헬라어 문장 검색 - ΠολψβίΗιστορί01́007́

(폴리비오스, Histories, book 1, chapter 7)

Ἴδιον γάρ τι συνέβη καὶ παραπλήσιον ἑκατέραισ ταῖσ περὶ τὸν πορθμὸν ἐκτισμέναισ πόλεσιν· εἰσὶ δ’ αὗται Μεσσήνη καὶ Ῥήγιον. Μεσσήνην μὲν γὰρ οὐ πολλοῖσ ἀνώτερον χρόνοισ τῶν νῦν λεγομένων καιρῶν Καμπανοὶ παρ’ Ἀγαθοκλεῖ μισθοφοροῦντεσ καὶ πάλαι περὶ τὸ κάλλοσ καὶ τὴν λοιπὴν εὐδαιμονίαν τῆσ πόλεωσ ὀφθαλμιῶντεσ ἅμα τῷ λαβεῖν καιρὸν εὐθὺσ ἐπεχείρησαν παρασπονδεῖν·

παρεισελθόντεσ δ’ ὡσ φίλιοι καὶ κατασχόντεσ τὴν πόλιν οὓσ μὲν ἐξέβαλον τῶν πολιτῶν, οὓσ δ’ ἀπέσφαξαν.

πράξαντεσ δὲ ταῦτα τὰσ μὲν γυναῖκασ καὶ τὰ τέκνα τῶν ἠκληρηκότων, ὥσ ποθ’ ἡ τύχη διένειμεν παρ’ αὐτὸν τὸν τῆσ παρανομίασ καιρὸν ἑκάστοισ, οὕτωσ ἔσχον·

τοὺσ δὲ λοιποὺσ βίουσ καὶ τὴν χώραν μετὰ ταῦτα διελόμενοι κατεῖχον. ταχὺ δὲ καὶ ῥᾳδίωσ καλῆσ χώρασ καὶ πόλεωσ ἐγκρατεῖσ γενόμενοι παρὰ πόδασ εὑρ͂ον μιμητὰσ τῆσ πράξεωσ.

καθ’ ὃν καιρὸν Πύρροσ εἰσ Ἰταλίαν ἐπεραιοῦτο, καταπλαγεῖσ γενόμενοι τὴν ἔφοδον αὐτοῦ, δεδιότεσ δὲ καὶ Καρχηδονίουσ θαλαττοκρατοῦντασ ἐπεσπάσαντο φυλακὴν ἅμα καὶ βοήθειαν παρὰ Ῥωμαίων.

οἱ δ’ εἰσελθόντεσ χρόνον μέν τινα διετήρουν τὴν πόλιν καὶ τὴν ἑαυτῶν πίστιν, ὄντεσ τετρακισχίλιοι τὸν ἀριθμόν, ὧν ἡγεῖτο Δέκιοσ Καμπανόσ·

τέλοσ δὲ ζηλώσαντεσ τοὺσ Μαμερτίνουσ, ἅμα δὲ καὶ συνεργοὺσ λαβόντεσ αὐτοὺσ παρεσπόνδησαν τοὺσ Ῥηγίνουσ, ἐκπαθεῖσ ὄντεσ ἐπί τε τῇ τῆσ πόλεωσ εὐκαιρίᾳ καὶ τῇ τῶν Ῥηγίνων περὶ τοὺσ ἰδίουσ βίουσ εὐδαιμονίᾳ·

καὶ τοὺσ μὲν ἐκβαλόντεσ, τοὺσ δ’ ἀποσφάξαντεσ τῶν πολιτῶν τὸν αὐτὸν τρόπον τοῖσ Καμπανοῖσ κατέσχον τὴν πόλιν. οἱ δὲ Ῥωμαῖοι βαρέωσ μὲν ἔφερον τὸ γεγονόσ·

οὐ μὴν εἶχόν γε ποιεῖν οὐδὲν διὰ τὸ συνέχεσθαι τοῖσ προειρημένοισ πολέμοισ. ἐπεὶ δ’ ἀπὸ τούτων ἐγένοντο, συγκλείσαντεσ αὐτοὺσ ἐπολιόρκουν τὸ Ῥήγιον, καθάπερ ἐπάνω προεῖπον.

κρατήσαντεσ δὲ τοὺσ μὲν πλείστουσ ἐν αὐτῇ τῇ καταλήψει διέφθειραν, ἐκθύμωσ ἀμυνομένουσ διὰ τὸ προορᾶσθαι τὸ μέλλον, ζωγρίᾳ δ’ ἐκυρίευσαν πλειόνων ἢ τριακοσίων.

ὧν ἀναπεμφθέντων εἰσ τὴν Ῥώμην, οἱ στρατηγοὶ προαγαγόντεσ εἰσ τὴν ἀγορὰν καὶ μαστιγώσαντεσ ἅπαντασ κατὰ τὸ παρ’ αὐτοῖσ ἔθοσ ἐπελέκισαν, βουλόμενοι διὰ τῆσ εἰσ ἐκείνουσ τιμωρίασ, καθ’ ὅσον οἱοῖ́ τ’ ἦσαν, διορθοῦσθαι παρὰ τοῖσ συμμάχοισ τὴν αὑτῶν πίστιν.

τὴν δὲ χώραν καὶ τὴν πόλιν παραχρῆμα τοῖσ Ῥηγίνοισ ἀπέδοσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 7

(폴리비오스, Histories, book 1, chapter 7)

상위

목록

SEARCH

MENU NAVIGATION