헬라어 문장 검색 - Παυσαν́Δεσξριπ́2́10́

(파우사니아스, Description of Greece, Κορινθιακά, chapter 10)

ἐν δὲ τῷ γυμνασίῳ τῆσ ἀγορᾶσ ὄντι οὐ μακρὰν Ἡρακλῆσ ἀνάκειται λίθου, Σκόπα ποίημα. ἔστι δὲ καὶ ἑτέρωθι ἱερὸν Ἡρακλέουσ· τὸν μὲν πάντα ἐνταῦθα περίβολον Παιδιζὴν ὀνομάζουσιν, ἐν μέσῳ δέ ἐστι τῷ περιβόλῳ τὸ ἱερόν, ἐν δὲ αὐτῷ ξόανον ἀρχαῖον, τέχνη Φλιασίου Λαφάουσ. ἐπὶ δὲ τῇ θυσίᾳ τοιάδε δρᾶν νομίζουσι.

Φαῖστον ἐν Σικυωνίᾳ λέγουσιν ἐλθόντα καταλαβεῖν Ἡρακλεῖ σφᾶσ ὡσ ἡρ́ωι ἐναγίζοντασ· οὔκουν ἠξίου δρᾶν οὐδὲν ὁ Φαῖστοσ τῶν αὐτῶν, ἀλλ’ ὡσ θεῷ θύειν. καὶ νῦν ἔτι ἄρνα οἱ Σικυώνιοι σφάξαντεσ καὶ τοὺσ μηροὺσ ἐπὶ τοῦ βωμοῦ καύσαντεσ τὰ μὲν ἐσθίουσιν ὡσ ἀπὸ ἱερείου, τὰ δὲ ὡσ ἡρ́ωι τῶν κρεῶν ἐναγίζουσι. τῆσ ἑορτῆσ δέ, ἣν ἄγουσι τῷ Ἡρακλεῖ, τὴν προτέραν τῶν ἡμερῶν ὀνόματα ὀνομάζοντεσ Ἡράκλεια δὴ καλοῦσι τὴν ὑστέραν. ἐντεῦθέν ἐστιν ὁδὸσ ἐσ ἱερὸν Ἀσκληπιοῦ.

παρελθοῦσι δὲ ἐσ τὸν περίβολον ἐν ἀριστερᾷ διπλοῦν ἐστιν οἴκημα· κεῖται δὲ Ὕπνοσ ἐν τῷ προτέρῳ, καί οἱ πλὴν τῆσ κεφαλῆσ ἄλλο οὐδὲν ἔτι λείπεται. τὸ ἐνδοτέρω δὲ Ἀπόλλωνι ἀνεῖται Καρνείῳ, καὶ ἐσ αὐτὸ οὐκ ἔστι πλὴν τοῖσ ἱερεῦσιν ἔσοδοσ. κεῖται δὲ ἐν τῇ στοᾷ κήτουσ ὀστοῦν θαλασσίου μεγέθει μέγα καὶ μετ’ αὐτὸ ἄγαλμα Ὀνείρου καὶ Ὕπνοσ κατακοιμίζων λέοντα, Ἐπιδώτησ δὲ ἐπίκλησιν. ἐσ δὲ τὸ Ἀσκληπιεῖον ἐσιοῦσι καθ’ ἕτερον τῆσ ἐσόδου τῇ μὲν Πανὸσ καθήμενον ἄγαλμά ἐστι, τῇ δὲ Ἄρτεμισ ἕστηκεν. ἐσελθοῦσι δὲ ὁ θεόσ ἐστιν οὐκ ἔχων γένεια, χρυσοῦ καὶ ἐλέφαντοσ, Καλάμιδοσ δὲ ἔργον·

ἔχει δὲ καὶ σκῆπτρον καὶ ἐπὶ τῆσ ἑτέρασ χειρὸσ πίτυοσ καρπὸν τῆσ ἡμέρου. φασὶ δέ σφισιν ἐξ Ἐπιδαύρου κομισθῆναι τὸν θεὸν ἐπὶ ζεύγουσ ἡμιόνων δράκοντι εἰκασμένον, τὴν δὲ ἀγαγοῦσαν Νικαγόραν εἶναι Σικυωνίαν Ἀγασικλέουσ μητέρα, γυναῖκα δὲ Ἐχετίμου. ἐνταῦθα ἀγάλματά ἐστιν οὐ μεγάλα ἀπηρτημένα τοῦ ὀρόφου·

