헬라어 텍스트

Polybius, Histories, book 1, chapter 12

(폴리비오스, Histories, book 1, chapter 12)

εἰσ τὰσ Συρακούσασ. τῇ δὲ κατὰ πόδασ ἡμέρᾳ γνοὺσ Ἄππιοσ τὴν ἀπόλυσιν τῶν προειρημένων καὶ γενόμενοσ εὐθαρσὴσ ἔκρινε μὴ μέλλειν, ἀλλ’ ἐγχειρεῖν τοῖσ Καρχηδονίοισ. παραγγείλασ οὖν τοῖσ στρατιώταισ ἐν ὡρ́ᾳ γίνεσθαι τὴν θεραπείαν, ἅμα τῷ φωτὶ τὴν ἔξοδον ἐποιεῖτο.

συμβαλὼν δὲ τοῖσ ὑπεναντίοισ πολλοὺσ μὲν αὐτῶν ἀπέκτεινε, τοὺσ δὲ λοιποὺσ ἠνάγκασε φυγεῖν προτροπάδην εἰσ τὰσ παρακειμένασ πόλεισ.

χρησάμενοσ δὲ τοῖσ εὐτυχήμασι τούτοισ καὶ λύσασ τὴν πολιορκίαν, λοιπὸν ἐπιπορευόμενοσ ἀδεῶσ ἐπόρθει τήν τε τῶν Συρακοσίων καὶ τὴν τῶν συμμαχούντων αὐτοῖσ χώραν, οὐδενὸσ ἀντιποιουμένου τῶν ὑπαίθρων·

τὸ δὲ τελευταῖον προσκαθίσασ αὐτὰσ ἐπεβάλετο πολιορκεῖν τὰσ Συρακούσασ. ἣν οἰκειοτάτην κρίναντεσ ἀρχὴν εἶναι τῆσ ὅλησ προθέσεωσ, ἀπὸ ταύτησ ἐποιησάμεθα τὴν ἐπίστασιν, ἀναδραμόντεσ ἔτι τοῖσ χρόνοισ τοῦ μηδὲν ἀπόρημα καταλιπεῖν ὑπὲρ τῶν κατὰ τὰσ αἰτίασ ἀποδείξεων.

τῷ γὰρ πῶσ καὶ πότε πταίσαντεσ αὐτῇ τῇ πατρίδι Ῥωμαῖοι τῆσ ἐπὶ τὸ βέλτιον ἤρξαντο προκοπῆσ καὶ πότε πάλιν καὶ πῶσ κρατήσαντεσ τῶν κατὰ τὴν Ἰταλίαν τοῖσ ἐκτὸσ ἐπιχειρεῖν ἐπεβάλοντο πράγμασιν, ἀναγκαῖον ὑπελάβομεν εἶναι παρακολουθῆσαι τοῖσ μέλλουσι καὶ τὸ κεφάλαιον αὐτῶν τῆσ νῦν ὑπεροχῆσ δεόντωσ συνόψεσθαι.

διόπερ οὐ χρὴ θαυμάζειν οὐδ’ ἐν τοῖσ ἑξῆσ, ἐάν που προσανατρέχωμεν τοῖσ χρόνοισ περὶ τῶν ἐπιφανεστάτων πολιτευμάτων.

τοῦτο γὰρ ποιήσομεν χάριν τοῦ λαμβάνειν ἀρχὰσ τοιαύτασ, ἐξ ὧν ἔσται σαφῶσ κατανοεῖν ἐκ τίνων ἕκαστοι καὶ πότε καὶ πῶσ ὁρμηθέντεσ εἰσ ταύτασ παρεγένοντο τὰσ διαθέσεισ, ἐν αἷσ ὑπάρχουσι νῦν.

ὃ δὴ καὶ περὶ Ῥωμαίων ἄρτι πεποιήκαμεν.