헬라어 문장 검색 - ΗεροδόΤηεΗιστ́7́170́

(헤로도토스, The Histories, book 7, chapter 152)

εἰ μέν νυν Ξέρξησ τε ἀπέπεμψε ταῦτα λέγοντα κήρυκα ἐσ Ἄργοσ καὶ Ἀργείων ἄγγελοι ἀναβάντεσ ἐσ Σοῦσα ἐπειρώτων Ἀρτοξέρξεα περὶ φιλίησ, οὐκ ἔχω ἀτρεκέωσ εἰπεῖν, οὐδέ τινα γνώμην περὶ αὐτῶν ἀποφαίνομαι ἄλλην γε ἢ τήν περ αὐτοὶ Ἀργεῖοι λέγουσι· ἐπίσταμαι δὲ τοσοῦτο ὅτι εἰ πάντεσ ἄνθρωποι τὰ οἰκήια κακὰ ἐσ μέσον συνενείκαιεν ἀλλάξασθαι βουλόμενοι τοῖσι πλησίοισι, ἐγκύψαντεσ ἂν ἐσ τὰ τῶν πέλασ κακὰ ἀσπασίωσ ἕκαστοι αὐτῶν ἀποφεροίατο ὀπίσω τὰ ἐσενεικαίατο.

οὕτω δὲ οὐδ’ Ἀργείοισι αἴσχιστα πεποίηται.

ἐγὼ δὲ ὀφείλω λέγειν τὰ λεγόμενα, πείθεσθαί γε μὲν οὐ παντάπασι ὀφείλω, καί μοι τοῦτο τὸ ἔποσ ἐχέτω ἐσ πάντα λόγον· ἐπεὶ καὶ ταῦτα λέγεται, ὡσ ἄρα Ἀργεῖοι ἦσαν οἱ ἐπικαλεσάμενοι τὸν Πέρσην ἐπὶ τὴν Ἑλλάδα, ἐπειδή σφι πρὸσ τοὺσ Λακεδαιμονίουσ κακῶσ ἡ αἰχμὴ ἑστήκεε, πᾶν δὴ βουλόμενοι σφίσι εἶναι πρὸ τῆσ παρεούσησ λύπησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 152

(헤로도토스, The Histories, book 7, chapter 152)

상위

목록

SEARCH

MENU NAVIGATION