ἐπιβαλέσθαι Καρχηδονίοισ ναυμαχεῖν τοῖσ ἐκ προγόνων ἔχουσι τὴν κατὰ θάλατταν ἡγεμονίαν ἀδήριτον.

μαρτυρίῳ δ’ ἄν τισ χρήσαιτο πρὸσ τὴν ἀλήθειαν τῶν νῦν ὑπ’ ἐμοῦ λεγομένων καὶ πρὸσ τὸ παράδοξον αὐτῶν τῆσ τόλμησ·

ἀλλὰ παρὰ Ταραντίνων καὶ Λοκρῶν ἔτι δ’ Ἐλεατῶν καὶ Νεαπολιτῶν συγχρησάμενοι πεντηκοντόρουσ καὶ τριήρεισ ἐπὶ τούτων παραβόλωσ διεκόμισαν τοὺσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 20

(폴리비오스, Histories, book 1, chapter 20)

상위

목록

SEARCH

MENU NAVIGATION