헬라어 문장 검색 - ΠολψβίΗιστορί01́019́

(폴리비오스, Histories, book 1, chapter 19)

τῶν χορηγίων. ἀναλαβὼν τά τε θηρία περὶ πεντήκοντα τὸν ἀριθμὸν ὄντα καὶ τὴν λοιπὴν δύναμιν ἅπασαν προῆγε κατὰ σπουδὴν ἐκ τῆσ Ἡρακλείασ, παραγγείλασ τοῖσ Νομαδικοῖσ ἱππεῦσι προπορεύεσθαι καὶ συνεγγίσασι τῷ χάρακι τῶν ἐναντίων ἐρεθίζειν καὶ πειρᾶσθαι τοὺσ ἱππεῖσ αὐτῶν ἐκκαλεῖσθαι, κἄπειτα πάλιν ἐκκλίνασιν ἀποχωρεῖν, ἑώσ ἂν αὐτῷ συμμίξωσι.

πραξάντων δὲ τὸ συνταχθὲν τῶν Νομάδων καὶ προσμιξάντων θατέρῳ τῶν στρατοπέδων, εὐθὺσ οἱ τῶν Ῥωμαίων ἱππεῖσ ἐξεχέοντο καὶ θρασέωσ ἐπέκειντο τοῖσ Νομάσιν.

οἱ δὲ Λίβυεσ ὑπεχώρουν κατὰ τὸ παράγγελμα, μέχρι συνέμιξαν τοῖσ περὶ τὸν Ἄννωνα·

λοιπόν τ’ ἐκ μεταβολῆσ περιχυθέντεσ ἐπέκειντο τοῖσ πολεμίοισ καὶ πολλοὺσ μὲν αὐτῶν ἀπέκτειναν, τοὺσ δὲ λοιποὺσ ἑώσ εἰσ τὸν χάρακα συνεδίωξαν. γενομένων δὲ τούτων ἐπεστρατοπέδευσαν οἱ περὶ τὸν Ἄννωνα τοῖσ Ῥωμαίοισ, καταλαβόμενοι τὸν λόφον τὸν καλούμενον Τόρον, ὡσ δέκα σταδίουσ ἀπέχοντεσ τῶν ὑπεναντίων.

καὶ δύο μὲν μῆνασ ἔμενον ἐπὶ τῶν ὑποκειμένων, οὐδὲν ὁλοσχερὲσ πράττοντεσ πλὴν ἀκροβολιζόμενοι καθ’ ἑκάστην ἡμέραν.

τοῦ δ’ Ἀννίβου διαπυρσευομένου καὶ διαπεμπομένου συνεχῶσ ἐκ τῆσ πόλεωσ πρὸσ τὸν Ἄννωνα καὶ δηλοῦντοσ ὅτι τὰ πλήθη τὸν λιμὸν οὐχ ὑπομένει, πολλοὶ δὲ καὶ πρὸσ τοὺσ πολεμίουσ αὐτομολοῦσι διὰ τὴν ἔνδειαν, ἔγνω διακινδυνεύειν ὁ τῶν Καρχηδονίων στρατηγόσ, οὐχ ἧττον ἐπὶ τοῦτο φερομένων καὶ τῶν Ῥωμαίων διὰ τὰσ προειρημένασ αἰτίασ.

διόπερ ἐξαγαγόντεσ ἀμφότεροι τὰσ δυνάμεισ εἰσ τὸν μεταξὺ τόπον τῶν στρατοπέδων συνέβαλλον ἀλλήλοισ.

ἐπὶ πολὺν δὲ χρόνον γενομένησ τῆσ μάχησ τέλοσ ἐτρέψαντο τοὺσ προκινδυνεύσαντασ μισθοφόρουσ τῶν Καρχηδονίων οἱ Ῥωμαῖοι.

τούτων δὲ πεσόντων εἰσ τὰ θηρία καὶ τὰσ λοιπὰσ τάξεισ τὰσ ἐφεστηκυίασ συνέβη πᾶν συνταραχθῆναι τὸ τῶν Φοινίκων στρατόπεδον.

γενομένου δ’ ἐγκλίματοσ ὁλοσχεροῦσ οἱ μὲν πλεῖστοι διεφθάρησαν αὐτῶν, τινὲσ δ’ εἰσ Ἡράκλειαν ἀπεχώρησαν·

οἱ δὲ Ῥωμαῖοι τῶν τε πλείστων ἐκυρίευσαν θηρίων καὶ τῆσ ἐπισκευῆσ ἁπάσησ. ἐπιγενομένησ δὲ τῆσ νυκτόσ, καὶ διὰ τὴν ἐκ τῶν κατορθωμάτων χαρὰν καὶ διὰ τὸν κόπον ῥᾳθυμότερον ταῖσ φυλακαῖσ αὐτῶν χρησαμένων, ἀπελπίσασ Ἀννίβασ τὰ πράγματα καὶ νομίσασ ἔχειν εὐφυῆ καιρὸν πρὸσ σωτηρίαν διὰ τὰσ προειρημένασ αἰτίασ, ὡρ́μησε περὶ μέσασ νύκτασ ἐκ τῆσ πόλεωσ, ἔχων τὰσ ξενικὰσ δυνάμεισ.

χώσασ δὲ φορμοῖσ ἀχύρων σεσαγμένοισ τὰσ τάφρουσ ἔλαθε τοὺσ πολεμίουσ ἀπαγαγὼν ἀσφαλῶσ τὴν δύναμιν.

οἱ δὲ Ῥωμαῖοι τῆσ ἡμέρασ ἐπελθούσησ συνέντεσ τὸ γεγονὸσ καὶ τῆσ οὐραγίασ τῆσ τῶν περὶ τὸν Ἀννίβαν ἐπὶ βραχὺ καθαψάμενοι μετὰ ταῦτα πάντεσ ὡρ́μησαν πρὸσ τὰσ πύλασ.

οὐδενὸσ δ’ ἐμποδὼν αὐτοῖσ ἱσταμένου, παρεισπεσόντεσ διήρπασαν τὴν πόλιν καὶ πολλῶν μὲν σωμάτων, πολλῆσ δὲ καὶ παντοδαπῆσ ἐγένοντο κατασκευῆσ ἐγκρατεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 19

(폴리비오스, Histories, book 1, chapter 19)

상위

목록

SEARCH

MENU NAVIGATION