호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ Ἕλληνεσ ἐπείτε ἀπίκατο ἐσ τὸν Ἰσθμόν, ἐβουλεύοντο πρὸσ τὰ λεχθέντα ἐξ Ἀλεξάνδρου τῇ τε στήσονται τὸν πόλεμον καὶ ἐν οἱοίσι χώροισι. ἡ νικῶσα δὲ γνώμη ἐγίνετο τὴν ἐν Θερμοπύλῃσι ἐσβολὴν φυλάξαι· στεινοτέρη γὰρ ἐφαίνετο ἐοῦσα τῆσ ἐσ Θεσσαλίην καὶ ἅμα ἀγχοτέρη τῆσ ἑωυτῶν· τὴν δὲ ἀτραπόν, δι’ ἣλωσαν οἱ ἁλόντεσ Ἑλλήνων ἐν Θερμοπύλῃσι, οὐδὲ ᾔδεσαν ἐοῦσαν πρότερον ἤ περ ἀπικόμενοι ἐσ Θερμοπύλασ ἐπύθοντο Τρηχινίων.
ταύτην ὦν ἐβουλεύσαντο φυλάσσοντεσ τὴν ἐσβολὴν μὴ παριέναι ἐσ τὴν Ἑλλάδα τὸν βάρβαρον, τὸν δὲ ναυτικὸν στρατὸν πλέειν γῆσ τῆσ Ἱστιαιώτιδοσ ἐπὶ Ἀρτεμίσιον. ταῦτα γὰρ ἀγχοῦ τε ἀλλήλων ἐστὶ ὥστε πυνθάνεσθαι τὰ κατὰ ἑκατέρουσ ἐόντα, οἵ τε χῶροι οὕτω ἔχουσι.
호흡부호 보기
강세부호 보기
장단부호 보기
작은 Iota 보기
모든 부호 보기