헬라어 문장 검색 - Παυσαν́Δεσξριπ́2́38́

(파우사니아스, Description of Greece, Κορινθιακά, chapter 38)

ἐκ Λέρνησ δὲ ἰοῦσιν ἐσ Τημένιον ‐ τὸ δὲ Τημένιόν ἐστιν Ἀργείων, ὠνομάσθη δὲ ἀπὸ Τημένου τοῦ Ἀριστομάχου· καταλαβὼν γὰρ καὶ ἐχυρωσάμενοσ τὸ χωρίον ἐπολέμει σὺν τοῖσ Δωριεῦσιν αὐτόθεν τὸν πρὸσ Τισαμενὸν καὶ Ἀχαιοὺσ πόλεμον ‐ ἐσ τοῦτο οὖν τὸ Τημένιον ἰοῦσιν ὅ τε Φρίξοσ ποταμὸσ ἐκδίδωσιν ἐσ θάλασσαν καὶ Ποσειδῶνοσ ἱερὸν ἐν Τημενίῳ πεποίηται καὶ Ἀφροδίτησ ἕτερον καὶ μνῆμά ἐστι Τημένου τιμὰσ ἔχον παρὰ Δωριέων τῶν ἐν Ἄργει. Τημενίου δὲ ἀπέχει Ναυπλία πεντήκοντα ἐμοὶ δοκεῖν σταδίουσ, τὰ μὲν ἐφ’ ἡμῶν ἔρημοσ, οἰκιστὴσ δὲ ἐγένετο αὐτῆσ Ναύπλιοσ Ποσειδῶνοσ λεγόμενοσ καὶ Ἀμυμώνησ εἶναι.

λείπεται δὲ καὶ τειχῶν ἔτι ἐρείπια, καὶ Ποσειδῶνοσ ἱερὸν καὶ λιμένεσ εἰσὶν ἐν Ναυπλίᾳ καὶ πηγὴ Κάναθοσ καλουμένη· λουμένην παρθένον γίνεσθαι.

οὗτοσ μὲν δή σφισιν ἐκ τελετῆσ, ἣν ἄγουσι τῇ Ἥρᾳ, λόγοσ τῶν ἀπορρήτων ἐστίν·

τὰ δὲ ὑπὸ τῶν ἐν Ναυπλίᾳ λεγόμενα ἐσ τὸν ὄνον, ὡσ ἐπιφαγὼν ἀμπέλου κλῆμα ἀφθονώτερον ἐσ τὸ μέλλον ἀπέφηνε τὸν καρπόν ‐ καὶ ὄνοσ σφίσιν ἐν πέτρᾳ πεποιημένοσ διὰ τοῦτό ἐστιν ἅτε ἀμπέλων διδάξασ τομήν ‐ , παρίημι οὐκ ἀξιόλογα ἡγούμενοσ. ἔστι δὲ ἐκ Λέρνησ καὶ ἑτέρα παρ’ αὐτὴν ὁδὸσ τὴν θάλασσαν ἐπὶ χωρίον ὃ Γενέσιον ὀνομάζουσι·

πρὸσ θαλάσσῃ δὲ τοῦ Γενεσίου Ποσειδῶνοσ ἱερόν ἐστιν οὐ μέγα. τούτου δ’ ἔχεται χωρίον ἄλλο Ἀπόβαθμοι· γῆσ δὲ ἐνταῦθα πρῶτον τῆσ Ἀργολίδοσ Δαναὸν σὺν ταῖσ παισὶν ἀποβῆναι λέγουσιν. ἐντεῦθεν διελθοῦσιν Ἀνιγραῖα καλούμενα ὁδὸν καὶ στενὴν καὶ ἄλλωσ δύσβατον, ἔστιν ἐν ἀριστερᾷ μὲν καθήκουσα ἐπὶ θάλασσαν καὶ δένδρα ‐ ἐλαίασ μάλιστα ‐ ἀγαθὴ τρέφειν γῆ, ἰόντι δὲ ἄνω πρὸσ τὴν ἤπειρον <ἀπ’> αὐτῆσ χωρίον ἐστίν, ἔνθα δὴ ἐμαχέσαντο ὑπὲρ τῆσ γῆσ ταύτησ λογάδεσ Ἀργείων τριακόσιοι πρὸσ ἄνδρασ Λακεδαιμονίων ἀριθμόν τε ἴσουσ καὶ ἐπιλέκτουσ ὁμοίωσ. ἀποθανόντων δὲ ἁπάντων πλὴν ἑνὸσ Σπαρτιάτου καὶ δυοῖν Ἀργείων, τοῖσ μὲν ἀποθανοῦσιν ἐχώσθησαν ἐνταῦθα οἱ τάφοι, τὴν χώραν δὲ οἱ Λακεδαιμόνιοι γενομένου πανδημεί σφισιν ἀγῶνοσ πρὸσ Ἀργείουσ κρατήσαντεσ βεβαίωσ αὐτοί τε παραυτίκα ἐκαρποῦντο καὶ ὕστερον Αἰγινήταισ ἔδοσαν ἐκπεσοῦσιν ὑπὸ Ἀθηναίων ἐκ τῆσ νήσου.

τὰ δὲ ἐπ’ ἐμοῦ τὴν Θυρεᾶτιν ἐνέμοντο Ἀργεῖοι· φασὶ δὲ ἀνασώσασθαι δίκῃ νικήσαντεσ. ἀπὸ δὲ τῶν πολυανδρίων ἰόντι Ἀ<ν>θήνη τέ ἐστιν, ἐσ ἣν Αἰγινῆταί ποτε ᾤκησαν, καὶ ἑτέρα κώμη Νηρίσ, τρίτη δὲ Εὐά μεγίστη τῶν κωμῶν·

καὶ ἱερὸν τοῦ Πολεμοκράτουσ ἐστὶν ἐν ταύτῃ.

ὁ δὲ Πολεμοκράτησ ἐστὶ καὶ οὗτοσ Μαχάονοσ υἱόσ, ἀδελφὸσ δὲ Ἀλεξάνοροσ, καὶ ἰᾶται τοὺσ ταύτῃ καὶ τιμὰσ παρὰ τῶν προσοίκων ἔχει. ἀνατείνει δὲ ὑπὲρ τὰσ κώμασ ὄροσ Πάρνων, καὶ Λακεδαιμονίων ἐπ’ αὐτοῦ πρὸσ Ἀργείουσ ὁρ́οι καὶ Τεγεάτασ εἰσίν·

ἑστήκασι δὲ ἐπὶ τοῖσ ὁρ́οισ Ἑρμαῖ λίθου, καὶ τοῦ χωρίου τὸ ὄνομά ἐστιν ἀπ’ αὐτῶν. ποταμὸσ δὲ καλούμενοσ Τάναοσ ‐ εἷσ γὰρ δὴ οὗτοσ ἐκ τοῦ Πάρνωνοσ κάτεισι ‐ ῥέων διὰ τῆσ Ἀργείασ καὶ ἐκδίδωσιν ἐσ τὸν Θυρεάτην κόλπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 38

(파우사니아스, Description of Greece, Κορινθιακά, chapter 38)

상위

목록

SEARCH

MENU NAVIGATION