헬라어 문장 검색 - ΗεροδόΤηεΗιστ́7́190́

(헤로도토스, The Histories, book 7, chapter 172)

Θεσσαλοὶ δὲ ὑπὸ ἀναγκαίησ τὸ πρῶτον ἐμήδισαν, ὡσ διέδεξαν, ὅτι οὔ σφι ἥνδανε τὰ οἱ Ἀλευάδαι ἐμηχανῶντο. ἐπείτε γὰρ ἐπύθοντο τάχιστα μέλλοντα διαβαίνειν τὸν Πέρσην ἐσ τὴν Εὐρώπην, πέμπουσι ἐσ τὸν Ἰσθμὸν ἀγγέλουσ· ἐν δὲ τῷ Ἰσθμῷ ἦσαν ἁλισμένοι πρόβουλοι τῆσ Ἑλλάδοσ ἀραιρημένοι ἀπὸ τῶν πολίων τῶν τὰ ἀμείνω φρονεουσέων περὶ τὴν Ἑλλάδα. ἀπικόμενοι δὲ ἐπὶ τούτουσ τῶν Θεσσαλῶν οἱ ἄγγελοι ἔλεγον Ἄνδρεσ Ἕλληνεσ, δεῖ φυλάσσεσθαι τὴν ἐσβολὴν τὴν Ὀλυμπικήν, ἵνα Θεσσαλίη τε καὶ ἡ σύμπασα ᾖ Ἑλλὰσ ἐν σκέπῃ τοῦ πολέμου.

ἡμεῖσ μέν νυν ἕτοιμοι εἰμὲν συμφυλάσσειν, πέμπειν δὲ χρὴ καὶ ὑμέασ στρατιὴν πολλήν, ὡσ, εἰ μὴ πέμψετε, ἐπίστασθε ἡμέασ ὁμολογήσειν τῷ Πέρσῃ· οὐ γάρ τι προκατημένουσ τοσοῦτο πρὸ τῆσ ἄλλησ Ἑλλάδοσ μούνουσ πρὸ ὑμέων δεῖ ἀπολέσθαι. βοηθέειν δὲ οὐ βουλόμενοι ἀναγκαίην ἡμῖν οὐδεμίαν οἱοῖ́ τε ἐστὲ προσφέρειν·

οὐδαμὰ γὰρ ἀδυνασίησ ἀνάγκη κρέσσων ἔφυ. ἡμεῖσ δὲ πειρησόμεθα αὐτοί τινα σωτηρίην μηχανώμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 172

(헤로도토스, The Histories, book 7, chapter 172)

상위

목록

SEARCH

MENU NAVIGATION