헬라어 문장 검색 - ΠολψβίΗιστορί01́011́

(폴리비오스, Histories, book 1, chapter 11)

πολὺν μὲν χρόνον ἐβουλεύσαντο, καὶ τὸ μὲν συνέδριον οὐδ’ εἰσ τέλοσ ἐκύρωσε τὴν γνώμην διὰ τὰσ ἄρτι ῥηθείσασ αἰτίασ. ἐδόκει γὰρ τὰ περὶ τὴν ἀλογίαν τῆσ τοῖσ Μαμερτίνοισ ἐπικουρίασ ἰσορροπεῖν τοῖσ ἐκ τῆσ βοηθείασ συμφέρουσιν. οἱ δὲ πολλοὶ τετρυμένοι μὲν ὑπὸ τῶν προγεγονότων πολέμων καὶ προσδεόμενοι παντοδαπῆσ ἐπανορθώσεωσ, ἅμα δὲ τοῖσ ἄρτι ῥηθεῖσι περὶ τοῦ κοινῇ συμφέρειν τὸν πόλεμον καὶ κατ’ ἰδίαν ἑκάστοισ ὠφελείασ προδήλουσ καὶ μεγάλασ ὑποδεικνυόντων τῶν στρατηγῶν, ἔκριναν βοηθεῖν.

κυρωθέντοσ δὲ τοῦ δόγματοσ ὑπὸ τοῦ δήμου, προχειρισάμενοι τὸν ἕτερον τῶν ὑπάτων στρατηγὸν Ἄππιον Κλαύδιον ἐξαπέστειλαν, κελεύσαντεσ βοηθεῖν καὶ διαβαίνειν εἰσ Μεσσήνην.

οἱ δὲ Μαμερτῖνοι τὸν μὲν τῶν Καρχηδονίων στρατηγὸν ἤδη κατέχοντα τὴν ἄκραν ἐξέβαλον, τὰ μὲν καταπληξάμενοι, τὰ δὲ παραλογισάμενοι·

τὸν δ’ Ἄππιον ἐπεσπῶντο καὶ τούτῳ τὴν πόλιν ἐνεχείριζον. Καρχηδόνιοι δὲ τὸν μὲν στρατηγὸν αὐτῶν ἀνεσταύρωσαν, νομίσαντεσ αὐτὸν ἀβούλωσ, ἅμα δ’ ἀνάνδρωσ προέσθαι τὴν ἀκρόπολιν·

αὐτοὶ δὲ τῇ μὲν ναυτικῇ δυνάμει περὶ Πελωριάδα στρατοπεδεύσαντεσ, τῷ δὲ πεζῷ στρατεύματι περὶ τὰσ Σύνεισ καλουμένασ ἐνεργῶσ προσέκειντο τῇ Μεσσήνῃ.

κατὰ δὲ τὸν καιρὸν τοῦτον Ιἕρων νομίσασ εὐφυῶσ ἔχειν τὰ παρόντα πρὸσ τὸ τοὺσ βαρβάρουσ τοὺσ τὴν Μεσσήνην κατέχοντασ ὁλοσχερῶσ ἐκβαλεῖν ἐκ τῆσ Σικελίασ, τίθεται πρὸσ τοὺσ Καρχηδονίουσ συνθήκασ.

καὶ μετὰ ταῦτ’ ἀναζεύξασ ἐκ τῶν Συρακουσῶν ἐποιεῖτο τὴν πορείαν ἐπὶ τὴν προειρημένην πόλιν·

καταστρατοπεδεύσασ δ’ ἐκ θατέρου μέρουσ περὶ τὸ Χαλκιδικὸν ὄροσ καλούμενον ἀπέκλεισε καὶ ταύτησ τῆσ ἐξόδου τοὺσ ἐν τῇ πόλει. ὁ δὲ στρατηγὸσ τῶν Ῥωμαίων Ἄππιοσ νυκτὸσ καὶ παραβόλωσ περαιωθεὶσ τὸν πορθμὸν ἧκεν εἰσ τὴν Μεσσήνην.

ὁρῶν δὲ πανταχόθεν ἐνεργῶσ προσηρεικότασ τοὺσ πολεμίουσ καὶ συλλογισάμενοσ ἅμα μὲν αἰσχράν, ἅμα δ’ ἐπισφαλῆ γίνεσθαι τὴν πολιορκίαν αὑτῷ, τῆσ τε γῆσ τῶν πολεμίων ἐπικρατούντων καὶ τῆσ θαλάττησ, τὸ μὲν πρῶτον διεπρεσβεύετο πρὸσ ἀμφοτέρουσ, βουλόμενοσ ἐξελέσθαι τοῦ πολέμου τοὺσ Μαμερτίνουσ·

τέλοσ ἐπαναγκαζόμενοσ ἔκρινε διακινδυνεύειν καὶ πρῶτον ἐγχειρεῖν τοῖσ Συρακοσίοισ.

ἐξαγαγὼν δὲ τὴν δύναμιν παρέταξε πρὸσ μάχην, ἑτοίμωσ εἰσ τὸν ἀγῶνα συγκαταβάντοσ αὐτῷ καὶ τοῦ τῶν Συρακοσίων βασιλέωσ·

ἐπὶ πολὺν δὲ χρόνον διαγωνισάμενοσ ἐπεκράτησεν τῶν πολεμίων καὶ κατεδίωξε τοὺσ ὑπεναντίουσ ἑώσ εἰσ τὸν χάρακα πάντασ.

Ἄππιοσ μὲν οὖν σκυλεύσασ τοὺσ νεκροὺσ ἐπανῆλθεν πάλιν εἰσ τὴν Μεσσήνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 11

(폴리비오스, Histories, book 1, chapter 11)

상위

목록

SEARCH

MENU NAVIGATION