헬라어 문장 검색 - ΠολψβίΗιστορί01́003́

(폴리비오스, Histories, book 1, chapter 3)

Ἄρξει δὲ τῆσ πραγματείασ ἡμῖν τῶν μὲν χρόνων ὀλυμπιὰσ ἑκατοστή τε καὶ τετταρακοστή, τῶν δὲ πράξεων παρὰ μὲν τοῖσ Ἕλλησιν ὁ προσαγορευθεὶσ συμμαχικὸσ πόλεμοσ, ὃν πρῶτον ἐξήνεγκε μετ’ Ἀχαιῶν πρὸσ Αἰτωλοὺσ Φίλιπποσ, Δημητρίου μὲν υἱόσ, πατὴρ δὲ Περσέωσ, παρὰ δὲ τοῖσ τὴν Ἀσίαν κατοικοῦσιν ὁ περὶ Κοίλησ Συρίασ, ὃν Ἀντίοχοσ καὶ Πτολεμαῖοσ ὁ Φιλοπάτωρ ἐπολέμησαν πρὸσ ἀλλήλουσ· ἐν δὲ τοῖσ κατὰ τὴν Ἰταλίαν καὶ Λιβύην τόποισ ὁ συστὰσ Ῥωμαίοισ καὶ Καρχηδονίοισ, ὃν οἱ πλεῖστοι προσαγορεύουσιν Ἀννιβιακόν.

ταῦτα δ’ ἔστι συνεχῆ τοῖσ τελευταίοισ τῆσ παρ’ Ἀράτου Σικυωνίου συντάξεωσ. ἐν μὲν οὖν τοῖσ πρὸ τούτων χρόνοισ ὡσανεὶ σποράδασ εἶναι συνέβαινε τὰσ τῆσ οἰκουμένησ πράξεισ διὰ τὸ καὶ κατὰ τὰσ ἐπιβολάσ, ἔτι δὲ καὶ τὰσ συντελείασ αὐτῶν ὁμοίωσ δὲ καὶ κατὰ τοὺσ τόπουσ διαφέρειν ἕκαστα τῶν πεπραγμένων.

ἀπὸ δὲ τούτων τῶν καιρῶν οἱονεὶ σωματοειδῆ συμβαίνει γίνεσθαι τὴν ἱστορίαν, συμπλέκεσθαί τε τὰσ Ἰταλικὰσ καὶ Λιβυκὰσ πράξεισ ταῖσ τε κατὰ τὴν Ἀσίαν καὶ ταῖσ Ἑλληνικαῖσ καὶ πρὸσ ἓν γίνεσθαι τέλοσ τὴν ἀναφορὰν ἁπάντων.

διὸ καὶ τὴν ἀρχὴν τῆσ αὑτῶν πραγματείασ ἀπὸ τούτων πεποιήμεθα τῶν καιρῶν.

τῷ γὰρ προειρημένῳ πολέμῳ κρατήσαντεσ Ῥωμαῖοι Καρχηδονίων καὶ νομίσαντεσ τὸ κυριώτατον καὶ μέγιστον μέροσ αὑτοῖσ ἠνύσθαι πρὸσ τὴν τῶν ὅλων ἐπιβολήν, οὕτωσ καὶ τότε πρῶτον ἐθάρσησαν ἐπὶ τὰ λοιπὰ τὰσ χεῖρασ ἐκτείνειν καὶ περαιοῦσθαι μετὰ δυνάμεωσ εἴσ τε τὴν Ἑλλάδα καὶ τοὺσ κατὰ τὴν Ἀσίαν τόπουσ.

εἰ μὲν οὖν ἡμῖν ἦν συνήθη καὶ γνώριμα τὰ πολιτεύματα τὰ περὶ τῆσ τῶν ὅλων ἀρχῆσ ἀμφισβητήσαντα, ἴσωσ οὐδὲν ἂν ἡμᾶσ ἔδει περὶ τῶν πρὸ τοῦ γράφειν ἀπὸ ποίασ προθέσεωσ ἢ δυνάμεωσ ὁρμηθέντεσ ἐνεχείρησαν τοῖσ τοιούτοισ καὶ τηλικούτοισ ἔργοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 3

(폴리비오스, Histories, book 1, chapter 3)

상위

목록

SEARCH

MENU NAVIGATION