헬라어 문장 검색 - ΠολψβίΗιστορί01́018́

(폴리비오스, Histories, book 1, chapter 18)

Μετὰ δὲ ταῦτα συνέβη τοὺσ μὲν Καρχηδονίουσ εὐλαβέστερον διακεῖσθαι πρὸσ τὰσ ἐπιθέσεισ, τοὺσ δὲ Ῥωμαίουσ φυλακτικώτερον χρῆσθαι ταῖσ προνομαῖσ. ἐπεὶ δ’ οὐκ ἀντεξῄεσαν οἱ Καρχηδόνιοι πλὴν ἑώσ ἀκροβολισμοῦ, διελόντεσ οἱ στρατηγοὶ τῶν Ῥωμαίων εἰσ δύο μέρη τὴν δύναμιν τῷ μὲν ἑνὶ περὶ τὸ πρὸ τῆσ πόλεωσ Ἀσκληπιεῖον ἔμενον, θατέρῳ δὲ κατεστρατοπέδευσαν ἐν τοῖσ πρὸσ Ἡράκλειαν κεκλιμένοισ μέρεσιν τῆσ πόλεωσ.

τὰ δὲ μεταξὺ τῶν στρατοπέδων ἐξ ἑκατέρου τοῦ μέρουσ τῆσ πόλεωσ ὠχυρώσαντο καὶ τὴν μὲν ἐντὸσ αὐτῶν τάφρον προεβάλοντο χάριν τῆσ πρὸσ τοὺσ ἐξιόντασ ἐκ τῆσ πόλεωσ ἀσφαλείασ, τὴν δ’ ἐκτὸσ αὐτῶν περιεβάλοντο, φυλακὴν ποιούμενοι τῶν ἔξωθεν ἐπιθέσεων καὶ τῶν παρεισάγεσθαι καὶ παρεισπίπτειν εἰωθότων εἰσ τὰσ πολιορκουμένασ πόλεισ.

τὰ δὲ μεταξὺ τῶν τάφρων καὶ τῶν στρατοπέδων διαστήματα φυλακαῖσ διέλαβον, ὀχυροποιησάμενοι τοὺσ εὐκαίρουσ τῶν τόπων ἐν διαστάσει.

τὰ δὲ χορήγια καὶ τὴν ἄλλην παρασκευὴν οἱ μὲν ἄλλοι σύμμαχοι πάντεσ ἥθροιζον αὐτοῖσ καὶ παρῆγον εἰσ Ἑρβησόν, αὐτοὶ δ’ ἐκ ταύτησ τῆσ πόλεωσ οὐ μακρὰν ὑπαρχούσησ ἄγοντεσ καὶ φέροντεσ συνεχῶσ τὰσ ἀγορὰσ δαψιλῆ τἀναγκαῖα σφίσι παρεσκεύαζον.

πέντε μὲν οὖν ἴσωσ μῆνασ ἐπὶ τῶν αὐτῶν διέμενον, οὐδὲν ὁλοσχερὲσ προτέρημα δυνάμενοι λαβεῖν κατ’ ἀλλήλων πλὴν τῶν ἐν αὐτοῖσ τοῖσ ἀκροβολισμοῖσ συμβαινόντων.

συναγομένων δὲ τῷ λιμῷ τῶν Καρχηδονίων διὰ τὸ πλῆθοσ τῶν ἐν τῇ πόλει συγκεκλεισμένων ἀνδρῶν ‐ οὐ γὰρ ἐλάττουσ πέντε μυριάδων ὑπῆρχον ‐ δυσχρηστούμενοσ Ἀννίβασ ἤδη τοῖσ πράγμασιν, ὁ τεταγμένοσ ἐπὶ τῶν πολιορκουμένων δυνάμεων, διεπέμπετο συνεχῶσ εἰσ τὴν Καρχηδόνα τήν τε περίστασιν διασαφῶν καὶ βοηθεῖν παρακαλῶν.

οἱ δ’ ἐν τῇ Καρχηδόνι τῶν ἐπισυνηγμένων στρατιωτῶν καὶ θηρίων γεμίσαντεσ τὰσ ναῦσ ἐξέπεμψαν εἰσ τὴν Σικελίαν πρὸσ Ἄννωνα τὸν ἕτερον στρατηγόν.

ὃσ συναγαγὼν τὰσ παρασκευὰσ καὶ δυνάμεισ εἰσ Ἡράκλειαν πρῶτον μὲν πραξικοπήσασ κατέσχε τὴν τῶν Ἑρβησέων πόλιν καὶ παρείλετο τὰσ ἀγορὰσ καὶ τὴν τῶν ἀναγκαίων χορηγίαν τοῖσ τῶν ὑπεναντίων στρατοπέδοισ.

ἐξ οὗ συνέβη τοὺσ Ῥωμαίουσ ἐπ’ ἴσου πολιορκεῖν καὶ πολιορκεῖσθαι τοῖσ πράγμασιν.

εἰσ γὰρ τοῦτο συνήγοντο τῇ σιτοδείᾳ καὶ σπάνει τῶν ἀναγκαίων ὥστε πολλάκισ βουλεύεσθαι περὶ τοῦ λύειν τὴν πολιορκίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 18

(폴리비오스, Histories, book 1, chapter 18)

상위

목록

SEARCH

MENU NAVIGATION