τὴν δὲ ἐπὶ τῷ δράκοντι Ἀριστοδάμαν Ἀράτου μητέρα εἶναι λέγουσι καὶ Ἄρατον Ἀσκληπιοῦ παῖδα εἶναι νομίζουσιν. οὗτοσ μὲν δὴ παρείχετο ὁ περίβολοσ τοσάδε ἐσ μνήμην, <πέραν δὲ> δι’ αὐτοῦ δὲ ἄλλοσ ἐστὶν Ἀφροδίτησ ἱερόσ·

ἐν δὲ αὐτῷ πρῶτον ἄγαλμά ἐστιν Ἀντιόπησ· εἶναι γάρ οἱ τοὺσ παῖδασ Σικυωνίουσ καὶ δι’ ἐκείνουσ ἐθέλουσι καὶ αὐτὴν Ἀντιόπην προσήκειν σφίσι. μετὰ τοῦτο ἤδη τὸ τῆσ Ἀφροδίτησ ἐστὶν ἱερόν. ἐσίασι μὲν δὴ ἐσ αὐτὸ γυνή τε νεωκόροσ, ᾗ μηκέτι θέμισ παρ’ ἄνδρα φοιτῆσαι, καὶ παρθένοσ ἱερωσύνην ἐπέτειον ἔχουσα· λουτροφόρον τὴν παρθένον ὀνομάζουσι· τοῖσ δὲ ἄλλοισ κατὰ ταὐτὰ καὶ ὁρᾶν ἀπὸ τῆσ ἐσόδου τὴν θεὸν καὶ αὐτόθεν προσεύχεσθαι. τὸ μὲν δὴ ἄγαλμα καθήμενον Κάναχοσ Σικυώνιοσ ἐποίησεν, ὃσ καὶ τὸν ἐν Διδύμοισ τοῖσ Μιλησίων καὶ Θηβαίοισ τὸν Ἰσμήνιον εἰργάσατο Ἀπόλλωνα·

πεποίηται δὲ ἔκ τε χρυσοῦ καὶ ἐλέφαντοσ, φέρουσα ἐπὶ τῇ κεφαλῇ πόλον, τῶν χειρῶν δὲ ἔχει τῇ μὲν μήκωνα τῇ δὲ ἑτέρᾳ μῆλον. τῶν δὲ ἱερείων τοὺσ μηροὺσ θύουσι πλὴν ὑῶν, τἄλλα δὲ ἀρκεύθου ξύλοισ καθαγίζουσι, καιομένοισ δὲ ὁμοῦ τοῖσ μηροῖσ φύλλον τοῦ παιδέρωτοσ συγκαθαγίζουσιν. ἔνεστι δὲ ὁ παιδέρωσ ἐν ὑπαίθρῳ τοῦ περιβόλου πόα, φύεται δὲ ἀλλαχόθι οὐδαμοῦ γῆσ, οὔτε ἄλλησ οὔτε τῆσ Σικυωνίασ.

τὰ δέ οἱ φύλλα ἐλάσσονα ἢ φηγοῦ, μείζονα δέ ἐστιν ἢ πρίνου, σχῆμα δέ σφισιν οἱο͂ν τοῖσ τῆσ δρυόσ·

καὶ τὸ μὲν ὑπομελαίνει, τὸ δὲ ἕτερον λευκόν ἐστι· φύλλοισ δ’ ἂν λεύκησ μάλιστα εἰκάζοισ τὴν χροιάν. ἀπὸ τούτων δὲ ἀνιοῦσιν ἐσ τὸ γυμνάσιον, ἔστιν ἐν δεξιᾷ Φεραίασ ἱερὸν Ἀρτέμιδοσ·

κομισθῆναι δὲ τὸ ξόανον λέγουσιν ἐκ Φερῶν. τὸ δέ σφισι γυμνάσιον τοῦτο Κλεινίασ ᾠκοδόμησε, καὶ παιδεύουσιν ἐνταῦθα ἔτι τοὺσ ἐφήβουσ. κεῖται δὲ λίθου λευκοῦ καὶ Ἄρτεμισ τὰ ἐσ ἰξὺν μόνον εἰργασμένη καὶ Ἡρακλῆσ τὰ κάτω τοῖσ Ἑρμαῖσ τοῖσ τετραγώνοισ εἰκασμένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 10

(파우사니아스, Description of Greece, Κορινθιακά, chapter 10)

상위

목록

SEARCH

MENU NAVIGATION